استفسار نصايحكم بدخل مقابلة الإعادة الأسبوع القادم

عن تجربة مع مقابلات كثيرة مع الجامعات وغيرها بالسعودية
مافيه اي معيار ثابت تقدر تركز عليه
كثير يعتمد على المزاجية والانتقاء
النصيحة الوحيدة اللي اقدر اقولها لك
توكل على الله وخل ثقتك به كبيرة
وفقك الله

اضيف على كلام الاخ حبوب m

حاول تكون مطلع على ابرز الاحداث الداخلية والخارجية التي تحدث الان ايضا راجع المعلومات المتعلقة بتخصصك وايش الجديد فيها

ايش تطلعاتك المستقبلية ... كيف تطور التعليم الجامعي .... اذا تم قبولك ايش راح تضيف للقسم.... هل لو تكلف بعمل اداري راح تقبله...

كما لا يمنع من اخذ فكره عن اسماء سور القران الكريم و معلومات عن الرسول علية الصلاة والسلام

حاول يكون نظرك موزع على اعضاء اللجنه ولا تقصر نظرك على شخص واحد

التفاعل الايجابي (الكمستري) بينك وبينهم وكانك واحد منهم ...

لا تتوتر ابدا فهم بشر مثلنا يخطئون ولهم عيوبهم

ثقتك بنفسك اهم من اجابتك ..... فاذا ماعرفت سؤال عادي جدا انك تقول لهم اسف لا اعرف الاجابة....

وقبل كل شي التوفيق من الله عز وجل

هذا ما يحضرني الان .... اتمنى اكون افدتك...

التوكل على الله ثم الصلاة ركعتين قبل الذهاب
والدعاء اللهم إن كانت هذه الوظيفة خيراً لي في الدنيا والاخره سخرها لي وإذا كانت شراً أقبلت عليه باعد بيني وبينها كما باعدت بين المشرق والمغرب

تم قبولي في ثلاث جامعات لوظيفة الإعادة الحمدالله وكلها لم ارتاح لها بعد الترشيح للمقابلة وتركتها
الجامعه الرابعه ارتحت وذهبت للمقابلة وتم القبول الحمدالله .


( تمت المشاركة باستخدام تطبيق مبتعث )

ماقصرو اللي قبلي ،، و اهم شي كون واثق من نفسك و حاول تصرف نفسك بالاجابات و لو ما عرفت شي حاول تدرولك مخرج
و حط ببالك جوابك هو اللي راح يحدد السؤال القادم اللي راح يجيك ،، فلما تجاوب حاول تتكلم بشي انت تعرفه زين ،، و بيسالوك عن مدى امكانية الابتعاث
و وين ناوي تبتعث و ليش اخترت هالماكان بالذات و ايش التخصص اللي حاب تكمل فيه دراستك ،، فكون على اطلاع بكل هالامور ،، و لاتنسى تصلي الفجر بالجامعة يومها
و ربي يوفقك.

ألف ألف شكر ياإخوان .. ربي يوفقكم جميعا ويسهل لكم أموركم

أخوي hirako ليه أصلي الفجر بالجامعة ؟ بجلس انتظر 4 ساعات بعد الصلاة

الله يوفقك ويفتح عليك فتوح العارفين.
وإذا تعينت بشرنا، علشان نعتبرك عضو فعال في القسم من تصير معيد ههه

تحياتي،،،

انا اجريت مقابله من فتره.

الاسئله حول :

- ليه تبي تصير معيد ؟

- مشروع التخرج ؟

- ايش تقدر تضيف للكليه والقسم ؟

- التخصص الدقيق ؟

- رغبتك في البحث العلمي ؟

ألف شكر حبايبي .. وش الجواب الأمثل والأفضل لسؤال :

ليش تبي تصير معيد ؟

إيش تقدر تضيف للكلية والقسم ؟

1) الإعادة تكاد تكون العمل الوحيد اللي ممكن يسمح لك بمواصلة تعليمك بل يجبرك عليها، وأنا كأي شخص لا يمكن أن أعيش بدون وظيفة لكن في الوقت نفسه لا أكتفي بتعليمي الحالي، فوظيفة الإعادة تضمن لي إكمال تعليمي في حالة كوني معيداً.

2) سأنظر للتخصصات الحالية في القسم، وأقارن تخصصات فرعية أخرى في دول الابتعاث، ثم أحاول أن أدرس شيئاً أضيفه للقسم بتخصصاته الحالية، وأساهم في إنشاء مقررات جديدة؛ مما يجعل القسم يواكب تطورات التخصصات، وهذا بدوره ينعكس على مستوى الكلية، فهناك كليات بل جامعات في العالم إنما تكتسب شهرتها من قسم واحد أو حتى تخصصات نادرة داخل القسم الواحد.

بالتوفيق،،،