هل في معيدة او معيد طلع على استراليا

الأخوا بقسم استراليا ماراح يقصّرون,
اتمنى طرح الموضوع هنااك,

انا محاضر من جامعة الملك سعود
وباستراليا
امروا طال عمركم?

مرحبا استاذ وديع
بصراحة كنت اسأل عن معيدين عشان ودي بأحد نفس وضعي
لكن اذا تقدر تفيدني بشي فياريت
اولا انا توني رفعت قبولي في معهد اللغة لجامعتي ...ومتخوفة انهم مايوافقون لي ع استراليا لاي سبب من الاسباب
فكان ودي اعرف اذا احد طلع قريب ع استراليا وماسووله سالفة

شي ثاني انا للحين ماقدمت على قبول اكاديمي طبعا ماجستير
ومأجلة الموضوع لحد ما اطلع
وسمعت انو القبول فاستراليا مو سهل
وانو اغلب الجامعات تطلب خبرة بحثية او عملية او الاثنين
غير كذاا لابد من اجراء معادلة لشهادة من الجمعية الاسترالية ؟واللي ما ادري ايش متطلباتها بالضبط
وهل اطلعها من الحين ...لانو حسب علمي تاخذلها 8 اسابيع الين تطلع؟

اذا تقدر تفيدني اكون شاكرة لك
واتمنى من احد المعيدين او المعيدات الاطلاع على موضوعي ...ليطمئن قلبي
وشكرا

أستاذ وديع
سمعت ان في استراليا ثمانية جامعات معتمدة فقط و من ضمنها جامعتين في ملبورن سؤالي ماهي الجامعتين المعتمدة ،وأيضا هناك إعلان في أعلى المنتدى ورد فيه
( فصول نسائية لدراسة اللغة الانجليزية في ملبورن
* الفصول تابعة لمعهد ACL Hawthorn
* معتمدة من جامعة ملبورن . )

هل هذا المعهد تابع لجامعة ملبورن ؟؟؟؟
و هل يوجد في ملبورن مدارس سعودية ؟؟
وهل ملبورن أمنه بالنسبة للمنقبات و الطالبات بدون محرم؟؟
ياليت تعذرني على كثرة الأسئلة

السلام عليكم ورحمة الله وبركاته
أنا معيد في جامعة جازان
بالنسبة لسؤال الأخت شموخ
بالنسبة لموافقة الجامعة على ابتعاثك الى استراليا فهذا يعتمد على عميدة الكلية وتعميم الجامعة
يعني جامعتي مثلا موقفة اي ابتعاث الى استراليا
بينما جامعة الملك عبد العزيز أصدرت تعميم ان القبول يجي ان يكون في أحد اول ٢٠٠ جامعة على مستوى العالم
على العموم أرجع واكرر ان هذا القرار بيد عميدة الكلية ولجنة الابتعاث في جامعتك.
والقبول في استراليا مهو بالشي الصعب أبدا ونصيحتي انك ما تأجلي موضوع قبول الماجستير لحد ما تطلعي لأنك ممكن تدخلي في متاهات التقديم والملحقية والجامعة وتدوخي راسك وممكن يتأخر القرار و تروح الدراسة عليكي
وترى تقدري تحصلي على قبول مشروط باللغة (درجة التوفل او الايليتس) بسهولة
ممكن تجربي أحد مكاتب القبول (الأي دي بي IDP مثلا)
ولا تحتاجين أي خبرة بحثية الا في مرحلة الدكتوراه
نصيحتي ان تحاولي ان يكون قبولك لمرحلة الماجستير يكون في برنامج يتكون على الأقل من ٢٥٪ بحث
بمعنى اذا كان البرنامج سنتين يكون البحث لمدة ترم كامل (وكلما كان البحث أكثر كلما كان افضل)
و بالنسبة لمعادلة الشهادة ما اعتقد انها محتاجة اي شي طالما انها مكتوبة باللغة الانجليزية والا يجب عليكي انك تترجميها من مترجم معتمد.
أرجو أن أكون أجبت على تساؤلاتك وأي استفسار اخر انا في الخدمة.
وعذرا على الاطالة

بالنسبة للجامعات المعتمدة في استراليا من قبل الملحقية فهي تقريبا فوق الـ١٠٠ جامعة
اما الثمانية التي تتكلم عنها فهي أعرق وأقدم وأفضل الجامعات في استراليا وذلك حسب تصنيفهم
وتدعى (Group of eight ) وهي : جامعتي ملبورن وموناش في مدينة ملبورن، الجامعة الاسترالية الوطنية في كانبرا، جامعة سيدني وجامعة نيو ساوث ويلز في سيدني، جامعة أدليد في أدليد، جامعة غرب استراليا في بيرث ، جامعة كوينز لاند في بريزبيرن
بالنسبة لمعهد هوثرن فهو تابع لجامعة ملبورن ولكن حسب علمي أنه يجب أن تحصل على درجة التوفل او الايليتس المطلوبة
وبالنسبة لمستوى الامان في ملبورن فهي تعتبر امنة عموما الا في بعض المناطق
وللامانة أنا ساكن في ملبورن لي سنتين ومنتهي من الماجستير وما واجهت اي مشاكل ولله الحمد
وعلى حد علمي فانه لا يوجد مدارس سعودية في ملبورن ولكن يوجد مدارس اسلامية

أرجو أن اكون أفدتكم
والمعذرة من الأستاذ وديع على المداخلة الغير رسمية

صديقتي معيدة، وتوها مسافرة لأستراليا..

تدرس في جامعة موناش..

والحمد لله أمورها تيسرت لأنها قدمت على جامعة من الجامعات الثمانية..

بالتوفيق..

شكرررررا على الرد.

صباح الخير على الجميع

بالنسبه للقبول في استراليا لا توجد فيه اي تعقيدات ابداً وما راح اقول سهل لكن مقارنه بغيره من الدول يعتبر مريح ومتوفر عندنا بالسعوديه مكاتب IDP لها علاقات بجامعات استراليا تساعد بالقبول

وبالنسبه للشروط اللي ذكرتيها ماسمعت فيه قبل ابداً

وبالنسبه لجامعتك مثل ما قال اخوي يعتمد على رؤيتهم وما اعتقد انك اذا اخترت جامعه من مجموعة الثمان راح يرفضون ابداً

الامور بالنسبه لاستراليا اراها سهله جداً ووقتها قصير مقارنه بغيرها والقبول المشروط متوفر فيها وفي اقوى الجامعات

مع تمنياتي لك بالتوفيق