بخصوص وظيفة محاضرة بجامعة الأميرة نورة

مافي احد ممكن يفيدني ؟

موفقه خير اختي هنا وفالك التعيين يارب
اسئلة المقابلة تنقسم الى : 60% شخصية و40% اكاديمية.
المقابلة تبدأ بهذا السؤال ؟

عرفينا بنفسك ؟
اذكري انجازاتك العلمية الجامعات والتقدير وبالنهاية تقولي واليوم انا اقدم ج نورة على وظيفة كذا....)
لماذا يتم اختيارك من قبل جميع المتقدمات؟ (شوفي الرسالة والرؤية للجامعه واهدافها وتكون الاجابة منهم )
وعلى حسب اجابتك بيكون السؤال الثاني
ليه ماتفتحي موقع لتدريس اون لاين ؟ (لازم تذكري اهمية الاستقلال المادي)
ماهي نقاط ضعفك ( تذكري انك اذا عملت واجب تنغمسي فيه وتنسي الوقت، ولكن بعدها تعلمت مهارة تنظيم الوقت و تجاوزت هذه النقطه-او اي نقطه حابة تذكريها ولكن لازم تقولي انك تغلبتي عليها)
ماهي نقاط قوتك؟ (من ناحية اكاديمية انجاز اكاديمي تفوقت فيه)
لو عندك بالكشف مادة جبت فيها جيد بيذكرونها لك وليش جبت هذه الدرجة؟ ( ،اذكر جوابي : المادة هذه حصلت على درجة جيد جدا بالبحث ولكن التصحيح في الاختبار 4 درجات للاجابة الصحيحه و-2 للاجابة الخاطئة وانخفض معدلي )
اذا عندك اعمال تطوعية ياحبذا تذكريها (مثل تزوري جمعيات خيريه)
متى تخرجتي بالماستر او البكالريوس؟ وليش حتى الان تقدمي في الجامعات ليه ماتروحي القطاع الخاص؟
تقولي انك تبحثي قبول للمرحلة اللي بعدها وانه تقدمي على القطاع الخاص بعد وماجاك رد حتى الان (بيني لهم انك تبحثي عن التطوير الاكاديمي وانك انسانة ماتحبي تضيعي وقتك )

اذكر فيه سؤال ماعرفت اجابته وقلت : ما اعرف!!(يفضل رد دبلوماسي)

لاللفلسفه (اذكر وحدة من البنات سألوها عن مصطلح بالانجليزي وألفت عليهم وقالت انه برنامج ، وهو طلع اسم شركة !!!!!)
الاسئلة الشخصية استفزازية حتى يشوفون مدى صبرك وتحملك !!
والاسئلة العامة الثقافية مثل:
متى توحدت المملكة ؟ كم منطقة ادارية بالمملكة ؟ سوريا تحد المملكة من اي جهه؟(طبعا ماتحد المملكة اصلا) ماهو امير منطقتكم ؟ تعرفين اسم رئيس مجلس الشورى؟ متى يعقد مجلس الشورى ؟
وهذه الاسئلة هدفها : يختبروا ردة فعلك في المواقف الصعبة

الاسئلة الاكاديمية بتكون في تخصصك وبتكون من قبل الدكاترة اللي بالكلية .

الاهم في كل هذا الثقة بالنفس لو انتي مو كفو لهذا المكان ماكان اتصلوا عليك ورشحوك !!!وهذا رد جدا قوي


ج نورة للاسف ماقدمت عليها ولكن انا قدمت على عدة جامعات بالمملكة وكتبت لك الاسئلة اللي سألوني اياها

وبالتوفيق للجميع