الحمدالله انقبلت في الاعادة .... ولكن؟؟

الف الف الف الف مبروووووووووووووووووووووووووووووك وربي فرحت لكـ من كل قلبي

تستاهلين اختي ....محافظة خيبر تقع شمال المدينة المنورة 170 كيلو وخطها زفت وخطير للغاية

انا والله ما اعرف أجابات للأسئلتكــ ولكن اذا بتصبرين علي أبي استفسر لك من معيده

تدرس في طيبه واعطيكي خبر ابشري

الف مبرررررروك
بس هما قبلوك بشهادة البكالوريس والا اي شهااادة
اذا انت قاااعدة تحضري ماااستر كملي
بس انه الوالد يروحلهم ان شاء االله تتسهلك
صار لي موقف ماقدرت احضر من الرياض لمحافظة الليث راحت علي الفرصة بس اتعوضت بالبعثة الحمدلله

بالتوووووووفيق

ألف مبروووك أختي
الله يوفقك لما يحب ويرضى

^^

الله يبارك فيكي يا عسل .. الف شكر
.
.

ربي يوفقك لما فيه الخير

استخيري على الوظيفة أولاً ..

ثانياً : حسب معلوماتي البسيطة ان المعيدة يجب أن تباشر العمل ولمدة عام ثم تبتعث .. لكن ممكن فيه جهة تعفيك من الشرط هذا أظنه القسم أو الكلية بما إنك مبتعثة ..

ولا تبخلي علينا بمواضيع ما يخص المحاسبة ..

المسلوب

مبارك عليك القبول, لكن أيش حتسوي الآن؟ إنتي في أمريكا حالياً, حتسيبي البعثة وترجعي لطيبة, ولا كيف, خلينا نتعلم منك إذا صار لنا زيك

ألف مبرووووووووك محاسبة المستقبل.. والله يوفقك وييسر لك أمورك..


سمعت زميلاتي في كلية خدمة المجتمع يقولون إنه مافي فرق بين المعيد في الجامعة والمعيد في خدمة المجتمع من ناحية البدلات والرواتب..

لكن الفرق إن الجامعة تبتعث للماستر والدكتوراه، بينما كلية خدمة المجتمع ماستر فقط..

هذا الفرق الوحيد..

والباقي لعل الجامعة تساعدك فيه.. حاولي قد ما تقدري ما تضيعي فرصة الابتعاث..

عسى أمورك من خير لخير.. وبالتوفيق

أنصحك بالإتصال على إدارة الجامعة وسؤالهم أو ارسال فاكس بخطاب رسمي لرئيس قسمك أو العميد باستفسارك أضمن لك.
وحسب معرفتي من بعض الصديقات اللاتي جاءهن التعيين وهن مبتعثات في بعثة وزارة التعليم، فإنهن قطعن بعثتهن (سحب ترم مثلا)، وأتين لتوقيع المباشرة وعمل الإجراءات اللازمة لتحويل البعثة للجامعة. لذا، أعتقد أن حضورك لازم لتوقيع المباشرة وعمل الإجراءات وقد استغرق الأمر منهن 3 الى 4 أشهر.

الف مبروك عليك الإعادة وان شاء الله يكون لك فيها خير.


أنا معيد في كلية المجتمع بخيبر وأحب أنصحك لوجه الله إنك تأخذي الوظيفة لأنه عميد الكلية جدا ممتاز وأخلاقه عالية ويشجع على الإبتعاث (وين تحصلينها عميد يقولك هات قبولك واطلعي مباشرة)، وانا اعتقد انه زي ما اخبروك الإخوان الأعضاء انه فقدط انتا تجي الجامعة وتزبطي أوراقك وبعدها يعملون لك نقل خدمات من برنامج خادم الحرمين الشريفين إلى ملاك جامعة طيبة لأني أعرف معيدين نفس وضعك رجعوا السعودية وعملوا نفس الشيء وأكملوا دراستهم وبالعكس الجامعة فاهمين الشيء هذا وما عندهم مشاكل


صحيح ان الخط متعب جدا لكن الآن شغالين في توسعة الخط إلى خط مزدوج وتقريبا 70% انتهى والمعيدات اللي في الكلية يداوموا مع المدرسات يوميا والعميد ما هو مقصر معاهم مزبط لهم الجدول يعني آخر محاضرة عندهم تنتهي الساعة الواحدة ظهرا وايضا معطيهم يوم الأربعاء off .واما من ناحية الجدول لا تشيلي هم الساعات راح تكون جدا قليلة ويمكن فقط تستلمي مقرر واحد فقط(3 وحدات).

وانا أقولك ان المعيدة في كلية المجتمع لها نفس الحقوق لأي معيد في أي جامعة في المملكة (وانا الحمدلله حقوقي نفس حقوق زملائي في المدينة)

وفيه معيدتين الإسبوع اللي راح باشروا تخصص حاسب اذا تبغين ارقامهم للإستفسارات اعطيني خبر