هذا ماحصل لي بالمطار

اسلوووب تشووويق
اعطيتنا الموجز باقي النشره يالله بسرعه ننتظرررررر

الله يستر من اللي جاي شكلك ماتعبت من شي بسيط

السلام عليكم/
اخواني الاعزاء تكملة لماذكر سوف اوافيكم بماتبقى واعتذر للاطاله.....
المهم ركبان الطائر البريطانيه من الرياض متوجهين لبريطانياء الطائره البريطانيه حلوه وكان عددالركاب قليل شوي وبعدالاقلاع طالعت بالكراسي الي بجنبي ماحدفيها ناديت المضيف واستاذنت منه قلت بنام قال عادي ومن التعب نمت لين وصلنا بريطانيا نزلنا واتجة للبوابه رقم 36للرحلات المغادره وركبت الطائره البريطانه المتجه لسياتل وبعد صعودي للطائره لاحضت احدالشباب الخليجي واثناء جلوس الركاب اماكنهم قالي ياتجيني او اجيك واستئذن من الي بجنبي وجلس وجلسنا ندردش شوي واتضح لي انه شاب كويتي المهم الرحله طويله جدآ.انانمت بس موذاك النوم كل شوي صاحي وجا موعد وصول الطائر وقبل الوصول بحوالي 3ساعات عطونا ورقتين نعبيها وهذي الاوراق مهمه جدآ ولزم انك تتحرى الدقه في تعبيتها وفيه ورقه منهن تنقسم لنصفين نصف يبقى عندهم والنصف الاخر يدبسونه بجوازك لغاية ماتجي تسافر واذا ضاع تعرض نفسك للمساله ولمشاكل انت في غنى عنهاعلى ماسمعت .
المهم وصلنا مطار سياتل سلمنا اوراقنا واثناء الاجرات بصم اصابع يدي اليمين وكذالك اليسار مع بصمةالعين وبعدها خذني العسكري معه لمكان ثاني وقالي اجلس على الكرسي وهاتك تحقيق وعطاني ورقه اعبيهاومضمونها وش سبب جيتك لامريكاء _كم عمرك_وش لون عيونك_كم عمر والدك_وين يشتغل_كم عدداخوانك واخواتك_فيه احد تعرفه هنا_معك اي اثبات سعودي_وش اسم والدتك_كم عمرها_معك بطاقة فيزا سجل رقمها_.
وشوي ويرحمني ربي ويتعطل نضامهم وقالي انتظر واثناء الانتظارجابو خويي الكوييتي ويخلونه على كرسي هناك ويستلمونه تحقيق واثنا انتظاري جاء شاب سعودي وقالي ودوك للغرفه الي هناك قبل التبصيم قلت لا قال احمد ربك قلت وش سويت قال الله لايوريك انوع التحقيق والاسئله البايخه وبعدها جابوني هناء قلت له اصبر مابعد شفت شي بيمرمطونك هنا اصبربس وبيجي دورك لاتستعجل على رزقك وبعدها جاني العسكري وقالي انت خلاص رح استلم عفشك اووووووووه انا ابسطة قلت خلاص اخيرآ نزلت واخذت الشنط حقتي وحصلت عسكري قال انت من وين قلت من السعوديه
قالي تعال من هنا واثناء سواله لي جته عسكريه معها ورقه وقراها وقالي حط شنطك هنا قلت انا ما اعرفEرفع سماعة التلفون وخل شخص يترجم اتوقع انه سوداتي وقالي انهم راح يسالونك كم سوال ويفتش الشنط بعد اذنك قلت اوكي قالي معك اكل قلت لا معك موادحاده قلت لا قال معك اجهزه الالكترونيه غير الالب توب قلت لا كم معك كاش
وقام يسال اسئله والله من التعب والقرف مدري مش فاكرها المهم بعدها قال افتح الشنط
وفتحت اول وحده وشرحت له بالي جادة به نفسي قلت هذي الملابس وهذي كذا وهذي كذا المهم طلع اعزكم الله الجزم ومعها كم كيس شاف وش فيها وحطها بجنب الشنطه
وقال يالله رجع اغراضك وافتح الثانيه انا اثناء التفتيش كنت اتذكر ام رواف الله يخليها لي يوم انها ترتب الشنط وترتب الاغراض فيها بكل دقه وكانت تشرح لي هذا كذا وهذاكذا وهذاكذا واتذكر رواف الله يصلح قلبه كان عند الشنط يلعب ماكان يدري ان باباء بيسافر اهاااااااااااااااااااااااااااااااااااايارووووووووو ووووووووووووواف.
المهم قلت للعسكري وقتها من القهر لا انت الي طلعتهن رجعهن قال اوه سوري سوري وقال خلاص روح لاتفتح الثانيه كذا انبسطت وخذيت شناطي وحطيتها على سير ثاني قالو اطلع مع البوابه هذيك واطلع مع الباص واستلم شنطك هناك المهم وصلت عند الشنط وجيت باخذ عربيه قالي2دولار عطيته الي معي قال لا لازم تصرف انا ماعندي صرف رحت اصرف من ستاربوكس وخذيت من عنده هوت شكليت ورحت واستلمت الشنط وانا في طريقي متجه لبوابة الخروج اسمع صوت من بعيد ينادي باسمي سويت نفسي مااسمع فكرة الصوت بيروح الاالصوت يزيد ويقرب مني ويحط يده على كيتفي بقوه والاتفتت عليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟..................... ......
اعتذر للاطاله وللحديث بقيه..........
واتمنى التوفيق للجميع وعذرآ للاطاله

