ضمان مالي لبريطانيا .......

مرحبا تركواز
روحي لمكتب إدارة التدريب والابتعاث في الجامعة واطلبي منهم ضمان مالي لبريطانيا .
الضمان المالي يتم إرساله مع أوراق القبول ، ويا ليت يكون الورقة الأولى حتى يعرفوا إن عندك بعثة حكومية .
إذا حصلتي بإذن الله على القبول ووصلتي بريطانيا ، يتم تغيير ضمانك الجامعي إلى ضمان الملحقية هناك .
ربنا يوفقك

وكذلك ممكن تبحثين عن جامعه وتقدمين عليها وبعد ما يتم قبولك
ترسلين الضمان المالي
عشان تتحاشين انو كل شوي تاخذين ضمان مالي أقصد اذا ما قبلتك الجامعة تقدمين على غيرها نصيحتي اتركي الضمان المالي لاخر خطوة
لانه ليس من متطلبات القبول بل يطلبونه اذا استوفيتي بقيت الشروط
انا لدي ثلاث قبولات من بريطانيا بدون ضمان مالي
والان جالس اختار وأفاضل بين الجامعات
واللي ربي يكتبها هي اللي برسلها الضمان

يعطيكم ألف عافيه وجزاكم ربي ألف خير مره دعيت لكم << مره كنت شايله هم هالموضوع .....
لان كل شي لازم نجهزه قبل بوقت تفاديا لا سمح الله حصل شي ...

طيب شي ثاني اذا سمحتوا لا هنتوا
طبعا الواحد يوسوس كثير ... لازم شغلة ابليس

تقريبا قد ما اقدر حاولت اجيب متطلبات القبول من لغه وبربوزل وبرسونال <<< اوف تعبت عليهم
طبعا خلصت طاقتي من التحمل
افكر ارسل كل شي لمكتب تجسير وهو يجيب لي قبول تنصحوني اقدم بنفسي ولا اخليهم يقدمون لي ... السبب مره تعبت لان بقدم على امريكا واستراليا وكل دوله تتشرط شي
كل هذا عشان ما ابي احد يقول لي بعد التعب لا سواء ملحقيه وزاره الخ ابي اجيب قبول في كل مكان <<< مو كنك طولتي اختصري

بالمختصر نصيحة مجرب وش افضل اقدم بنفسي .. او اخلي المكتب ىقدم لي ..

ولكم مني خالص الدعوات

بدون تردد
قدمي بنفسك واحفظي فلوسك أصرف لك .
من خلال التقديم بنفسك تقدرين تتابعين سير معاملتك حتى الحصول على القرار النهائي من الجامعة (هذا اللي صار معاي) .
بعدين ما شاء الله واضح إن عندك لغة ، يعني أهم شيء موجود .
أنتي حددي الجامعات أول شيء ، بعدين اقرأي الشروط المطلوبة لكل جامعة ، ثم ابدأي المراسلة .
أجمل خطوة اتخذتيها هو مراسلة أكبر عدد ممكن من الجامعات وفي مختلف الدول .
الله يوفقك ويسهل أمرك