تجمع المعيدين والمعيدات لجامعة شقراء ..

اتوقع انك تكوني تابعة لقسم السنة التحضيرية لازم تكوني تحت ادارة قسم هذا الي اعرفه وانا اتوقع ان كل اعضاء هيئة التدريس يستحقون البدل لانا باقي للحين ماغطينا ولا يمكن ربع الاقسام هذا على حسب معرفتي ببعض الاقسام

انت وانا خوك تفائلي خير والا مور كلها في صالحك وفي صالح الجميع ان شاء الله

الله يجزاك خير يا اخوي. والله يا ليت تكون الامور مثل ما تتوقعها. لاني يوم بس سالت سؤال عابرعن نسبة عدد الاجانب، قالواان السعوديين اكثر من الاجانب لان عدد المعيدين والمعيدات الجدد يفوق عدد الاعضاء الدكاترة والمحاضرين جميعهم.
عموما برسل احد يسأل لي. وبوافيك بالرد.
والله يكتب اللي فيه خير لنا ولك وللمسلمين. *

السلام عليكم و رحمة الله

شكرا لك اخي مخاوي على كريم الرد

من هو الشخص المسوؤل في جامعة شقراء عن الابتعاث حتى اخاطبه و استفسر منه ؟

بارك الله لك في وقتك

الله ييسر امرك انتي شوفي وخبرينا بالرد
بس حبيت اسالك انتي قبل الابتعاث بدل الندره ينزل لك ؟

اهلين اخت بدروا
تبغي تستفسري عن شنو يعني ؟ عشان اعلمك وين تروحي اذا عندي معرفه بامرك
اتمنى لك التوفيق

انا تعينت 2009 ولا نزل لي بدل ندرة من قبل.
احنا فاهمين انه على حسب التخصص كما هو موضح في قرار الملك. والا اذاكان على حسب نسبة السعوديين. اصلا كل الكليات الناشئة عينوا معيدين بالكوم. يعني اضعاف عدد الدكاترة والمحاضرين. ف انا لين الحين موب مستوعبه. يعني مثلا اللي ياخذ البدل على اساس ان عدد السعوديين في قسمه اقل من 50٪. وشلون حسبوها؟ كل الاقسام في كل الكليات صار فيها تعيين لعدد كبير من المعيدين والمعيدات.

^
^
^

من قال يا أختي إن عدد المعيدات كثير ؟ الكلية اللي أنا فيها المعيدات قليلات مقارنة بالكادر الأجنبي .. و من أول ما تعينت و هو يصرف لي
بدل ندرة ....

البدل يصرف يعني مو معقول من اول ماتعينتي السعوديات اكثر من الاجانب
احنا تونا جامعة ناشئة
بجامعة الملك سعود بعض الاقسام للحين يصرف لها بدل الندره
انتي ارفعي طلب وطالبيهم
واذا نزل لك طالبيهم باثر رجعي لكل الوقت الي مضى بدون ماتاخذي البدل

في سنة تعييني في كليتي الناشئة 2009. تعين معي 35 معيدة، هذا بالاضافة للمعيدين ، وايضا هناك تعيينات اخرى في نفس السنة. والكلية فقط اربعة اقسام، هذا بالاضافة لمن تعينوا من ذلك العام وحتى الآن.
عموما. الاسبوع القادم ستتضح الرؤية.

اتمنى لك التوفيق
والله يكتب لك الي فيه الخير