تجمع معيدي ومعيدات جامعة الجوف

الشهاب العابر ...
جزاك الله خيييير على دعواتك ومشكوووووور على التوضيح والإفادة


mona26 ...

الله ييسر امرك ويوفقك بالبعثة
بس حبيت اسال انتي كم صارلك معيدة ؟؟وكمان زميلتك اللي تقولين جايبه قبول خارجي ؟؟يعني سنه او اقل او اكثر ؟؟؟

يا هلا بأخونا Mamdouh26 <وش قصتكم مع الرقم 26!> أمزح

أفضل طريقة إنك تحط موقع الجامعة بالمفضلة عندك و تتابعه كل أسبوع
إذا يسّر الله و فتحوا وظائف الإعادة, تجي وتنزل ملفك وتعبي معلوماتك في ورقة خاصة,
ثم تنزل أسماء جميع المنطبقة عليهم الشروط, و يحددون لهم موعد مقابلة شفوية,
أسئلة المقابلة بجامعتنا تكون مع بعض المتقدمين في التخصص
و مع البعض الآخر في غير التخصص: ثقافة عامة.
و بالعادة مافيه أسئلة تحريرية.
ثم تنزل أسماء المقبولين نهائيًا, و أنت بإذن الله منهم, ثم تكمل أوراق التعيين,
بعد يومين تباشر في كليتك.
بعدين المعدل يلعب دور كبير في المسألة,
هناك قضايا أخرى مهمة, إذا يسّر الله و قدمت عليهم,
راسلني و راح أفيدك بإذن الله تعالى.
بعدين قريت بملفك الشخصي إنك مبتعث للدراسة في الخارج,
يحدثني أحد المهتمين بالتوظيف في الجامعات إن مدير جامعة حايل طلع قبل يومين بلقاء
و ذكر إنه يفضل المبتعثين على غيرهم في التوظيف في الجامعة.
و جامعة الملك سعود في موقعها صفحة خاصة بتوظيف المبتعثين.
فيه مشاركة هنا ممكن تفيدك
http://www.mbt3th.us/vb/forum131/thr...ml#post1908670
أسأل الله أن ييّسر أمانيك, و أن يجعلها عونًا على طاعته.

اهلا اختي زميلتي اللي اتكلم عنها جايبه
ابتعاث لبريطانيا وما ادري كم سنه المعروف ان بريطانيا الدراسه فيها سنه
هل عدد السنوات ممكن يفرق اقصد من ناحية موافقه الجامع عندنا؟

الأخت منى 26
و إياك جزى خيرًا.
زكاة المعلومة نقلها إلى من ينتفع بها.

جامعات بريطانيا مفتوحة, وخاصة للمعيدات.
هذا متأكد منه.
في نهاية الفصل الماضي ابتعثوا معيدة لبريطانيا.
لكن مثل ما قلت لك: لا بد من المطالبة و المحاولة.
مو غريب أول شي يقولون لك بريطانيا ممنوع,
إذا كان مجرد سؤال راح يصرّفونك,
لكن إذا لقوا الجدية منك
و إثبات ما تريدين بذكر الأسباب عطوك حقك و زيادة.
وفقكِ الله.

أصلح الله أحوال المسلمين.

مشكور جداً الشهاب العابر

فيه بسكاكا مكتب يجيب قبولات جامعات ويكون مضمون وسريع ؟؟؟؟؟؟؟؟؟

فيه مكتب واحد مشهور اسمه: سحاب.
أما سريع و مضمون هذي عند إخواننا اللي جربوا معه.
نسأل الله أن يسوقهم لهذا الموضوع
أنا جيتهم و عطوني كلام زين, لكن استخرت وتركتهم.
طبعًا يقولون المبلغ مسترجع إذا ما جاك قبول,
وعلى ما أظن ياخذون 1500 ريال.

وفق الله الجميع.

السلام عليكم

زميلة تسأل: من أين يمكنها ترجمة وثائقها من الجامعه او في مكاتب وماهي المكاتب المعتمده بسكاكا
من اين تأخذ الضمان المالي
وأخيرا :اذا كان الاسم مختلف في الجواز عن الوثيقه ايهما اسرع تغيير الوثيقه ام جواز السفر
شكرا لكم مقدما
راجية الرد سريعا

ترجمة الوثائق اذا كانت تبيها بدون ختم معتمد يعني ترجمة بس ممكن تكلم زميلاتها الدكتورات اللي عندهم لغة

وبالنسبة لاختلاف الاسم اكيد ان الجواز اسرع خلال نصف بشرط اللي يعبي استمارة تجديد الجواز يعبيها على حسب الاسم الموجود بالوثيقة الانجليزي اذا كان صحيح على الوثيقة وكمان زيادة حرص يكلم الموظف حق الجوازات ويبين له انه يبي يجدد الجواز عشان يغير الاسم الانجليزي يعني لازم ينتبة ويكتبة على الشكل اللي انتم كاتبينة بالاستمارة


تحياتي