حوار رأيكم زملائي وزميلاتي ..

أنا لو كنت مكانك راح أختار الجامعة الأولى.
ترى الأمور لما تقراها في النت تبدو أصعب بكثير من الواقع، لكن لما تدرس في الجامعة، تسير الأمور حبة حبة لين تصل.

شكرًا على الرأي ..
لكن هل لحقيقة أن راتبك ومزاياك لن تتغير مهما كانت جامعتك أثر على قرارك؟

راح تتعب في كل الجامعات لا تتوقع أن الجامعة اللي تقييمها منخفض أو متوسط أنها فلة
أحيانا الجامعات الغير مشهورة يكون التعقيد فيها أكثر لقلة خبرتها مع الطلاب خصوصا الأجانب
فإذا أنت بتتعب اتعب على شيء يستاهل.

أنا أيضا سأختار الأولى وبدون تردد.
أنا حاليا في وضع مشابهه وفي القسم اللي بتخرج منه مافي ولاسعودي وهو أغلب الجامعات القوية أصلا نسبة السعوديين فيها قليلة جدا.

الخوف من الصعوبه شئ طبيعي, وبالأخير يعتمد على الشخص أعرف ناس أذكياء جداجدا لكن مايختاروا الجامعات القوية لأن مايحبوا "التعب على الفاضي "برأيهم لأن يشوفوا انهم بيتعاملوا زي اللي درس بجامعة سهله وعدى مواده بسهولة .

فهو يعتمد على الشخص واهتمامه بمجاله ورؤيته للمستقبل سواء في اطار وظيفته أو لنفسه.
وبالنهاية فعلا خريج هارفرد وخريج ديبول بيكونوا بنفس الدرجة بالعمل لكن اللي يفرق هو اخلاص الشخص وحبه لمجاله وهل كان يشتغل بكفاءة وهل عنده نتاج بحثي مستمر.
فالسؤال هو أي جامعة بتأهلك انك تكون منتج حتى بعد التخرج؟ في الغالب الجامعات القوية هي اللي تعطي وتنمي الطالب بمهارات البحث ووجود المعامل والبيئة التنافسية بحيث المناقشة العلمية هو شئ شبهه يومي. العمل الأكاديمي ميزته انه لاينتهي بشهادة. عشان كذا فكر بالمستقبل.
وبعدين زمن أول ماكان فيه تفريق بين جامعات..اللي راح أمريكا حتى لو لأضعف جامعة كان ينظر له بشكل مختلف ..أيام السبعينات والثمانينات هذا الكلام.
ألحين مع سوالف الجودة بجامعاتنا الأغلبية حافظ على الأقل 20 توب سكول في تخصصه ولايمكن ينظر لشخص دخل هارفرد زي شخص دخل جامعة Phoenix مثلا حتى لو التعامل الوظيفي كان واحد. هذا غير التخرج من جامعة قوية معناها حتى لو ضاق خلقك وطلعت لأي منطقة أو حتى لأي دولة بعدين بيكون توظيفك مضمون.

double posting -_-

وعليكم السلام ورحمة الله وبركاته

طبعاً بدون كلام رقم ٢

ماراح أغامر بشهادة متغربة من اجلها وودي اليوم قبل الغد العودة لااهلي وأسرته

تجارب من سبقوني فيها تعطيني راحة بال اكثر

خاصة اهم شخص عندي مشرف الدكتوراه ممتاز يعطيني المفيد للمستقبل وسمعته مجرب ومضمون
والجامعة متوسطة .

بالتوفيق







.

لن تتغير مثلك مثل اي استاذ مساعد في كل شي
مثلك مثل خريج دكتوراه جامعة الملك سعود وخريج جامعة أكسفورد لا فرق ابدا الراتب مطابق والمزايا

في عندك انتاج علمي إبداع تطوير نشاط مهارات إدارية لك مزايا رئاسة لجان مناصب وغيرها كل هذا يعتمد على شخصيتك بالدرجة الأولى إنتاجك العلمي مهاراتك الإدارية


وفقك الله







.

شكرًا جزيلًا ..
وهو الرأي الذي أميل له حاليًا ..
من ناحية الصعوبة .. أعرف تخصصي جيدًا .. ومتأكد تمامًا أن الصعوبة ومدة إنهاء الدراسة تفرق كثيرًا بين الجامعات القوية والمتوسطة

كلامك وجيه .. لكن ماتفرق معك انك درستي في جامعة قمة أو جامعة عادية؟
طيب ماذا لو نظرنا لها من ناحية أخرى ..
الشهادة الأقوى تفتح لك مجال في أي مكان في العالم فيما لو ما ناسبك الجو في مكان عملك في المستقبل..


أسأل الله التوفيق لنا جميعًا ..