كل ما يخص سلم رواتب أعضاء هيئة التدريس والبدلات والدرجات

طيب كم راتب المعيدة من جامعة الملك عبد العزيز مع مكافاة المرافق كم تكون ..... ياليت الاقي اجابة عندكم الله يجزاكم بالخير

ياخوان هل اعتماد البدلات من عميد الكلية يعني صرفها ؟ او هناك اجراءات من عمادة شوون الموظفين اتكلم عن بدل ( التعليم الجامعي وبدل الضرر وبدل الحاسب الاآلي ) .. شكرا لكم

بدل التعليم الجامعي وبدل الحاسب تقوم باكمال الاوراق ورفعها لمدير قسمك والذي بدوره يقوم برفعها الى ادارة الجامعه مرورا بعميد الكلية

صرفها من ادارة الراتب اذا صدرت الموافقة

السلام عليكم ورحمة الله
اتمنى القى الاجابه الشافيه من اخواني المبتعثين اللي مرت عليهم مثل قصتي
انا معيدة هذا الشهر اصير على الدرجة الخامسة اي راتبي الاساسي ٨٣١٠
بعثتي بعد شهرين الى اوربا باذن الله
اصابتني بعض الظروف اللي خلتني افكر بالحصول على قرض قيمته ١٧٠ الف مع الفوائد بيكون ١٨٤ الف
السداد خلال خمس سنوات وقيمة القسط الشهري ٣٠٦٩ ريال
انا انسانة ماتحب اتحايل على القانون ولا احب اوجع راسي مع البنوك بمعنى ابي اروح ادرس هناك مابي مشاكل وشرطة
انا قرات ينزلي نصف راتبي الاساسي هنا وعجزت احسبه البعض قال راتبي الاساسي مقسوم على ٢مضروب ب١٨٪
فيطلع راتبي ٣٤٠٠ فالقيمة اللي تنزل تغطي قيمة القسط ولله الحمد
المشكله تكمن احد الاخوان اخبرني انو مووسسة النقد فقط تخصم ثلت الراتب وومنوع تاخذ اكثر من كذا
وفي حال اكتشفت انه راتبي اختلف بعد البعثه ادخل في سين وجيم
وانا القرض بحااجته ولا احد يقولي خذي من عند احد لانو ماحد بيعطيني١٧٠ الف
فيدوني الله يفيدكم قبل ماقدم ع خطوة واندم عليها
كلمت البنك مروجة واحد قلي لو اكتشفنا انه راتبك تغير ممكن نحطك بالقائمة السوادء وتصير لك مشكله
واحد اخر قلي اهم شيء قيمة القسط فيه
ارجوكم ساعدوني


( تمت المشاركة باستخدام تطبيق مبتعث )

عليكم السلام
البنك له فقط في المبلغ الذي ينزل ويسدد القسط.
وإذا كان راتبك أقل من القسط ؛ يتم الاتفاق بينكما على إعادة الجدولة واحتساب قيمة القسط.
لا يتم وضعك في القائمة السوداء إلا بعد التعذر في الوصول إليك ، أو المماطلة في السداد.
توكلي على الله وخذ القرض طالما أن الراتب المتبقي أكثر من قيمة القسط.
ييسر الله أمرك

في حالة تم ابتعاثك ينزل لك نصف الراتب الأساسي بمعنى 4000ً ريال،اتفقي مع البنك ياخذ منك 3000 ريال،اذا اتفقتي مع البنك انه ياخذ منك 5000 بعدين لاحظ نقص الراتب طبيعي راح تكون فيه إشكالية لذلك اتفقي مع البنك من أساس انه يسحب 3000 ريال شهرياً وسافري وادرسي وانتي مرتاحة،برضو بالنسبة للفوائد نصيحتي تاخذين قرضك من بنك البلاد لأنه ياخذ فوائد 250 ريال سنوياً،برضو سمعت ان بنك إنماء له عروض ممتازة للقروض وطبعاً كلا البنكين يطلبون منك تحولين الراتب عليهم

الله يجزاكم بالخير ويوفقكم
طيب اخواني هل بدل الندرة يصرف للمبتعث


( تمت المشاركة باستخدام تطبيق مبتعث )

نعم
المبتعث يصرف له نصف الراتب الأساسي+بدل الندرة

في حالتك أعتقد سيصرف لك 5000 ريال تقريباً
٣٠٠٠ للبنك و٢٠٠٠ لك وبكذا يتسدد القرض وانتي مرتاحة ٢٠٠٠ بالإضافة إلى مكافأة المبتعث 7000 ريال

يا أخوان كلنا نحب نساعد بعضنا بس يا ليت تكونون دقيقين في الإجابة علشان ما نوهقها.

أولا: لا ينزل لك نصف الراتب وإنما ينزل لك ٤١٪ من راتبك يعني ينزل لك ٣٤٠٧
ثانيا: بدل الندرة لا يصرف في كل الجامعات بل في بعضها وحنا عارفين الصياح اللي صاير من شهرين لما أوقفت جامعات مثل القصيم وغيرها بدل الندرة على المبتعثين.
ثالثا: فيما يخص شروط مؤسسة النقد فهذا صحيح يجب ألا يتجاوز القسط ثلث الراتب ولا تتجاوز المدة ٥ سنوات
لكن في حالتك أعتقد أن المبلغ الذي يبني عليه البنك هو المبلغ الذي في إثبات الراتب، بمعنى في غالب ظني أنه لن يسبب لك مشكلة وسيبقى البنك يسحب المبلغ المطلوب بدون مشاكل لكن أيضا الأفضل تتأكدي من شخص فعلا أخذ قرض وطلع بعثة وش صار عليه بالضبط لأن مجرد التخميات قد تسبب لك مشاكل، تحتاجي لشخص مجرب.

كفيتني مؤنة الرد
تحياتي لك