استفسار مقابلة شخصية لوظيفة معيد :$ الله يسعدكم

وعليكم السلام ورحمة الله وبركاته

أوﻻ : ثق بالله ثم بنفسك فالثقة أهم شيء
ثانياً: عدم الارتباك في الإجابة على الأسئلة الموجه لك .
ثالثاً: حبذا لو تعمل سيرة ذاتية تصف مؤهلاتك ودوراتك ومهاراتك الشخصية.
رابعاً: الحضور قبل الموعد بوقت كافي.
خامساً: الالتزام بحسن المظهر .
سادساً: بعض الأسئلة التي من المتوقع توجيهها لك كالآتي:
- عرف بنفسك هنا ( تذكر نبذة بسيطة عنك وعن مؤهلك العلمي وبعض بياناتك الشخصية)

اسئلة بالتخصص يمكن تجيك..
أسئلة عامة ..
حاول تتابع فيدوهات باليوتيوب . وهنا يوجد موضوع كيف تجتاز المقابلة الشخصية. ان شاء الله يفيدك
بالتوفيق

وعليكم السلام ورحمة الله وبركاته
ربي يوفقك ويجعلها من نصيبك ويبارك لك فيها

هذا رد لي في موضوع خاص عن المقابله الشخصيه

بسم الله الرحمن الرحيم
راح اقول لكم نصايح وتوجيهات من خلال تجربتي في الإختبارات والمقابلات للتوظيف والإبتعاث طبعا ان تربويه فالوظائف اللي قدمت عليها اكاديميه في الجامعه
حتى بإذن الله تجتازون الإختبار وتجتازون المقابله بدرجات عاليه وتكونون من اوائل المقبولين بإذن الله

اولا بالنسبه للسيره الذاتيه اطلعوا على النماذج الموجوده على النت واكتبوا مره ومرتين وخلوا شخص له خبره او كبير يقرأها ويعطيكم رايه فيها
انا مره كتبت سيره ذاتيه اول مره وعلى عجل وكانت الجامعه طالبه فقط السيره الذاتيه والوثيقه يعني لاتوصيات ولا درجات ولا شي فالجامعه ماردت علي وتواصلت مع غيري
المره اللي بعدها بعد كتابه وتنقيح وتعديل وصادف ان الجامعه نفسها اعلنت وظائف ونفس الشي طالبين سيره ذاتيه والوثيقه بعد اسبوعين اتصلوا علي يبغوني اروح اختبر واسوي المقابله بس مارحت ربي يعوضنا


ثانيا/الإختبار
التوكل على الله والثقه بماعنده والدعاء ودعاء الوالدين
#/الإستعداد للإختبار ويفضل يكون قبل بوقت كافي حتى تكونون ملمين بكل المعلومات عن التخصص وتسترجعون المعلومات المهمه
(الحذر من التأجيل قبل الإختبار بيومين)
حتى مايصير توتر وارتباك ويتشتت الذهن
حاولوا تبحثون عن مصدر او كتاب تحسونه شامل او يغطي اجزاء كبيره من التخصص اللي مقدمين عليه
واحتمال كبير تحتاجون اكثر من كتاب وركزوا على الأساسيات (نظريات قاعدات خطوات علماء اسس خطىوات البحث العلمي وغيرها)

#/حددوا جزئيه تدرسونها كل يوم بعد الدرسه خذوا بريك بعدها افتحوا النت وابحثوا عن نماذج اختبارات في نفس التخصص مثل اختبارات ماستر او وظيفه واطلعوا عليها وحاولوا تحلونها بنفسكم واطلعوا على الإجابه)
#/ تعرفوا على المؤسسه اللي مقدمين عليها وتاريخها رؤساءها وانجازاتها ودورها في المجتمع)
#/بعض الإختبارات تطلع من الماده والتخصص الى مسائل حسابيه وقواعد لغه عربيه وانجليزيه احيانا ومعلومات عامه دينيه ووطنيه عامه وبعض المعلومات عن دول العالم والمنظمات والأحداث الجاريه والتطورات) وخاصه اللي لها علاقه بالتخصص

يعني مذاكره مذاكره مذاكره واطلاع بتركيز

والمراجعه ضروريه
بالنسبه لنمط الأسئله توقعوا كل انواع الأسئله موجوده واحيانا يكون السؤال اكثر من جزئيه ركزوا عليها (في الغالب يكون الإختبار موضوعي واذا وجد مقالي غالبا ما يكون مفتوح مثل اذكر رأيك الشخصي ويترك له صفحه هذا تكتبون فيه ماتجود به انفسكم بس ضروري ترتيب الإجابه والأفكار اللي تحتويها حتى لو شاف الدكتور اجابتكم يعرف انكم اشخاص منظمين عندكم قدرات عقليه ممتازه)

