استفسار الإعادة في جامعة الملك سعود // ننتظر و ننتظر و ننتظر

وعليكم السلام اخي الفاضل ..

والله ودي أصدق كلامك في إن تعييني مسأله وقت لا أكثر ،، ولكن وأنا أختك تبين لي أن الأمر لم يكن كذلك ،، يعني بالعربي أنا داابكت وداابكت لما صار لمعاملتي اعتبار ومع ذلك أنتظر الأن اجتماع لجنه المعييدين ليقرروا ... وبصراحه سرى الليل وهم ما اجتمعوا !! اظاهر ان معاملتي حاطينها بفريز الدراسات العليا موب الثلاجه

وأشكرك أخوي على دعواتك لي .. واطلب منك الاكثار منها .. فقد تستجاب منك ..
ومع خالص شكري وتقديري لك ..

مشكلة الوضع الحالي للمتقدمين.
يعني لا الي عطونا رد بالقبول أو الرفض ولا معلمينا متى الإجتماع القادم.
طيب خلونا ندبر اعمارنا اذا بيطولون اشتغلنا ولا طلعنا، معلقيننا مع هالإجتماع.
مايدري الواحد يمكن يقدم على جهة أخرى ثم يجي الرد من الجامعة فيضطر يترك المكان بشكل ظالم وغير لائق.
ستة شهور والعداد في استمرار.
المكان اكاديمي والنعامل بيروقراطي بحت.
الله المستعان.

نصيحتي لك والله أقولها من قلبي ، لاتعتمد عليهم اعتماد 100% ترى يمكن يخذلونك .
شفلك شغله إلى أن يكلمونك أو كمل دراستك عشان ان ضبطت ، مايصر فاتك شي وإذا ماضبطت فأنت في منتصف الطريق
أنا وثنين من أخوياي تخرجنا وقدمنا سوى للإعاده أنا عنيد قلت لا لا بكلمونا وهم قررو يتعاقدون إلى أن يكلمونا وفعلنا كلمونا بعد 6 شهور بس وشو عقبه ، أنا 6شهور 0 على الشمال يعني طفران لا اشتغلت ولا درست وكملت أما هم مشاء الله ذيابه ، الأول قال لي أنا في 6شهور هذي وفرت حوالي 57 ألف ريال والثاني حوالي 40 ألف ريال ، صحيح ما فات إلا الشر ولكن شتان بين هذا وذاك .
أنت شفلك شغله تترزق منها ولكن حذاري لا تهماهم وتنساهم شيك على مواقعهم يمكن تلاقي إعلان واتصل فيهم .
أنا مره من المرات قدمت معيد بجامعة شقراء واخترت كلية العلوم بحريملاء بحكم انها قريبه من الرياض أثرهم بعد ما انتهى التقديم ب12 يوم بس أعلنوا في موقعهم أنه على المرشحين الحضور للاختبار التحرري ،وأن من لن يحضر سيسقط في حقه الترشح . وأنا ياغفلين له الله ، لا شيكت على موقعهم ولا اتصلت عليهم بعدها استفسر ، شايف نفسي قلت بيدقون علي على بالي نظامهم مثل غيرهم والله ماشيكت عليهم بعدها إلا بعد شهرين و20 يوم إلا والله أشوف الإعلان وانصرع وادق على الكلية ويرد علي الموظف واعلمه بالسالفة وعزاني وفاتت علي بسبب إهمالي وتقصيري .

استفيدوا ياعالم ترى فرص تضيع من بين يدينا وانا لاهين ومكسلين .

انا مقدم على الاعادة في جامعة الملك سعود

واوراقي مثلكم موجوده في لجنة المعيدين

شاهدت رد وحبيت اقتبسه واجيبه لكم

الصراحه حطمني لكن حبيت انكم تكونو بالصوره


شكلها مطوله السالفه !!!

فعلا .... وانا صاحبه هذا الرد في منتدى حلول البطاله .. ومره اخرى اقول المصدر غير موثوق .. شبه موثوق ..

السلام عليكم
لو سمحتوا انا معيده بقسم الاقتصاد

وبغيت اعرف هل استحق بدل الندره او لا؟ اذا استحق هل فيه خطاب او اي شي يثبت عشان اقدمه وااطالب بالبدل لان من توظفت للان ماصرف لي
k

وعليكم السلام ورحمة الله وبركاته،

الله يوفقك ويسهّل دربك يا رحالة،
مع إن سؤالك مب ذا مكانه بس بأجاوبك، البدلات كلها فيها قائمة لها، اسألي عنها سكرتارية قسمك هي أعرف، شوفي هالموضوع ممكن يفيدك ( البدلات الي تخص المعيدين في الجامعات السعودية - منتديات طلاب وطالبات جامعة الملك عبدالعزيز [ سكاو ] )

الله يعينك أوقات جدًا عصيبة بس لا تيأسين تابعي معاملتك واعرفي شخص بعينه وتواصلي معه عشان ما تتشتتين والصبر زين ، صبرت 8 شهور من التقديم للتعيين والمضحك المبكي ان العميد لما تواصلت معه وحدة من المرشحات قالت :تعبنا من الانتظار قال انتظروا ماهي مشكلة في سبيل خدمة 30 سنة في الجامعة تحترقين سنة وحدة!!!

الله يعين نصبر ونشوف

ان شاء الله يصير شي قريب

السلام عليكم ورحمة الله وبركاته
اكتب لكم وانا كلي حيره وبالي مشغول اتمنى احد يساعدني .. انا قدمت على الإعادة بكليه الهندسة بالمزاحمية وقتها لم استلم وثيقت التخرج فا ما ارسلتها لهم اثناء التسجيل بالموقع بس ارسلت السجل الاكاديمي وكان واضح اني راح اتخرج بنهاية الفصل الاول 1434..
الاسبوع الماضي اتصل على موظف وقال عندك مقابلة شخصيه حضرت المقابلة وحسيت اني ابدعت وياهم المشكلة اني نسيت اقلهم اني لم ارفق شهادة التخرج والحين انا خايف انه يتم استبعادي على هذا الاساس ولا أعرف اش اسوي .. اتمنى تساعدوني