تجمع المعيدين والمعيدات لجامعة شقراء ..

تساهيل وشو الخبر الحلو ؟

نسيم يبدأ حساب راتبك من أول يوم تباشرين فيه العمل ، وبخصوص البدلات
بعضها ينزل دايركت بدون طلب وخطابات مثل بدل النقل وبدل جامعة ناشئة وبدل تعيين ، أما
بدل الندرة وبدل الحاسب الآلي تحتاجين لتعبئة النماذج الخاصة بها ورفعها مع مباشرتك للجامعة .

فهد الجنوب بصراحة ماسمعت الكلام اللي قلته ؟!
الكلام مصدره أكيد وألا كلام صحف خخخ ؟

مصدرة محاظر بنفس كليتي !!!

انا مستغرب من ذا

وحبيت استفسر من اخواني اللي سبقوني هنا !!

هل من حقهم اجباري ع دوام الصيفية ؟؟؟

ولا انشب بحلوقهم ههههه

على ما اعتقد أن الأخت تساهيل تقصد أن الجامعة نزلت بدل جامعة ناشئة للمبتعثين من منسوبي الجامعة بالغلط لشهر أو شهرين ولكن بعد التواصل مع ادارة الرواتب والبدلات اتضح انها نزلت خطأً في المسيرات ومن الممكن انه يتم استرجاعها من الرواتب القادمة.
لذلك الي يسترجعونها منه يكون عنده فكرة عن الموضوع
والي ما يسترجعونها منه يحمد ربه ولا يخرب على نفسه رزق ساقه الله له.

وبالنسبة للأخوان الي ما صار لهم سنة متعيينين من حق الجامعة والكلية أنها تجبرهم على العمل خلال الإجازة الصيفية بحكم أن أول سنة لجميع الموظفين تعتبر سنة تجربة. بس الغالب أن الكلبات ما يكون فيها عمل في الإجازة الصيفية يستدعي أن المعيدين او المحاظرين الجدد يكونون متواجدين. لذلك الي ما قالوا له داوم في الصيفية يأجز في 21\7 زي باقي العالم (ولا تسألوا عن أشياء تبدئ لكم تسؤكم) والي قالوا له يداوم الله يعينه.

تحياتي للجميع,,,

كلامك صحيح يا دكتور سعد. صارت قبل كذا واسترجعوا اللي صرفوه بالكامل.
اللهم ارزقنا القناعة. فهي الكنز الحقيقي.

جزيتم خيرآ

اسأل الله التوفيق لي ولكم وأن يسدد خطانا

تحياتي للجميع

السلام عليكم ،،
كيف الحال اخواني واخواتي ،،

<< معيده جديده في جامعه شقراء :$
وراح يبدأ دوامي الاسبوع الجاي ان شاء الله

عندي سؤال لو اتكرمتو واتمنى احصل اجابه اكيده

هل ابتعاث المعيدين والمعيدات في جامعه شقراء متاح لبريطانيا ؟؟ وماليزيا ؟؟

وهل من الممكن ان تكون دراسه اللغه في دوله والماستر من دولة اخرى ؟؟

سؤالي الاخير بارك الله فيكم ،، انا تخصصي ادراه اعمال ماهي البدلات اللتي استحقها غير بدل النقل وبدل التعيين ؟؟
وهل يصرف لي بدل جامعه ناشئه وكم نسبته !؟.

وشكرا للجميع *

هلا حياك الله اختي
ايه اذا انتي معيدة (وليس معيد) يبتعثونك لبريطانيا أكيد بس ماليزيا ما ادري صراحة بس ما اعتقد يرفضون لأن الجامعة متعاونة جداً مع المعيدات من ناحية الابتعاث تقديراً لظروفهم.
الي اعرفه انهم يطبقون هذا النظام اذا كانت دراسة الماجستير تتم باللغة الانجليزية وبلد الدراسة لغته الأساسية لغة غير انجليزية فمن الممكن انهم يسمحون ان دراسة اللغة تتم في بلد انجليزي وبعد كذا تكملين ماستر في الدولة الثانية.
بس ليش المشوار هذا واذا قصدك تدرسين مثلا لغة في بريطانيا وماجستير في ماليزيا في الحالة هذي (اتوقع) بيرفضون انك تدرسين في ماليزيا لأن بريطانيا اكيد افضل من ماليزيا وانتي ما عندك ما يمنعك انك تدرسين الماجستير في بريطانيا بحجة انك ناوية تدرسين اللغة هناك. (وجهة نظر).
بدل ناشئة 20%
بدل ندرة (ما ادري على حسب تخصصك او قسمك شيكي مع الجامعة) 20%
بدل حاسب آلي 20 -25 % (هذا اعتقد لجميع التخصصات)
لو نصابك كامل يجيك بدل تعليم جامعي (25%)
بالتوفيق للجميع إن شاء الله.

الف مبروك يالجوهره
ماقصر سعد
والبدلات تطلع 65%
ولو كملتي نصابك التعليمي وهذا بداية السنة الدراسية
بيكون 90 %

وانا زيك بإذن الله مباشرتي السبت *_^

الله يجعلها فاتحت خير

والف شكر للقائمين ع التجمع

السلام عليكم ،،*
اشكرك اخوي سعد ،، جزاك الله خير عالرد الوافي ،*
بالنسبه لبريطانيا بصراحه هذي رغبتي بالدرجه الاولى لكن اليوم اتصلت على وحده الابتعاث والتدريب وسألتهم اذا متاحه او لا قال لا !!! عندك بس امريكا وكندا ،، استغربت بصراحه*

مع العلم ان لي صديقه معيده في جامعه سعود ووافقو يبتعثونها على بريطانيا وراح تسافر بعد العيد ،،

اعتقد ان الموظف اللي رد علي ماعنده علم *

عموما ، الموضوع سابق لأوانه لكن كان ودي ابدأ ارتب اموري واخذ فكره عن جامعات بريطانيا ،،*

…………*
اشكرك سعد ،، يعطيك العافيه ماقصرت*


اخوي فهد الجنوب ،، الله يبارك فيك ويسهل امورك ،، شكراً *
*

مرحبا بالجميع.
عندي استفسار مهم جدا. خاص بالدكتوراة.
من خلال بحثي في موقع وزارة التعليم العالي وجدت ان هناك جامعات معترف فيها واسم الدكتوراة فيها Ph.D. وهناك اسم آخر وهو Ed.D
لقت وجدت كلام كثير عن الفرق بينهما. ولكن ما يهمني بالدرجة الاولى هو هل جامعتي ستوافق على Ed.D. ؟؟؟؟؟؟؟؟؟
اتمنىى ان اجد الاجابة الشافية. واشكر لكم اهتمامكم الدائم. *