مساعدة طلعت أمر إركاب من الجامعة بس مافي حجز على الخطوط السعودية في الوقت إلي أبيه ؟؟ مالعمل

وعليكم السلام ورحمة الله , أختي أنا الأسبوع الماضي مطلع أمر أركاب لزوجتي ( من جامعة الملك سعود ) وجيت لأمريكا على الخطوط الألمانية , فأمر الإركاب مفتوح على جميع الخطوط ...
بالتوفيق ان شاء الله

أمر الاركاب تقدرين تركبين فيه على أي خطوط تبغين مافيه خطوط محددة
فيعني ريحي بالك واختاري الموعد اللي تبين تسافرين فيه واتمنى لكي التوفيق..

أولاً جزاكم الله خير على ردودكم..

بس جامعتنا رافضة تماماً غير الخطوط السعودية ! فما الحل ؟

الله يسهل لنا و لكم ،،،

السلام عليكم , أختي فيه حل بس لازم تتفاهمين مع المكتب اللي يقص لك التذاكر قبل , وهو كالتالي , يقص لك تذكرة على الخطوط السعودية بتاريخ متوفر ولو بعيد وتسوين استرجاع للتذكرة وتاخذين فلوسها كاش وبعدين تحجزين على أي خطوط متوفرة نقدا ...
آمل يفيدك هالإقتراح...

الله يعينك .. بس اتوقع ان الحجز على اي خطوط عادي

السلام عليكم ورحمة الله وبركاته

أختي بحكم خبرتي بتجربة موقف مقارب لموقفك خذي نصيحتي:

الخطوط السعودية لايمكن تسوي لكي إعادة للمبلغ لأنها تذاكر حكومية ولكن تعتبر لكي كأنها شيكات يعني ممكن تحوليها لأي مكان بنفس مبلغها وطبعا من شطارتهم كل تذكرة تصدريها عليها رسوم 20 ريال للتذكرة الداخلية و50 للدولية وممكن انك ماتحوليها وتسافري فيها بعد 3سنوات كأقصى فترة حسب ما أفادني الموظف

ما أعرف وجهتك للسفر.....لكن حاولي انك تشوفي أي رحلة متوفرة لهم حتى لو عن طريق مدينة أخرى وأشرحيلهم ظروفك وحيلقولك مخرج بإذن الله

الله يختار لك مافيه الخير وييسر أمورنا وأمورك

واستخيري مع كل خطوة وربنا معاكي بإذن الله

وآسف عالإطالة

حاولي مع الجامعة,
اللي اعرفه الجامعات تعطي امر اركااب على اي خطوط.

يااختي ماعرفنا جامعتك


اذا كانت جامعة عبد العزيز فهم متعاملين مع مكتب الماجد ويقصلك التذاكر على السعودية وبعدين يسترجعها ويقص لك المكان اللي تبي
والخطوط اللي تبين

المتعارف عليه في الجامعات انهم يعطون امر اركاب مفتوح .. أنت حاولي تستوضحي أكثر منهم .. ولو أصرت جامعتك على الخطوط السعودية فالأفضل أنك تأخذين بنصيحة أخي نبض المدينة