قائمة احتياجاتك قبل السفر check list

The Financer
خذ معك كتب أدعية وأذكار يعني تكون صغيرة ممكن تشيلها في جيبك

الله يعطيك العافيه يابطل

جزاك الله خير نبهتني على اشياء كنت غافل عنها
الله يوفقكـ وترجع بالدكتوراه إن شاء الله
تحياتي ...

لاتنسي ياخوي

القاموس الاكتروني - وكمان اغراض النظافة الشخصية من منشفة جسم وكريمات وعطور ... الخ

بالتوفيق يالغالي ..

يجزاك ربي خير

لي عوده بحول الله

جزاك الله خير أخوي

الافياش الدوليه الي لها كم راس مهمه جداً
شاحن جوال
بوصله لان اوقات تكون السحاب مغيمه عليك ولا يكون وصولك الليل او الفجر زي ماصار لي
اول يوم صليت على النيه وثاني يوم صليت اتجاه مدري وشو ماله دخل
واليوم الثالث ان شاء الله اني صح وحتى يوم رحت مدينه ثانيه في البدايه كنت متردد لان حولي اشجار والسحاب يجي ويروح

واذا انت في الجامعه او مطار او اي منشاه بتروح تطلع تناظر الشمس وتعود تدخل ؟؟

السجاده دورو اخف سجاده الي من بلاستيك عشان ماتاخذ حيز

قران صغير .. كتيب او ورقه للاذكار
معجم الكتروني او ورقي يفضل اللكتروني للنطق

السوائل ماتقدر تاخذ معك شيء ممنوع الحين يعني مالك الا تعرف اساميها وان وصلت تشتريها

بساكيت خمسه ولا اربعه عشان تنقنق عليها اول ماتوصل لاتقول بدبر عمري ومابدبر عمري
وصلت اخر الليل وش تسوي وانت مامعك سياره وجديد على المنطقه ؟؟

ادوات تنظيف زي ماقالو اعواد اذنين مقص اظافر لزقتين جروح لاتكثر
بندول فرشة اسنان مناديل جيب مناديل معطره مشط

شرابات عدد 5 كويس
الملابس لاتضف كل دولابك لانك بتتمرمط في تسحيب الشنط فخذ لك كم بنطلون وكثر تي شيرتات
بس موب تجيب 20 حبه 6 او 7 اشوف انه ممتاز

لان ترى الي في دوله اجنبيه ويلبس ملابس فخمه ولا كل يوم لبس يقولون هذا كاش ويكون عرضه للسرقه

قلم رصاص وحبر بتحتاجها في الطياره القلامه لين جيت تعبي البيانات
ورق نوت صغير اذا بتسجل ارقام او عناوين ان وصلت

بطاقة صراف دوليه (( يكون عليها شعار دولي فيزا او ماستر كارد ))
تمشيك الى ان تفتح حساب في الدوله الي بتروح لها

جهاز جوال تاكد انه يشتغل في امريكا او ان حط في بالك اول ماتوصل المطار تدور مكان يبيع اجهزه
بس يفضل انك تاخذه معك وتكون معمم الرقم فيه اكثر من واحد اعرفهم شرو اجهزه جديده ولا تهنو فيها لانها
ماتشتغل في امريكا واتوقع كلهم نوكيا

مبلغ نقدي كاش بس لاتكثر لانك بتنكب فيه خل معك شيء تسليك وحاول تخلي هذا المبلغ على عدة فئات
يعني 500 ورقتين
100 خمس ورقات
50 عشر ورقات
10 عشرين ورقه

انا اتكلم عن هالنقطه في امريكا لاني جربتها وعايشتها
فيه كذا واحد يقولي مره طلعت فلوسي عملات ورقيه وكانت 100 وخمسينات
وقاله الي يبيع اوووه يو هاف مني مني يعني ليدك الكثير من المال فتكون محط انظار
وعرضه للسرقه

تاكد من الاحوال الجويه انت بتروح في برد ولا حر اذا حر مقدور عليه يمديك تشتري جكيت ان جاء موسم الشتاء
بس اذا شتاء عد العده لاتصير زي بعض الناس مهبل السماء تثلج وهم لابسين بلوفر ونص كم

حاول تدبر سكنك قبل ماتوصل واحد يستقبلك في المطار
واذا مافيه احد اعرف العنوان الي تبي تروح له اول ماتوصل

حاول تقراء معلومات عن البلد الي بتروح له والاماكن السياحيه فيه عشان ماتكره البلد اول ماتوصل

ايه صح بالنسبه لامريكا مدري عن الدول الثانيه بخصوص دوراة المياه وانتو بكرامه
ترى مايعترفون برشاشات المويه شغل مناديل حتى ان الارضيه مافيها غرفة تفتيش

(( البعض يستخدم الشور للتنظيف \\ شرا له بريق الي يسقي الزرع صغير \\ وفيه الي شرا له رشاش يشبك في المغسله \\ وفيه الي جاب معه غضاره \\ وفيه الي يستخدم قوارير المويه البلاستيك ))


هذا الي في بالي الحين ..

الله يعطيك الف عافيه وفيت وكفيت

بس جا على بالي للبنات
كثرو حجابات لان ماتعرفي اذا نلقى هناك ولا
والله يعينكم
ولا تقصرون بالملابس الساتره لان هناك قلما تجدونها يابنات
وبالتوفيق

وإياكم وجميع الأعضاء والعضوات ..