^^^^^

الحمد لله على السلامة .. ماجور إن شاء الله

مين يا ترى إللي ينادي عليك من بعيد ,,, أعز أصحابك يمكن

الجزء إللي متحمسة له (العائلة والهريبة)

ننتظر الحلقات المفقودة

بالتوفيق أخوي

تحيتي أختك ع ـــــــاطلة

قصة مشوووووووووووقة ...

ننتظر البقية ...

.
.
.
آولاً حمداً لله على السلامه ..ّّ
والف لا بأس عليكـ .. طهور ان شاء الله ...
.
.
بس ما قلت لنا الشاحن وصلك ـ ولا لا ...
بأنتضار معرفه الرجل الي نادى بأسمكـ

<< متابعهـ بحمآس...

الحمد لله على سلامتك

وننتظر الحلقة الاخيرة

1- مشكور على النقل الحي لأحداث السفر والحوسة اللي مع كل سفر ندخل فيها

2- دعائي لك وللجميع بالتوفيق والسداد ( كن مع الله دائماً )

3- شي حلو جداً إنه مافي دعايات خلال روايتك للقصه

4- القصة من كثر ماهي مشوقة .. الكل منتظر نهايتها

5- نهاية الحلقة الثانية كانت مشوقة للغاية ولكن ينقصك ترتيب الأحداث وسردها بشكل مفصل أكثر

6- لاتنسى ترفع لنا كم صورة لك ولمن حولك عشان ندخل ( جــَــــو )


نسأل الله التوفيق والسداد

<<< مسوي نفسه ناقد فني تبع المسلسلات

حبيبي .. بتكمل القصه ولا اجيك سياتل اتفاهم معك << جاه شد عضلي بمخه من كثر ماهو متحمس للنهايه

شغل باب الحاره وكل يوم ينهون الحلقه على شي حماس مانبيه يتكرر ..

يالله كمل والله يوفق رؤوف ولا بختطفه

ننتظر الباقي ..

عفواً

وش إسم المسلسل

لاتقول لي القصة من مسلسل تركي الله يرحم والديك

الله يرحم والديك لا تحرق علينا الفلم



ماشاء الله عليك والموضوع