ممكن اجاباتكم وارائكم لو سمحتوا عاجل

معقوله يعني !!

من بين هالـ 9 مشششاهدات مآفيه ولا واحد عنده خلفيه

ع الاقل رد يرفع الموضوع عشان يجي حد ويعاون

ماطرحت الموضوع الا طلب لمساعدتي مو للاطلاع والمغادره والفائده ماراح تشملني بس فيه اكثر من 100 يبون رد ع هالشي

مشكورين ياللي شاهدتوا وماعبرتوا !!

الله يجزآك خير مآقصرت الله يعطيك مآتتمنآه

يعني الاختبار بيكون كله بس خيارات ممتاز الله يسعدك

من ناحية الثقه الكل وصاني فيها .. وان شاء الله ربي يكون سندي ووكيلي يارب

ابي رد ع الخطط المستقبليه و التطوير

وهل من اخش عليهم اعرفهم بنفسي ولا انتظر لحد مايطلبون هم

الله يوفقك ياقلبي وتنقبلي

اهم شي ثقتك بنفسك وحطي في بالك ان اللي يقابلك بشر لا ينفع ولا يضر واللي رابي كاتبه بيصير

عموما
اجتياز الامتحان اعتبره نصف القبول راجعي تخصصك جيداً قبل الامتحان وغالبا يكون خيار من متعدد وبعض الجامعات يكون مقالي


الخطط المستقبليه لدراسات الاسلاميه امممم والله مدري بس ممكن تقولي
- عقد الندوات العلميه في موضوعات شرعيه مختلفه والاجابه حول الكثير من الاستفسارات المثاره حول القضايا المختلفه

هذا اللي عندي
بالتوفيق وترا الامور بسيطه ببس خليكي ريلاكس

الله يوفقك يارب وتفرحين بقبولك ..

بس عندي تعليق بسيط على كلامك .. حتى لو كان صعب الاختبار المفروض خيار انك تنسحبين مايكون من ضمن اختياراتك
بتكتسبين خبرة لو دخلتي حتى لو ماكانت من نصيبك الاعادة ..

أنا اللي أعرفه ان الاختبار كله اختياري ( نفس اختبار القدرات ) حتى طريقة الحل في ورقة الاجابة نفس اختبار القدرات ..
كان عبارة عن 50 فقرة .. يعني مو طويل والمدة أعتقد ساعتين بس ما احتجتها بما انه اختياري .. طلعت من الساعة الأولى
بالنسبة لي راجعت اللي درسته بس ما استفدت من المراجعة ..

احنا بعد الاختبار جلسنا فترة بعدين طلعوا المرشحين للمقابلة , يعني مو كل اللي دخلوا الاختبار ترشحوا للمقابلة ..
عالعموم
المقابلة مثل ماقالوا لازم تكونين واثقة من نفسك ..
ادخلي صافحيهم .. وابتسمي (بس مو مررررة ) ابتسامة تبين انك واثقة من نفسك ..
وانتي تجاوبين خلي عينك بعين اللي سألتك .. مو تطالعين في الجدار والا الأرض ..
خليك واثقة

وضّحي صوتك وكلماتك .. مو شرط يكون صوتك عالي بس أهم شي واضح
امممممم
لو ماعرفتي اجابة قولي ما أعرف .. أحسن من انك تجاوبين اجابة غلط .. صدقيني مايعيبك هالشي بالعكس لما تقولي ما أعرف تنقذين نفسك من التوتر

حطي ببالك ان أي اجابة تقولينها راح يبنون على أساسها سؤال ثاني .. يعني حاولي تكون اجاباتك مختصرة لكن غير مخلة بالمعنى ..

كمان اعرفي انهم في المقابلة يحاولون يستفزونك .. انتي خليك هااااااادية قد ماتقدرين
اذا حطيتي ببالك انهم يستفزونك راح ترتاحين لأنك عارفة قصدهم من أسئلتهم .. مرة لاتتنرفزين ..
ممكن تسألك السؤال وماتطالع فيك وانت تجاوبين ! كمان لاتتنرفزين .. دوري أي وحدة من اللجنة وجاوبي لها .. < هذا الموقف صار لي بس كنت كاشفتهم

فيه بنات كانوا اللي باللجنة يسألونهم ويرجعون يصبون قهوة ويتكلمون عشان يتنرفزون .. خليك منتبهة

بعد في شي ما انتبهت له الا بعد المقابلة بفترة طويلة ..
كانت وحدة من المسؤولات كل شوي تدخل القاعة اللي احنا فيها (ننتظر أسماءنا ندخل نسوي المقابلة )..
تقول يابنات ترى ممكن ينقبل بس وحدة .. ممكن ثنتين , ممكن ماينقبل أحد !
أنا تنرفزت وفكرت أطلع , مو لأني خايفة من المقابلة .. بس لأني كنت حاطة ببالي اذا وحدة أكيد ماراح أكون أنا
إما للواسطات أو للي أعلى مني في المعدلات ..لكن ربي ستر ومسكت نفسي

هذي الحركة نوع من أنواع المقابلة الشخصية .. انه اذا كان العدد كبير يحاولون يخففون منهم ..
أنا هالكلام أخذته في دورة قبل كذا بس توقعت انها راح تكون مع الأعداد الكبيرة مثل مافهمتنا المدربة , انهم يسوونها للأعداد الكبيرة 100 , 200 متقدم للوظيفة ..

لو عندك استفسار اسألي
ولو تذكرت شي رجعت كتبته
دعواتك ربي ييسر أموري : )