استفسار عرض استقطاب وابي رايكم!!

النظام يقول انك تتوظف بالجامعة بمدة دراستك برى
مثلاً بعد ماوقعت عقد معهم ودرست دكتوراة 4 سنوات
راح ترجع تداوم عندهم 4 سنوات

بعدها يحق لك تشوف مكان ثاني او تستمر معهم



شف الي يناسبك وترتاح له
كيف تشوف نفسك في مجال الشركات بعد الماستر ؟
وقارنها مع مميزات الجامعة ؟ من جمبع النواحب



الجامعة تتميز بالدوام الخفيف + الاجازات الطويلة + الراتب الاساسي (صحيح انه غير منصف )+ لكن البدلات ترضيك ان شاء الله
خصوصا اذا كان معك دكتوراة


ممكن يصل راتبك الى 22000 ريال مع البدلات تقريباً على الاقل

طيب لو خلصت الماستر وجاني عرض من شركه حلو. هل بعد احتاج اني اتوظف عندهم سنه ونص ولا اقدر اسحب؟ لأن من الان ليما اخلص دراسه الماجستير يبيلي سنه ونص!

بالنسبه لسؤالك وعن الراتب: اللي فهمته بالاربع سنوات اللي ادرس فيهم دكتوراه اقدر اشتغل فيهم وطور نفسي ويصير راتبي اعلى من الدكتور!! بينما الدكتور اجازات كثيره بس الراتب شبه ثابت ومايتطور إلا بعمل ابحاث فقط لا غير!

بس انا خايف اخلص الماجستير وما القى فرصه حلوه بالشركات فا اكون ضيعت الاثنين!

ابي اي احد عنده خبره بأنه لما يرجع هل يكون ملتزم فيهم او عادي يكنسل؟ لأن سمعت من بعض الناس انه عادي ترجع ماتكمل معاهم بغض النظر عن العقد!

مثل ما قال الاخ ناصر لو قبلت العرض ما تقدر تنتقل من الجامعة قبل ما تشتغل فترة توازي سنوات دراستك
وفيه قدامك الاعارة من الجامعة لجهه ثانية لكن هذي لها بعض الشروط منها انك تكون خدمت بالجامعة خمس سنوات وتعار بنفس فترة عملك بالجامعة

ممكن تشوف المميزات في العمل الجامعي ومميزات الشركات
اذا انت شخص ممكن تشتغل لساعات اضافية وما تحبط او تطفش من الضغط ومن النوع المنتج وتبي مردود مادي قوي اتجه للشركات.. خصوصا ان بعض الشركات تعطي بونص وهاوسنق سنوي جامد وتأمين صحي على حسب مرتبتك عندهم
اما الجامعات فالراتب عادي .. ساعات الدوام مريحة .. بعض الجامعات مثل سعود عندهم تأمين صحي ويعطونك سكن في الحرم الجامعي.. وممكن يأمنون قيمه مشاركتك بالموتمرات الخارجية وعندهم برضو دورات موجهه لحاملين الدكتوراه.. يعني فيه مميزات حلوة

الله يكتب لك اللي فيه الخير