استفسار عن الاعاده

وعليكم السلام ورحمه الله وبركاته ..

في البدايه ابارك لك التخرج .. والله يرزقك بالوظيفه الي تتمنينها ..

بخصوص الإعاده .. فتختلف طريقه التقديم من جامعه لاخرى ..

بالنسبه لجامعه الملك سعود .. فبإمكانك تقديم طلب الاعاده الأن من خلال موقع الجامعه .. بحيث ترسلي لهم الطلب وبمجرد ما يكون فيه احتياج لقسمك يبلغونكم لإستكمال باقي الإجراءات من مقابلات واختبار .. الخ ..

اما جامعه الاميره نوره فتابعي موقعهم كل فتره واخرى ( فيه عنوان خاص بالتوظيف موجود بموقعهم ) .. فإذا فتح باب التقديم ينزلوا اعلان وفيه استماره تعبيها وترسليها الكترونيا .. والخ من الإجراءات ..

اما جامعه شقراء .. فأيضا تابعي موقعهم ( شريط الأخبار ) فإذا نزلت وظايف يعلنون عنها في خانه عناوين الاخبار .. ويبينون الشروط والمحافظات الي فيها الإحتياج ...و الخ .. وأيضا التقديم بيكون الكتروني في البدايه .. ثم يتم الإعلان عن موعد المقابلات في خانه ( عناوين الاخبار ) أيضا .. تشوفي يومك وتروحي لهم فيه لإجراء المقابله ..

أما جامعه الإمام .. فهم لم يصلوا لمستوى التقديم الإلكتروني بعد .. لذا تابعي موقعهم واذا نزل اعلان .. لازم تخلي أحد من معارفك الذكور يراجع قسم الرجال ويسلم ملفك لهم .. ثم يتواصلو معك ...

هذا الي اعرفه من خلال تجربتي في التقديم على كل من هذه الجامعات الأربع ..

تحياتي ،، وبالتوفيق

ماشاء الله تبارك الله ... الف مبروك وحصني نفسك

جامعة الامام خلي احد يروح لعميد الكلية لو يعرفه كويس و ان شاء الله تضبط امورك .. و ولو مافي احد يعرفه برضو خليه يروح يعطيه ملفك مع خطاب موجه للعميد بطلب الاعادة بالكلية
تكتبي بالخطاب بعد الحمد و الصلاة ع الرسول ... انك انسانه مجتهده مثابرة ..الخ من هالكلام و انك حابه تفيدي دينك و وطنك و انك قادرة على الابداع في هالمجال و انه رغبتك
خطاب صفحة الا ربع - صفحة بالكثير ... ارفقي معاه 3 توصيات + سجلك الاكادييمي + الوثيقة + السيرة الذاتية و مهم تكتبي فيها وسائل اتصال بك ،، و ان فيه نصيب الله يوفقك و يسهله لكي

و عندك بعد د. الخلف .. وكيل الجامعة للدراسات العليا و البحث العلمي ... هالانسان لو عندك احد يعرفه فأنتي من الحين متوظفة ان شاء الله =)

الاستخاره اهم شي و دعا الله و رضا الوالدين ... بالتوفيق.. و الله يكتب لك الخير وين ما كان ،،

الله يوفقك يارب