٣/المقابله الشخصيه
اولا المقابله الشخصيه. في اغلبها تركز على السمات الشخصيه للمتقدم
وخاصة الثقه بالنفس والإتزان الإنفعالي والقدره على ضبط الإنفعالات وسرعة البديهه والقدره على إخراج النفس من موقف محرج او مشكله
اولا قبل المقابله
جهزوا نفسكم ونفسيتكم
جهزوا ملابسكم (رسميه)البنات مهم اللوك رسمي والميك اب مو مبالغ فيه والإكسسوارات

جهزوا شهاداتكم واوراقكم وحطوها بملف بشكل مرتب
جهزوا تعريف عن نفسكم وتوقعوا بدرجة كبيره ان هذا يكون اول سؤال يوجه لكم
عرفوا بنفسكم بطريقه غير تقليديه ابتكروا طريقه تكون كويسه ومو مبالغ فيها وفي الأعمال او المشاريع اللي سويتوها (عدم الثقه الزائده عن حدها والمبالغه في المدح)
وحطوا في بالكم ان كل اجابه تجيبون عليها لجنة المقابله تشتق منها سؤال فجهزوا نفسك وجهزوا الكلام اللي راح تقولونه
جهزوا السيره الذاتيه واقرأوها كويس لأن احتمال كبير تسألون منها

جهزوا تعريف بنفسكم باللغه الإنجليزيه واحفظوا اسم تخصصكم بالإنجليزي
الكلام الضروري واللي تحسون انه ممكن يرفع امكانية قبولكم مثل مشروع سويتوه او عمل معين جهزوه ورتبوه خطوه خطوه

كونوا مطلعين وملمين بكل اساسيات التخصص والأشياء المهمه فيه
نقطه مهمه (ابحثوا عن الجديد في تخصصك على مستوى العالم )
اطلعوا على احدث
الدراسات الأجنبيه والعربيه المتعلقه بالتخصص ويفضل الأجنبيه لأنها أحدث وعلى التجارب العالميه الحديثه في مجال التخصص
احفظوا اسم موقع اجنبي يكون مرجع لبحوث ومعلومات تخص المجال اللي انتوا مقدمين فيه لو طرحوا عليكم سؤال مثلا كيف تتابع الجديد قول /ي مثلا الموقع الفلاني جيد واتابعه وفيه الأشياء الجديده وآخذ منه معلومات ممكن تفيدني في الماستر او يمكن ان المعلومات هاذي تثير عندي اسئله معينه احب ابحث فيها والذي منه

ايضا تابعوا الأخبار والأشياء المستحدثه والأحداث الجاريه
في مقابله لوظيفه معيد سألوا طالب ايش الأحداث الجاريه وكيف تستفيد منها لتطوير البلد والتعليم؟
انتوا قيسوا السؤال على تخصصكم

ضروي تقرأون كتاب واذا كنتوا أشخاص قارئين هذا شي كويس ممكن تسألون عن آخر كتاب قرأتو ومؤلفه ورايكم فيه
ايضا ممكن تسألون عن آخر كتاب قرأتوه في تخصصكم هل قديم او جديد ويفضل يكون جديد اصدار السنه او السنوات الأخيره

ونفس الشي اقرأوا عن الجهه اللي انتوا مقدمين لها تاريخها انجازاتها رؤساءها دورها في البلد اهدافها وسياستها وتعرفوا على اقسامها وطبيعه العمل فيها وخاصه القسم اللي تتوقعون انكم راح تتعينون فيه طبيعة العمل ومتطلباته وكيف تطورونه وتطورون الجهه اللي انتم مقدمين لها وايش راح تقدمون لهم

في سؤال ممكن يطرح عليكم ليه اخترت هذا التخصص والشركه؟
لو عدت من البعثه وعرضت عليك شركه اخرى العمل فيها براتب اعلى ومميزات اكثر ايش راح تسوي؟
كيف تستفيد من البعثه؟
مين من الشركات العالميه او الأجنبيه اللي تشبه هاذي الشركه في العمل ؟وكيف نستفيد منها
كيف نجعل الشركه تنافس الشركات الأجنبيه؟
تعرف جامعات عالميه مستواها قوي في التخصص اللي انت مقدم عليه ؟


