تجمع معيـــــــــــــــدات جامعة الاميرة نورة بنت عبدالرحمن

باركـ الله فيك,,من الشروط المطلوبة لتقديم على الاعادة ان لايقل معدل المتقدمة عن جيد جدا ,بمعنى انهم يقبلون معدلك باذن الله ,استغلي وقتك حاليا بكثرة الاطلاع والقرأة بكل مايتعلق بتخصصك ,قد تتجاوز نقاطك في اختبار التحريري والمقابلة اعلى ممن تحمل معدل ممتاز تفائلي خيرا,اوصيك بالدعاء والتوفيق من عند الله.

مشكوره اختي نسأل الله الخلاص
انا قدمت على الاعاده بس انا مو من مفيمين بالرياض هل هذا ممكن يكون عائق لقبولي ولا لأ؟
والمطابقه تتم لكل المقدمات ولا يكون فيه ترشيح وبعد ذلك نروح للجامعه للمطابقه ؟.
اعتذر عن الاطاله ولك كل الشكر

العفو أختي رديت على تساؤلاتك في اعلان وظائف معيدات

الرقم المباشر لمكتب د.ايمان لشؤون المعيدات السكرتيرة جدا متعاونة 2297310
رقم شؤون الموظفين 2290168

كيفكم ؟
ياريت اللي بكره راح تروح تتطابق اوراقها تطمني ايش راح يصير معاها وكم من الوقت تحتاج
عشان اقدر احجز طيران بنفس الموعد لاني من مكة
الله يوقفنا جميعا ياررررررررررررب

^^^^^ كيفكم في وحدة جاها اتصال او شيء تقولنا صحيح اهل جدة ومكة لازم خبر من بدري

أختي نسأل الله الإخلاص....الحمدلله اتصلت اليوم واعطاني الأخ عبدالعزيز رقم المعاملة...بس قالي تخص 10 مواطنات...كيف كده؟ ما فهمت عليه صراحة
الان...ما أمداني اكلم الخدمة المدنية عشان انتهى دوامهم...بس في كل الأحوال ايش هيا الإجراءات من هنا؟ وفين موقعهم إذا ممكن تفيديني؟

وبالمناسبة فيه سلم رواتب يخص جامعة الأميرة نورة؟ وكمان سؤال...أنا عندي خبرة حوالي 5 سنينفي قطاع خاص بس مو تدريس...تحسبلي ولا كيف؟ او مين ممكن أسأل؟

مررره يعطيكي ألف عافية...

^^^^ الله يعطيكم العافية ممكن ايضاح ماني فاهمه الله يسلمك

بالنسبة لاستفسارك اختي والله ما عندي علم لكن اتوقع جدة ومكة واي مدينة تانية ما تفرق عن سكان الرياض.. في الموقع فيه فترة محددة لتطبيق الاوراق والجميع ملزوم فيها...والله اعلم

موفقين يا رب

حياك الله عزيزتي ,,ماشاء الله ألف مبروووك ,اما ماذكر لك ان رقم معاملتك تخص 10 مواطنات حقيقة لاعلم لي بذلك لكن ربما يقصد ان كل مجموعة من المعيدات تصدر موافقتهم من مديرة الجامعة وتنتقل الى شؤون الموظفين تكون لهم نفس رقم المعاملة لكن هذا لايشغل تفكيرك ولاتحملين هم طالما خرجت معاملتك من مكتب المديرة الاجراءات بعدها سهلة باذن الله,بعد ها انتظري قرابة اسبوعين تتلقين اتصالا بمراجعة الخدمة المدنية القسم النسوي تستلمين استمارة لتعبئتها واجراء كشف طبي بمشفى الملك سعود للأمراض الصدرية بحي السعادة,واما بالنسبة لموقع الخدمة المدنية الفرع النسوي بحي المربع بامكانك ان تتصلي بهم ويعطوك الوصف,وانا سأفيدك بوصف وان شاء الله يكون صحيح وانتي قادمة من طريق الملك فهد جنوب من عند مخرج الوشم ستجدين على يمينك وزارة الخدمة المدنية للرجال ثم ادخلي بعدها مباشرة يمين ثم ستأتيك اشارة سيري حتى تأتيك على يسارك الفرع النسوي لان فرع النساء منفصل عن فرع الرجال,ومايتعلق بسلم الرواتب جميع الجامعات متقيدة بسلم الرواتب الصادر من الخدمة المدنية ويوجد بموقع الخدمة المدنية يوضح فيه سلم الرواتب للوظائف التعليمية واما البدلات هي التي تختلف من جامعة لأخرى ولاعلم لي بالبدلات التي تصرفها جامعة الاميرة نورة وسأفيدك اذا باشرت العمل واستفسرت عنها باذن الله,واما ماذكرت انك تحملين خبرة اعتقد انها تحسب لك وسيطلب منك في الاستمارة عدد سنوات الخبرة وبيانات اخرى كما قلت لك لاتحملين هم واي طلب انا في الخدمة وفقك الله واعانك.