استفسار الإعادة في جامعة الملك سعود // ننتظر و ننتظر و ننتظر

اختي املي كبير .. بداية اتمنالك التوفيق والله يكتب لك اللي فيه الخير ..

اجراءات اختيار المعيدين وتعيينهم وخصوصا في جامعة الملك سعود تحتاج الى وقت طويييل وصبر عريض !

انتي الان عملتي المقابلة ، احتمال يكون فيه اختبار تحريري لاحقاً (ولو انه في الغالب اذا كان فيه اختبار يكون بنفس يوم المقابلة) ،
اللي عمل معاكم المقابلة (مجلس القسم) ، وبعدها يرشح مجلس القسم الاسماء بناء على نتيجة المقابلة ويرفعها الى مجلس الكلية ، ومجلس الكلية في الغالب يعمل مقابلة ثانية ويرشح الترشيح النهائي .
اسماء المُرشحين نهائيا تروح الى اللجنة الدائمة لتعيين المعيدين والمحاضرين علشان يعتمدوها ، واذا اعتمدوها تذهب لمدير الجامعة ليصادق على الاعتماد وفي الحلقة الأخيرة يتم التعيين .

الله يجزاك خير .
صبرا جميل وبالله المستعان
والله افكر اتوظف صراحه الانتظار متعب يارب سهل أمرنا يارب

انا وصلت اوراقي عند اللجنة هذي ومن زمان عندهم

dr.law89 كم تتوقع يبي لهم عشان يعتمدونها !؟

اخي الكريم ... it lover

يأتي الاعتماد بعد اجتماع اللجنه ... وموعد اجتماع اللجنه غير معلن وغير ثابت او محدد مسبقا .. لذلك لا اعتقد أن من الممكن توقع وقت معين سيتم فيه الاجتماع .. الا من خلال احد منسوبي الجامعه ومن له علاقه بهذا الاجتماع كعضو فيه او سكرتير اللجنه مثلا ..
اما الافراد العاديين او منسوبي الجامعه من ليس له علاقه بهذا الاجتماع لا من قريب ولا من بعيد .. لا يمكن له توقع موعد الاجتماع ..

ولكن للمعلوميه تم اعتماد بعض المرشحين في تاريخ 8-4 - 1434 ... وهذا اخر اعتماد قد تم ...
وكان لعدد محدود جدا نظرا لعدم توفر شواغر وظيفيه ..

تحياتي ،،،

الأخhno-1990 ان موضوع اجتماع اللجنة تحكمه الضبابية ومن الصعوبة بمكان التكهن وتوقع أقرب موعد

014677855

ما شاء الله تبارك الله، يا هنّو، وعقبى للأمل الكبير والبقيّة
إذا أنتِ قدّمتِ قبل الميزانية يعني بشهر 12، أنا قدّمت بداية شوّال = 10 ، وأنتظر لسّى.

النقاش يا أعزائي في هالموضوع مثري للغاية بوركتم لأن ما عندنا المصدر الموثوق المجزوم به عن مصير معاملة كل واحد مننا، والزميل عضو هيئة التدريس ما قصّر معانا وما يهونون البقيّة.

بس النصيحة لوجه الله، لا توقفون حياتكم على هذا التقديم، ولا هذا المكان. حصل لك دراسة، حصل لك عمل، تعاون مشروع توكل على الله وادخل فيه، ولا تستهين بالدراسة مهما كان نوعها ومهما كان تخصصك خاصة لو كانت الدراسة دبلوم تربوي معتمد. جامعة الإمام فتحت التقديم للماستر قبل يومين، وجامعة الملك سعود بتفتح الماستر الموازي بداية شوّال، وجامعة المجمعة تقيم دبلومات في فرعها بالرّياض ( مدارس ابن خلدون - قسم التدريب ) .
أشغلوا أنفسكم بالمفيد، لأن الوظيفة لو حصلت بعد فترة فراغ، يموت فيك حسّ الرغبة في العطاء، ودافع الإخلاص وزراعة الأثر ورسالتك المعنية.

تشبّثوا بإيمانكم إن الله هو الرّزاق، إن طالت والا قصرت وهي مكتوبة لك بتجيك ..

لا حبيبتي انا مقدمه على الاعاده من زمان .. بس ماوصلت اوراقي للجنه هذي الا بشهر 12 او 11 ..

حبيبتي في فرق بين موعد التقديم وموعد وصول ملفك للجنه المعيدين والمحاضرين ..... فهمتي علي ؟

تحياتي

الحمدلله على كل حال

اوراقي كانت عندهم قبل هالتاريخ

مالنا الا ننتظر مع ان الوضع شكله مطول

انا جاني خبر انو فيه قلة شواغر وظيفيه بس مدري هذا يأثر علي او لا

عالعموم مشكورة اختي

مشكور اخوي dr.law89 ماقصرت ,

يعني اسوء الاحوال راح تجتمع في بداية الفصل الدارسي الاول .

مثل ماتفضلتم افضل حل انو الواحد يدور له وظيفه مؤقته ويشغل نفسه فيها

الله يكتب الى فيه خير

اخوي تخصصك علوم الحاسب انت ؟