بعثه الملك و جامعه تبوك ؟؟ ساعدوني الله يوفقكم

وعليكم السلام ..أهلا أختي..
باختصااااااااااااار ...إذا ما كان عندك مشكلة في الدراسة في الخارج ... والله حراااااااااااااااااااااااااااام ما تكوني معيدة .. أنتي أكثر وحده تستاهل إنك تكوني معيدة ما شاء الله تبارك الله معدل ممتاز جدا جدا ..
طبعا الوظيفة أيضا خيار جيد طبعا ولكن معدلك أكبر من وظيفة تتنافسين فيها مع من معدلاتهم أقل من 3 !!! وفي النهاية ترجع لطموح الإنسان ..

توكلي على الله وقدمي عالاعادة في جامعة تبوك وفي جامعة طيبة أيضا في تقديم الان .. وترى الاعادة ما في اعتراض بينها وبين بعثة الملك يعني ممكن تنقبلي في الثنتين و تختاري وأتوقع تطلع نتايج الاعادة قبل لا تسافري على بعثة الملك وبالتالي تكنسلي بعثة الملك .. وحتى لو تسافرين على بعثة الملك ووصلتي دولة الابتعاث ممكن تنقبلي في الجامعة كمعيدة وترجعين تباشرين في الجامعة وممكن أيضا على حسب ما أسمع تنسقين معهم يحولون بعثة الملك بعد ما تسافرين على الجامعة بشرط تكوني تدرسين تخصص قسمك في الجامعة يحتاج له ..

أما الإبتعاث عن طريق الجامعة فلابد أختي أن تبتعثي وهو شرط من شروط الاعادة والا يحولونك موظفة ادارية في القسم .. يعني الابتعاث مضمووووووون وغصب بعد .. يعني في جامعات يحتاجون المعيدة سنة وبعد كذا يبتعثونها وجامعات مثل الملك سعود لو تبغي من أول يوم تبتعثي ما عندهم مشكلة ..

الواضح اختي انه عندك طموح لدراسة الماجستير والدكتوراه ..الجامعة هي افضل واسرع وسيلة لهذه الغاية ..

الله يوفقك ان شاء الله .. ودعواتك لي ..

هذا رابط التقديم على جامعة طيبة والتقديم الكتروني مثل جامعة تبوك وينتهي التقديم في 14 / 11 /1432

جامعة طيبة | فرص وظيفية بدرجة معيد لحملة البكالوريوس

الله يوفقك ي اخوي ويسهل لك كل صعب وييسر امورك كلها ما تتصور قد ايش ريحني واسعدني ردك

عساها بميزان حسناتك وان شاء الله اقدم على طيبه برضو

والله يكتب اللي فيه الخير للجميع تحياتي ،

اختي الاعاده شرطها الابتعاث الخارجي ..

العفو أختي .. والله يسهل وبكتب اللي فيه الخير

ربي يوفقك يا عسل

ما تتعارض مثل ما قال اخوي Eng.mo7d
اختاري الاعادة وقدمي عليها وخليها هدفك الاول اذا تبغين النصيحة
بالتوفيق للكل

قدمي عالاعادة واسعي فيها فيها وان شاء الله تنقبلي بس حطي في بالك انها تطول !
انا اشوف انك تقدمي الان عالجامعة وتسوي المقابلة وتروحي تدرسي برا .. اذا انقبلتي معيدة بالجامعة سوي تحويل بعثة ! لاتضيعي وقت ..