اجراءات الابتعاث من اول خطوة إلين استلام قرار الابتعاث (تجربة معيد انقلها لكم تفصيلا)

بالتوفيق يالذيب

بس ياليت لوتحط لنا خطابك الي ارسلته للعميد مع صورة الاي توني

اهلا وسهلا ..

بالنسبه لخطاب اللي ارسلته لرئيس القسم طلب فيه الابتعاث ،، والله يفداك الكذب .. هذ ورقه وكتبتها بخط اليد ع السريع ما فيه شئ كبير او صعب .. ووديتها للسكرتير يكتبها وطبعها لي .. مثال .. //

السلام عليكم ورحمة الله وبركاته ..

انا الطالب / فلان الفلان .. رقم السجل المدني .. معيد بقسم ( ... ) .. ارغب في اكمال الدراسات العليا في تخصص ( ... ) في جامعة ( ... ) في دولة ( .... ) .. مسبوقه ببرنامج مكثف للغه الانجليزيه لمدة عام دراسي كامل .. امل من سعادتكم الاطلاع والموافقه .. والله الموفق ..

اسمك وتوقيعك وتاريخ توقيعك .. وبس ..

--------

اما صورة الايتوني .. اظن تحصلها بقوقل .. ما عندي صورة الكترونيه له

جزاك الله خير

قلت يمكن يبغون شي معين في الخطاب دام كذا سهالة ان شاء الله


والاي توني موجود عندي الي اقصده الخطاب الي دبسته مع صورة الاي توني

والله يعطيك العافية

لا ما يبغون شئ معين اهم شئ بياناتك الرسميه من اسم ورقم الوظيفه وقسمك ورغبتك وجامعتك اللي جبت القبول منها وبس

موفق يا عزيزي

ما تتصور قد ايش موضوعك فادني ... جاوبت لي ع اسئله ؟؟؟ كثير كانت تدور بي بالي

الله يجعله في موازين حسناتك يآرب ويرزقك والديك الجنه

ح بدأ بأذن الله بأول خطوه ويارب ي يسرها

و اكيد اذا عندي اسئله برجع اشرف هون

شكراً

افرح كثير بمثل هذه الردود .. وفعلا الواحد يحس انه كتب شئ بسيط يفيد الناس ...

شكرا لمرورگ ودعائگ وحظورگ بردگ الكريم ...

متابع قريب من الموضوع وبإذن الله افيدگ باللي اقدر عليه ومما امتلك من معلومات بسيطه ..

شكرا لمرورگ

جزاك الله كل خير

والله يحقق لك مرادك

وترجع دكتور قد الدنيا


مشكوور

شكرا ع هالدعووووه الجمييييله ..

مقدر مرورك عزيزي عبدالرحمن

مشكور ع الموضوع الرائع ليتني شفته من شهر خمسه
وانا من شهر سته باجري في الاجرارات بس طلعت لي مشكله بعد ما جبت القبول وقدمته للجامعه انه قريبي بينقل من البلد و يروح بلد تانيه وشاف لي جامعه وكلمهم وقالوا نقبلها بس لازم تدخل امريكا قبل16 اغسطس و دحين احنا 17 يوليو مني عارفه يمدي اني اطلع ولا لا
وحده قالت لي عبال ما تقدمي القبول التاني ويرسل للرياض ياخد شهر ...وحدين عصابي بالمره تعبانه نفسي اطلع بس مني عارفه كيف ....والجامعه يومهم بسنه والمشكله اخدت موعد مع السفاره ع 8 اغسطس .......سوالي يمدني اطلع واكون يوم 16 هناك من واقع التجربه ولا ما يمديني ......لا تبخلوا عليا عشان لا احرق اعصابي اكتر من كده

اعتقد اختي انك انتي سبق وانك نزلتي موضوع هنا او فيه اختلاف في الروايات والتبست علي الامور ... عموما اعيد جوابي ووجهة نظري مره ثانيه ..

الامر اللي يصير على عجاله ابدا ما يكون مرتب .. الحمدلله قبل كل شئ والحمدلله بعد كل شئ .. الامر ان حصل فهو مقدر بقدرة رب العالمين ،،
انا في اعتقادي الشخصي الجامعه في امريكا ما عندهم مشكله يقبلونك في اي وقت من الاوقات وحددوا دخولك قبل ١٦ اغسطس عشان قبولك في الFall فأنتي بامكانك تكلمي قريبك وتقولين له انا ظروف الجامعه والمعاملات الحكوميه ما تسمح لي اطلع في الFall اللي هو شهر اغسطس .. وقولي يا ليت تحاول معهم يبدأ قبولي في ال Spring اللي هو شهر يناير .. وان شاء الله ان شاء الله باذن العزيز الحكيم انهم يوافقون ..

اذا تمت الموافقه .. فاشتغلي على اوراقك على اقل من مهلك .. شغل العجله ابدا ما ينفع في مثل هذه الامور .. هذي من وجهة نظري الشخصيه ..

حتى وان رحتي السفاره وخلصتي بتقعدي علي ( سترس ) ضغط نفسي متى راح تطلع الفيزا .. وانتي موعدك يوم ٨ يعني بس ٨ ايام فرصة عمل عشان يطلعوا الفيزا والله العالم تطلع او لا ،،

واذا طلعت الفيزا تقعدي ضغط نفسي ع التذاكر والحجز .. واذا ضبطت كل الامور تقعدي في ضغط نفسي على تحويلك الاي توني من جامعه الى جامعه وكيف الجامعه اللي انتي فيها يوافقون او لا .؟؟

كل هذا انتي حطيتي نفسك في موقف بامكانك تفاديه بالتأني والرويه قبل كل شئ واستخيري والخير فيما اختاره الله ...

وبس