في اسئله مهمه وهي الأسئله اللي تبدا بماذا لو؟ هاذي الأسئله تقيس مستويات عليا من التفكير واجاباته توضح مستوى وطريقة تفكير الشخص وقدرته على التعامل مع الناس واتخاذ القرارات وحل المشكلات هي اسئله تفترض حدوث مشكله او موقف يخص العمل او البعثه او التخصص او التعامل مع الموظفين وتتطلب اجابه مقنعه وسريعه
مثلا ماذا لو قررت الشركه تغيير تخصصك او تغيير مكان عملك ؟او حدث عطل في جهاز معين يؤثر على بقيه العمل وغيرها

في اسئله تتكرر كثير
مثال عرف بنفسك؟ايش اشتغلت بعد التخرج ؟كيف طورت نفسك؟ليه اخترت التخصص والشركه ؟ليش حاب تطلع بعثه؟كيف تطور الشركه وايش راح تضيف لها؟ ممكن سؤال عن معوقات او صعوبات متوقع انك راح تواجها في العمل مثلا لو كان العمل في منطقه بعيده جدا عن السكن
ماتحس ان الوظيفه هاذي (اللي انتوا مقدمين عليها)ممله؟ او ماتناسب طموحك ؟يحتاح هذا السؤال كميه من الموازنه بين مدح الشركه وتطلعاتك وكيف ان الشركه تناسب تطلعاتك
ايش نقاط قوتك وضعفك؟(لاتصرح بنقاط الضعف حاول انها تكون في صفك مثلا انا حريص جدا على تطوير نفسي وتحقيق طموحي وهذا شوي مسبب لي قلق

ايش تشوف نفسك بعد عشر سنوات؟(هاذا سؤال تكون اجابته عن طموحك ايش تبغى توصله والأفضل انك تبين لهم انك شخص طموح وماتحب تتنازل عن احلامك)


ايش البرامج الحديثه اللي تتقنها في الحاسب وكيف توظفها في عملك؟
ايش رايك بمواقع التواصل وكيف اسهامك فيها وهل تتوقع ان ممكن تفيد عملنا وكيف؟
كيف مستواك باللغه؟(حدد مستواك الحقيقي لأن ممكن يسألونك باللغه الإنجليزيه بناء على مستواك)
كيف طورت لغتك؟

كل هذا بالإضافه الى قراءه التجارب الموجوده على النت وسؤال اللي مروا بالمقابلات
بعد كذا تدربواعليها بشكل تخيلي ('هاذي استراتيجيه مفيده تحقق نتائج مرضيه بإذن الله)
تخيلوا اللجنه قدامكم وكيف راح تجاوبون واذا في شخص له خبره او امك ابوكم اخوكم الكبير دكتورك بالجامعه وتقولون اجاباتكم اللي انتوا مجهزينها له وتسألونه عن رايه فيها يكون افضل ممكن ينبهكم لشي اويضيف لك شي)

نقطه مهمه جدا(غالبا ما تحاول اللجنه استفزازكم حتى تشوف ردة فعلكم فأضبطوا اعصابكم وحاولوا يكون ردكم عقلاني )

احيانا تشوفون شخص في اللجنه ساكت ويناظر بسلاتخافون هذا في الغالب يدرس لغة جسدك (ها انت متوتر متردد متضايق من تعابير الوجه وحركة اليدين والقديمن)

في يوم المقابله خليكم متزنين مع هدوء واسترخاء مو متوترين احرصوا على النظافه من جميع النواحي(الملابس الجسم ……
استخدموا عطر هادي مو قوي واحضروا مبكر ويفضل يكون معكم نت لأن في الغالب ماتكون في اسئله تتكرر على المتقدمين فلو اللي قبلكم سأل سؤال وماعرف جوابه وطلع وقالكم فالنت ضروري حتى تبحثوا عن اجابه السؤال
الإبتسامه والسلام على اعضاء اللجنه والجلسه الصحيه(مو رجل على رجل) ووزعوا نظركم عليهم كلهم

عموما المقابله تحسون في بدايتها شوي توتر وسريعا يزول مع الإندماج مع اللجنه واجابتكم على اسئلتها


المهم في هذا كله ان الأمر بيد الله فأسألوا الله من فضله وأسألوه التوفيق والسداد
توكلوا عليه ولن يخيبكم
الله يوفقكم ويتمم عليكم كل الإجراءات وترجعون بأعلى الشهادات
هاذي خلاصه تجارب اللي مريت فيها هذا اللي عندي ويارب يفيدكم
عذرا على الإطاله

وراجع هذا الموضوع بإذن الله راح تستفيد

http://www.mbt3th.us/vb/forum208/thread468192.html