تجمع المعيدين والمعيدات لجامعة شقراء ..

اهلين اخت بدورا
الي عرفه بارك الله فيك انه يحق له ان ياخذ امه معه اذاهو العائل الوحيد واخواته ماافتيك لكن يمكن اذا هو العائل الوحيد يطلع معاه كل الي يعولهم ويضمهم للبعثه هناك و تكملون دراستكم هناك

لكن انا اشوف انك تروحي ترفعي خطاب استفسار بخصوص ظرفك هذا وتشوفين الرد الى اي مسؤوله عن الابتعاث عندكم او من تتوقعين ان لها دراية بهذا الامر
واسال الله العلي لقدير ان ييسر لك امرك

الف مبروووووك لزملائنا الجدد ونتمنى لهم مستقبل مشرق

ما ادري اختي الكريمة هل تستفسرين عن المعيدين المبتعثين او الي على راس العمل بس اعتقد ان قصدك المعيدين المبتعثين.
بدل الندرة يصرف لجميع المعيدين والمحاظرين المبتعثين واللذين يستحقون البدل وهم على رأس العمل ولكن ليس 20% مثل ما كانوا يستلمون قبل البعثة بل 10% فقط يعني 665 شهرياً تضاف إلى نصف راتبك الحالي.
هذي طبعاً مفروض انه تصرف لك الآن.
فيه شيء ثاني الي هو بدل الندرة للسنوات الي راحت من تاريخ ابتعاثك وما صرفوا لك فيها بدل ندرة يعوضونك عنه باثر رجعي يجمعون المبالغ كلها وينزلونها بحسابك بس زي ما قلنا بنفس الطريقة 10%
في حال انه ما يصرف لك اي شيء من الي انا قلته خلي أحد من قرايبك يروح للجامعة قسم الرواتب والبدلات وينسق معهم على طول ينزلونها
بالتوفيق ان شاء الله

اخت سارة جبت لك الخبر اليقين عن سؤالك
المعيد والمحاظر ما له لا سكن ولا بدل سكن
الاستاذ مساعد فما فوق يعطى وحدة سكنية اذا كان فيه وحدات سكنية تابعة للجامعة شاغرة في مقر عمله و الا يستاجر فيلا او شقة او الي يبي ويعطي عقد الإيجار للجامعة يسددون عنه أو يعوضونه عن مبلغ الإيجار
وبالتوفيق

جزاك الله خير يا اخيالكريم.
نعم انا قصدت بدل الندرة للمبتعثين من جامعة شقراء.
انا الان معيدة مبتعثة علي تخصص نادر في دراستي للماجستير. ولكن تخصصي في البكالوريوس ليس نادر. لاني غيرت التخصص. فهل استحق البدل الآن؟
ارجوا الافادة وجزيتم عني خير الجزاء.

عفوا اخي الكريم د/ سعد، هل ما تكرمت بالافادة عنة حصل فعلا. ام انه يفترض به؟ ما اعنيه هو هل هناك معيد او معيدة في جامعة شقراء من المبتعثين قد استلموا بدل الندرة، وبأثر رجعي؟
اذا كان الجواب نعم، فهلا تفضلتم بإعطائي رقم القرار وتاريخه، حتى تكون مطالبتي على أساس ولا يتم تصريف من سأرسله.
وجعل الله اجتهادكم في موازين حسناتكم.

اهلين اخت تسالي
بارك الله فيك انتي فاهمه بدل الندره خطاء
بدل الندره يقصد به يكون عدد اعضاء هيئة التدريس في قسمك اقل من 50% يعني مالها علاقة ان التخصص نادر او لا في تخصصات مو نادره لكن تلاقينها بجامعات ناشئة اعضاء التدريس فيها اقل من 50% هذي اول نقطه
يعني راح يصرف لك باذن الله لاني اتوقع كل اقسام الجامعه لم تتجاوز نسبة اعضاء هيئة التدريس السعودين اكثر من 50 %
ثاني شي انا راح اعلمك الطريقه تخلين احد يروح لقسم الرواتب يسالهم عن البدل هل نزل لك ويعطيك تفصيل بالراتب والبدلات الي تصرف لانه نزل وكمان تقولين له ارفع لي اثر رجعي بمستحقاتي السابقه من تاريخ ابتعاثك ويرفعها كلها وتنزل لك الشهر الي بعده طبعا كل هذي مافيها تعقيد قرار صدر والكل بياخذ حقه مافيها تصريف ولا شي واتوقع اذا انتو يالبنات ماعندكم الا تراجعون قسم الرواتب بالجامعه راح يفيدك في هالامر عبد الكريم الوهيبي رجل محترم واخلاق ومتفاهم وكل الشباب هناك متعاونين

اتمنى لك التوفيق

السلام عليكم
اخوي مخاوي.
بالنسبة لبدل الندرة. كما تفضلت انه لازم يكون عدد السعوديين اقل من الاجانب ب 50٪
طيب كيف نحسب العدد بالنظر لجامعة شقراء ككل
او بالنظر للكليات النطقةالتابعة على حدة. مثلا اللي من كليات القويعية او حريملاء او الدوادمي.
او ككلية واحدة بحد ذاتها ايا كان مكانها. مثل كلية المجتمع، كلية التربية، كلية ادارة الاعمال.
ارجو افادتي على اي اساس تحسب النسبة؟
وجزيت خيرا. *

اوك اختي
الحين مثلا انتي الحين بقسمك مو بالكلية يعني مثلا كلية العلوم قسم الرياضيات على سبيل المثال تشوفين اعضاء التدريس فيه السعوديات كم تتجاوز 50 % او لا ماله شغل البدل بالجامعه كلها بدل الندره يخص كل قسم على حده وكمان ماله شغل في اقسام الرياضيات بالكليات الاخرى فهمتي قصدي ؟؟؟

جزاك الله خير اخي مخاوي
فهمت قصدك. بس عندي سؤال. اذا كان ما فيه قسم تتبعة. يعني ممكن انك تدرس مادة عامة في الكلية مثل لغة انجليزية مثلا. وش يكون الوضع؟