استفسار عن تحويل البعثه ؟؟

ماشاء الله لا قوة إلا بالله أولا .
ثانيا : الموضوع هذا تتصلين فيه على عمادة التعليم العالي بالجامعة حقتك وهم يقولون لك الإجراءات وغالبا الإجراءات هذي بسيطة جدا . وبالعكس اللي اعرفه إنه ينبسطوا إنك أصلا من أول هناك ويسهلون عليك . وكل جامعة لها آلية محددة في هالموضوع .
ثالثا : احرصي على الوظيفة حرصك على أغلى شيء عندك .. حتى لو اضطررتي تعملين هولد في البعثة حقتك أو حتى لو اضطررتي إنك تلغينها وترجعين وتعيدين الابتعاث من أول وجديد عن طريق الجامعة فإنتي عيديه . لأنه أولا إنتي بتضمنين وظيفة في الجامعة ووظيفة دائمة بإذن الله .. وثانيا الابتعاث مضمون عن طريق الجامعة بل مش بس مضمون إلا مشروط شرط .. وثالثا لمن تكوني مبتعثة عن طريق الجامعة تحصلين على نص راتب أساسي في السعودية وتحصلين على مخصص مبتعث كامل في بلد الغربة ورابعا : المبتعثين عن طريق الجامعة كمعيدين لهم مميزات أكثر من المبتعثين العاديين والمجالات مفتوحة أمامهم بشكل أكبر وإنما عليك إنك تنسقين مع الدكتور أو القسم المشرف عليك في الجامعة .
رابعا : إن كنتي مو متزوجة فإنتي استعدي وخلي اهلك يستعدون للعرسان ههههههههههههههههههههههههههههه وإن كنتي متزوجة فالله يهني زوجك فيك ويهنيه فيك ويرزقكم الذرية الصالحة .
مبارك لك ألف مبارك والله يوفقك ويختارلك الخير وييسره لك .

مشاء الله لاقوة الا بالله
رد الاخ كان كافي وافي
الف مبروك