راتب مدرس بجامعة 6 الالف ريال وراتب مدرس بمدرسة 8 الالف!!!

عموما الأغلبيه راح يحصلون على بدلات

واللي ما يحصل على بدلات هذا بسبب تخصصه وبكذا بيكون راتبه مناسب لتخصصه لأنه لو يطلع لسوق العمل ما راح يحصل شئ


أما المقارنه مع الدول الأخرى أكيد انها مخجله جدا

ايضا نقدر نقول المدرسين ايضا يحصلون على بدلات بسبب تخصصاتهم ... واللي ما عنده بدلات بسبب بتخصصه
عند التربية الخاصة ياخذون بدل 30% على الاساسي اللي هو 8 الالف ريال

نرجع لبدلاتك اللي تتكلم عنها بدل الندرة لاصحاب التخصصات النادرة ..بدل الناشئة للجامعات الناشئة الملك سعود والامام وغيرها ما فيه ولمدة ثلاث سنوات فقط يعني يمكن السنة الجاية مافية ..بدل الحاسب للي تخصصهم حاسب ايضا وكثير جامعات ما صرفوه...بدل التعليم الجامعي لازم تكمل النصاب كامل ....بالعربي الوضع مسخرة

للاسف ردك لم يكن موفق

- - - مشاركة محدثة - - -

ايضا نقدر نقول المدرسين ايضا يحصلون على بدلات بسبب تخصصاتهم ... واللي ما عنده بدلات بسبب بتخصصه
عند التربية الخاصة ياخذون بدل 30% على الاساسي اللي هو 8 الالف ريال

نرجع لبدلاتك اللي تتكلم عنها بدل الندرة لاصحاب التخصصات النادرة ..بدل الناشئة للجامعات الناشئة الملك سعود والامام وغيرها ما فيه ولمدة ثلاث سنوات فقط يعني يمكن السنة الجاية مافية ..بدل الحاسب للي تخصصهم حاسب ايضا وكثير جامعات ما صرفوه...بدل التعليم الجامعي لازم تكمل النصاب كامل ....بالعربي الوضع مسخرة

للاسف ردك لم يكن موفق

بالنسبه للتعليم العام لا علم لدي عن بدلاتهم


بدلاتي (على حد قولك) غالبا تصرف بالكامل الا التخصصات العاديه, حتى التعليم الجامعي يصرفونه بمجرد انك تدرس ماده واحده ما يحتاج 16 ساعه وهنا الخلل الكبير ان كل جامعه تتلاعب على كيفها, غالبا الجامعات الكبيره والقديمه : الملك سعود - الامام - الملك فهد - الملك فيصل - الملك عبدالعزيز....الخ تتعامل بشكل جدي وأغلب المشاكل في الجامعات الصغيره وأقول (غالبا).


أما عن ردي فهو يعنيني وأطرح فيه وجهة نظري سواءا كان موفق في نظرك أو لا


وبالتوفيق يا عزيزي

نعم كلامك أخوي كسار سليم ومنطقي
دائما إذا أردنا المقارنة نقارن على الراتب الأساسي فقط البدلات لانتطرق لها أبدا لأن البدلات في أي لحظة تلغى
فمثلا عند الابتعاث والتقاعد والتفرغ تلغى البدلات
فهل من المنطق أننا كلنا هيئة تعليمية ومؤهلاتنا بكالوريوس والمعلم يستبم 8 والمعيد 6
لابد من المطالبة بتحسين رواتب أعضاء هيئة التدريس

يالييييت يزيدونهاااا
فعلا الراتب الاساسي شوي
بالنسبة للمعيد


وكذلك المحاضر يعني بالله معاه ماستر وراتبه الاساسي مثل المعلم بالضبط
الله يغنينا من فضله؟؟؟!

الراتب الاساسي للمعيد 6600
+ بدل نقل = 700
بدل العبء التدريسي = 25%
بدل الحاسب الآلي = 25% هذه تاخذها اذا سويت لك صفحة بموقع القسم ، بس ترفع خطاب تطالب بهذا البدل ويوقعها رئيس القسم + عميد الكليه
بدل الندرة = 40 - 20 % وعلى حسب نسبة الأجانب بالقسم ، وبنفس الطريقه تاخذ البدل ..

ناهيك عن بدل الخطر ، بدل التفرغ ، والبدلات الآخرى
متوسط الراتب يوصل لـ 11.000 ريال ..
المعيد يستلم علاوة سنوية مقدارها 450 ريال ..

وكلها ككم سنه وتصير دكتور بالقسم اذا جبت الدكتوراه ..

والمحك الرئيسي اذا صرت دكتور يا تستلم راتبك + البدلات ..
أو تستلم فوق الـ 50.000 .. وهذا يعتمد على جهدك وبحوثك ومشاركاتك ومؤتمراتك وندواتك ..
ومثل ما قال دكتورنا بالقسم .. بـ قلمك بتصير أغنى الأغنياء ...
وبدال ما تكون فقط دكتور بالجامعة .. بتكون مستشار بإحدى الوزارات + ماسكك كم بحث بالجامعة وغير الكتب الي راح تنشرها وتكتبها .. وغير .. وغير .. وهذا كله بحقه
وع فكرة المعيد ما هي الا أساس تبنيه لـ مستقبلك وانت لا تفكر باول الطريق ، فكر بآخر الطريق وش بتكون !.

معيد > محاضر > دكتور > أستاذ دكتور > مستشار > عضو مجلس شورى > عضو جمعية حقوق الانسان = دكتور بالقسم عندنا .

يا فيصل الله هديك حنا نتكلم عن الاساسي ...اللي هو 6 الالف ريال ...البدلات كل الدوائر الحكومية لديهم بدلات ...والبدل اللي تاخذه السنة هذي ربما تفقده السنة القادمة ...وربما بالوقت الحالي ينطبق عليك بدل او بدلين وربما السنة القادمة لا ينطبق عليك ولا بدل ... اضف الى ذلك مزاج الجامعة او رئيس القسم في البدلات ...

حنا نقول هل 6 الالف ريال كافية لموظف حكومي يدرس بالجامعة؟...بينما مدرس بمدرسة يستلم 8 الالف ريال؟

اليس من المجحف في اغني دولة منتجة للنفط بالعالم معيد بالجامعة راتبه 6 الالف ريال؟

ويا فيصل انا موظف حكومي الان وماهو معقول تقولي صر دكتور ونزيد راتبك ؟!!! يعني انت معاقبني بهالراتب لاني ماني دكتور ههههههههههه .... اجل ازين لي اصير وزير والا وش رايك