أرامكو vs. الإعادة في الجامعة

اخوي
السلام عليكم
لقد مررت بنفس تجربتك لك رسالة على الخاص

و عليكم السلام

انصحك بالاستخارة و ربي يكتب لك الخير

اذا الموضوع مهم عندك و شاغلك
جرب تسوي جدول مقارنه بينهم و حاول تحط اكثر من شي مثل مادي : الراتب , المكافاءات , البدلات . التطوير , الراحه , الاجازات , القرب للاهل
المستقبل : الزواج , العيال فكر بعد 20 سنه مثلا . و فكر في امتيازات يفتقده المدني : سكن من ارامكو , منحه ارض من الجامعه

و ربي يكتب لك الخير

و تأكد ان اللي كاتب ربك بيصير المهم تقنع باللي كتبه لك ربك و تحمده و كل شيء له ايجابيات و سلبيات و نادرا تلاقي احد مرتاح في عمله

الله يجزاكم خير ياشباب

غدا ان شاء الله راح اقدم استقالتي من ارامكو
ولعل الاعاده خيره لي بإذن الله

لاتقدم استقالة إلا إذا صدر قرار تعبينك الرسمي من الجامعة

السلام عليكم ورحمة الله وبركاته

اكتب لكم مكتوبي هذا وانا في حيرة من امري واطلب منكم المشورة ومساعدتي على الاختيار.

أنا خريج جامعة البترول يناير 2015 بتخصص محاسبة والان موظف في ارامكو من شهر فبراير 2015. عندي فرصة بالتفدم على وظيفة معيد بالجامعة ومن ثم الابتعاث المباشر لامريكا لدراسة الماجستير والدكتوراة.

محتار اترك ارامكو و اروح للجامعة او اجلس في ارامكو، كنت مقتنع في الابتعاث لكن لما فكرت في مميزات ارامكو بديت احتار خصوصا في موضوع قرض السكن.

حاليا راتبي الاساسي 12150 ريال و متزوج ، لو طلعت الابتعاث حستلم تقريبا 3500 ريال من الجامعة و مكافاة المبتعث ! وارجع بعد 5 سنوات على الاقل براتب اساسي 12000 ريال وزيادة سنوية 570 ريال و

ومن الممكن لو جلست في ارامكو بيوصل راتبي الاساسي بعد 5 سنوات 17000 على اقل تقدير !

انا بصراحة خايف اجازف بمستقبل زوجتي و اولادي ، نرجع بعد 5 سنوات للسعودية براتب اقل من ارامكو و حلم البيت تبخر !


احتاج منكم النصيحة

وعليكم السلام ورحمة الله وبركاته
ماشاء الله تبارك الله ربي يبارك لك في رزقك
انا مااعرف ايش المميزات بدقه لكن اشوف ارامكو افضل وراتبها افضل
لكن هل في امكانيه انك تبتعث من جهة العمل؟
عندك طموح تكمل دراستك والعمل يشجعك على إكمال الدراسه؟
هل ممكن تحصل على ترقيه في عملك الحالي؟
لو فيه امكانيه افضل انك تبقى في ارامكو

ربي يختار لك الخير وييسر امرك

اشكرك على ردك،

اية نعم تبتعث للماجستر فقط وفي فرصة كبيرة انهم يبتعثوني.
والترقيات في ارامكو كل 5 سنوات على الاقل

اولا حسب علمي ان جامعة البترول ماتبتعث المعيدين لمرحلة الماستر يعني بتدرس الماستر عندهم والدكتوراه خارج المملكة

ثانيا كيف حسبتها انك بعد خمس سنوات رح يكون راتبك الاساسي ١٢ هل تقصد كاستاذ مساعد
المعروف انك بتجي امريكا بتدرس ماستر سنتين بعدين تنتظر هل بيرقونك او لا
والدكتوراه اغلبهم يخلصها بخمس سنوات هذي سبع سنوات وقتها بيكون الفل باكج بين ٢٥-٣٠ الف

ثالثا محاتسيك معيد مبتعث بامريكا وباقيلي ترم اخلص ماستر هندسة كهربائية صدقني لو يحصل لي فرصة اروح لارامكو واترك الجامعة بروح
لعدة اسباب منها:
١- حاليا غيرو نظام الترقيات يعني برجع ع وظيفة معيد لين ادرس ترم دكتوراه بعدين يحق لي طلب ترقية لمحاضر
تاثيرها بيكون من ناحية الراتب وبتضيع مني سنين بدون فايدة اذا جلست بالسعودية لان خطتي اني اخلص ماستر وارقي لمحاضر واجلس سنتين او ثلاث بالوظيفة
بعدين ارجع دكتوراه ،لكن جامعتنا ترفض هالشي يعني لو برجع اجلس عشر سنين ابقى بمسمى معيد وبراتب معيد لين احصل قبول دكتوراه وادرس ترم

٢- البدلات تختلف من جامعة لاخرى ومن كلية لاخرى فتجد خريج الحاسب الالي يصرف له بدل حاسب ٢٥٪ وخريج الهندسة لايصرف له
برضو بعض الجامعات تصرف بدل سكن للمعيدين وبعضها لا ، يعني من الاخر الرواتب كلها بدلات وباي لحظة بيشيلونها

٣- مافيه تطوير وظيفي كل اللي تسوي تحصل شهادات ماستر ودكتوراه برضو كرواتب تبقى ضعيفة مقارنة بالقطاع الخاص بيجي واحد يقولي توك ذكرت ان راتب الدكتور اول مايتعين ٢٥-٣٠ الف،صحيح هالكلام لكن راحت مني ٧ او ٨ سنين من عمري دراسة وغربة وبهذلة وبالاخير ارجع مطفر لان ممكن ادرس في ولاية غالية وبالمقابل زميلي المهندس في شركة الكهربآء او غيرها امداه كون نفس وعالاقل وصل راتب ٢٠-٢٢ بدون دراسة واضف على ذلك العلاوة السنوية للمهندس بالشركة بين ٨٠٠-١٢٠٠ريال غير الرواتب اللي تجيك من الارباح راتبين او ثلاث وبنفس الوقت العلاوة للدكتور ٥٧٠ ريال

- اذا زوجتك بتدرس لغة او جامعة عيالك لازم تدخلهم حضانة واسعارها تتراوح من ٥٠٠-١٠٠٠ دولار للطفل حسب الولاية والمدينة وهذي بتدفعها من جيبك لان الملحقية تصرف لكل طفل مايقارب ٢٧٧ دولار شهريا فقط

-يعني اذا مايهمك الراتب قدم عالجامعة لكن لو يهمك خلك بارامكو ابرك لك بينما في الشركات تكسب خبرات بعدة اقسام وتترقى وتكون نفسك بسرعة وويمديك تبني بيت العمر ان شاأ الله

- شغلة ثانية ارامكو سمعت فيها ابتعاث انت تطلبه لكن بشرط ماتطلب ترقية بعد ماتنهي الماستر الا اذا هم عرضو عليك البعثة من نفسهم بيرقونك

أخوي أنا أمر بنفس التجربه انا الان موظف في شركة و جاتني وظيفه اعاديه ؟؟

انا محتار بينهم نصيحتكم لاهنتم