مساعدة رجاء ساعدوني .. معيدة

ماعندي خلفيه بهالجامعتين

بس الله يوفقك يارب وييسر امرك

سان انتونيو جدا جميلة والكل يمدحها وماعتقد ذاك الغلآ ، انديانا بولس لابأس بها لكن لو تبغي نصيحتي روحي للاولى
بالنسبة للجامعات ومعاهدها بهالمدينتين مقدر افتيك صراحة لاني ماعرف عنهم



اولا اسألي جامعتك هل بيبتعثونك بقبول لغة فقط او لازم قبول مشروط من جامعة
اذا قبول لغة فقط ادخلي موقع المعهد وعبي الابلكيشن واختاري الموعد المناسب لبدء الدراسة

واذا قبول مشروط من جامعة
تراسلي المعهد والجامعة انك تبغين قبول مشروط وتدفعي رسوم الابكليشن وتنتظري القبول


مع العلم لازم تدخلين موقع الجامعات الموصى بها عشان تتأكدين جامعتك مغلقة او لا
بالنسبة للمعهد اذا توك مبتعثة يتغاضون عن سالفة التكدس لكن لو كنتي داخل امريكا
وتبين وتنقلين من معهد لاخر مارح يسمحون لانه متكدس او مغلق
معروف حتى بالجامعات المغلقة احيان يتغاضون الملحقية او جهة عمل اعضاء هيئة التدريس

نعم يقدر يدرس ع حسابهم من البداية ويعطونه لغة مايقارب سنتين لو اضطر ، لكن يكون بعلمك ان الشروط الجديدة تعقدت شوي اول كان مجرد مايدخل المرافق الجامعة
يفصلونه كمبتعث مستقل ويصرف له مكافاة مبتعث كاملة 1847 دولار ، ولكن حاليا هناك شرط هو انهاء 75٪ من مرحلته الدراسية
فمثلا نقول خطته الدراسية للبكالوريوس 100 ساعة لازم يخلص 75 ساعة عشان يفصلونه كمبتعث مستقل

انا وجهة نظري ويمكن غيري يتفق معي انه عادي مهي قضية يقدر المبتعث ومرافقه يمشون امورهم ب 3500 شهريا لانهم اذا فصلوه بتكون 300 دولار زيادة عالمكافاة
لكن المصيبة هي في حالة انك انهيتي الماستر مايخلونه بامريكا يكمل دراسته زي النظام السابق يعني بيرجعونه معك الا اذا جبتي قبول دكتوراه ودرستي يخلونه يكمل
الباقي من بعثته للبكالوريوس


لما توصلون بالسلامة وتفتحين حساب بنكي راح تنزل لك بحسابك مكافأتك + مكافأة المرافق تقريبا = 3500 دولار شهريا
وبالسعودية ينزلك نص راتبك الاساسي + بدل بس مدري وش بيكون لانه يختلف من جامعة لاخرى عموما يتراوح اللي ينزل بحسابك السعودي بين 3000-5000 ريال شهريا

تنبيه : احيان الجامعة تغلط وتنزل لك راتبك كامل ببلد الابتعاث لفترة 3 او 6 او 10 اشهر او سنة ويمكن اكثر ترى بيخصمونه من رواتبكم بعدين شهريا حول 1000 ريال
انا صارت معي وزميل لي نزل له راتب اكثر من سنة ونص كامل وهو مبتعث والحين صارو يخصمون منه