اول خطوة في الابتعاث

وعليكم السلام ورحمة الله وبركاته

ترجمة أوراقك (شهاداتك الدراسية وكشف الدرجات وشهادات الخبرة) في الجامعة وبعدها تصديقها من الجامعة ومن وزارة الخارجية وتطلب لك الضمان المالي اللي بواسطته تقدر تقدم بنفسك على جامعات برا أو تعطيه مكتب اذا لم تكن متمكن من اللغة الإنجليزية.
قبول اللغة بسيط جدا ولايحتاج مكتب لأنه انت تقدم على معهد زي معاهدنا هنا بالسعودية ممكن تفتح على المعاهد المناسبة بأمريكا وتراسلهم وتعطيهم المبلغ بالماستر كارد وبعدها بيرسلوا لك I-20 وتتابع أمور الفيزا وخلاص تقدر تسافر إن شاء الله أمور المعهد بتمشي سريع ...
لكن التقديم على الجامعات هو اللي ياخذ وقت وخصوصا أنه الجامعات اللي مستواها كويس في الغالب ماتعطي قبول مشروط.

قبول مشروط = لا يعتمد فقط على امتحان التوفل ممكن يطلبوا gre أو يطلبوا جيمات لأنه تخصصك ادارة ...الأفضل تكتب أسماء جامعات أمريكية كويسة وتشوف ايش شروطها...كل جامعة شروطها تختلف بنسبة بسيطة .

يعني اول خطوة اطلب من جامعتي ضمان مالي وبعد كذا اراسل المعهد صح كذا
بالنسبة للمرافق هل ممكن يقدم الضمان المالي للمبتعث وبكذا يحصل المبتعث والمرافق علي فيزا F1 ولا بس المبتعث يقدم الضمان المالي
والمرافق يحصل علي فيزا F2 وبعدين يغيرها من الملحقية الي فيزا F1
لاني سمعت ان الي فيزتة F2 يدرس في المعهد نصف يوم
ارجوا الافادة

أنا لما كلمت جامعتي على المرافق قالوا لي انهم مالهم دخل وانه الضمان المالي فقط خاص فيني....لكن حسب معلوماتي تقدر تاخذ من الملحقية ضمان للمرافق عشان يدرس لغة. أما اذا كان المرافق راح يدرس بالجامعة فتشوف اذا بيعطونه إلحاق ببعثة.
أما معلوماتي عن الفيزا..أتركها للبقية يفيدوك فيها أفضل مني...كل اللي أعرفه انه لما تروح المقابلة عشان الفيزا انت والمرافق لازم تكون متفقين من البداية عشان مايصير رفض للمرافق مثلا لو قال انه رايح مرافق فقط وبالأخير مثلا يدرس.. يعني من الأول شوف اذا المرافق راح يطلع بفيزا مرافق أو فيزا طالب.
هذا والله أعلم ,

اذا انت معيد فلك ضمان مالي من جامعتك اما المرافق فالجامعه مالها علاقه فيه تقدر تجيب قبول لغه للمرافق وتقدم فيه فيزا أف ون ويدرس دوام كامل عن طريق انك تجيب كشف حساب فيه مبلغ بحيث تقدر تجيب قبول بعد كذا راح تاخذ الضمان المالي للمرافق من الملحقيه بعد وصولك لبلد الابتعاث،،
موفق،،*

مشكورين علي الردود
طيب لو طلع المرافق بفيزتة مرافق F2 كيف بتكون دراستة دوام كامل ولا نصف دوام

ميرسي
يعطيكم العافيه