بإذن الله سأكون على رحلة الخطوط القطرية الدمام -- الدوحه -- واشنطن .. يوم 15 ابريل انا وزوجتي الغاليه...
فيه احد معنا ؟؟
ناويها1984 April 7th, 2010, 11:02 AM
7 " الله كريم
انا بدي على الخطوط القطريه يوم 24 ابريل ان شاء الله
بس كيف الطريقه الى تراسل فيها الملحقيه عشان يعرفو بقدومنا
شاطي الاحلام April 7th, 2010, 04:14 PM
7 " السلام عليكم
انا رحلتي انشاء الله يوم الاحد 12 ابريل عالخطوط القطرية
بس حبيت اسأل احنا معانا التذاكر بس البوردينج متى لازم نقطعو ؟؟
ياريت اللي عندو خلفية يجاوبني لانو الموعد قرب
uhood April 9th, 2010, 04:58 AM
7 " من جددددد مالكم في الخطوط السعوديه,, مدري بالنسبه لي لما الشرقيه قريبه من بوظبي فا طيران الاتحاد ممتاز كا مسار رحله
وطيران محترم ماعليه كلام ,,, عادي اذا عندك امر اركاب تحجزين على اي خطوط مو شرط على السعوديه بس رتبي وضعك انك تروحين للمحلقيه , عاد انا مارحت لهم اول ماوصلت مو لازم التعب والشقا صحيح تخلصين اجراءاتك في يوم لكن تحملي مسار الرحله والانتظار
بالتوفيق للجميع
مفهي April 9th, 2010, 11:36 AM
7 " للاسف طلعت على الخطوط القطرية يوم ٤ابريل
وكانت اسوأ رحلة لي على الاطلاق !!
ايش صار؟!
طلعنا من مطار الملك فهد بالدمام يوم ٤ على الدوحة و واللي نصحنا موظف الخطوط اننا نبات فيها ليله اريح لنا خصوصا انو الفندق راح تحجزه لنا الخطوط القطرية على حسابها لانها ترانزيت اكثر من ٨ ساعات
سألناه عن حجز الفندق كيف ندفع شي من هنا ولا نحجز احنا قال ابدا هم مجرد ماتوصلون وتورونهم التذاكر يودونكم الفندق
بعدين حاجه ثانيه
كلمه زوجي عن وضعي اني حامل وبالشهر الثاني ورحله طويله مثل هذي لازم آخذ مقعد اللي في المقدمه (مقاعد تكون خاصه للي عندهم احتياجات خاصه فيها مساحة اكبر ) وعطيناه التقرير الطبي وكيف انو وضعي حرج ،الخسيس رفض وقال ماله داعي مافيه مشكله تتحمل اصلا الكراسي مليانه
توكلت على الله واخذت مقعد عادي
وصلنا الدوحه وعلى اساس انو بنلاقي احد ياخذنا للفندق رحنا كلمنا الموظفين قالوا : من قال لكم؟؟ اصلا لانكم مادفعتوا للمكتب من قبل لازم تدفعون من هناك !!
طبعا قعدنا ندور فندق والوقت كان ٢ الليل ومعنا طفل وتعبانين ماهو وقته هالمشكلة واخذنا في الموفنبك
ماسوى علينا اللي دفعناه دخلناه ٢:١٤ وطلعنا ٦ الصباح بس يله الواحد كان يبي يرتاح
المطار كان جدا زحمه وحاله لاتوصف
(طبعا عربية الطفل اخذوها مننا في مطار الملك فهد قبل لانطلع الطياره وماراح نستلمها الا في مطار واشنطن يعني تخيلوا الوضع مع طفل هايبر اكتف )
وصلنا التفتيش قسم بالله كرهت الساعه اللي قررت فيها اطلع بعثه !!
هنود تعاملهم زفففت
اغراضي حتى القلم اخذوه !!
ويصرخون عليك كأنهم لاقين معك متفجرات !!!!!
الوضع في الطياره:
طياره جدا زحمه مرصوصه مقاعدها ورا بعض ماتقدر تتحرك وهنود ياربي رحمتك
حتى المكيفات هواها حار الجو مخنوق
دورات المياه اعزكم الله تشوفونها تقولون اقعد ١٤ ساعه ولا ادخلها !!!!!!
المضيفين ولا يعبرونك واذا كلموك كانك تشحذ منهم
وجبتين فقط طوال الرحلة الوجبه يوم كلناها جتنا نزله معويه
الكافي مرتين فقط
وتكرموا علينا عطونا ايس كريم تاكلون منه ملعقه تعافون حياتكم
واللي قهرني انه مقاعد الل طلبتها حقت الاحتياجات الخاصه لقيتها مليانه شباب مافيهم الا العافيه !!
وكان قدامنا امريكيين مرتابين في وضعهم من البدايه اشكالهم مب طبيعيين ينافخون من حطوا رجولهم على الطياره
وطول الوقت يقربعون من هالخمره
ولدي صار يتحرك وبدا يتكلم بصوت عالي قام علينا اللي قدام شوي ويمسك الولد ويمسح فيه القاع!!
ولمن كلمنا المضيفين انو لاعاد تعطونهم شراب او تغيرون مقاعدنا قاموا ينافخون وانه مالكم حق تغيرون مقاعدكم ومالكم حق تمنعون الرجال من اللي يبي
طيب وبعد مثل ماتعرفون مقاعد السياحي يادوب ترجع ظهر المقعر ٥ سم ، اللي ورانا مو راضين يخلونا نحني مقاعدنا بحجة اننا نضايقهم !!
اقسم بالله كنا في حاله جدا سيئه
وتخيلوا متى اعطونا فورم i94 قبل ربع ساعه من الهبوط
ومع انه زوجي حافظ الفورم من قبل مثل اسمه بس مع الحوسه والناس اللي تروح تنزل شناطهم عشان يطلعون جوازاتهم والمطبات الهوائية ويعبي حق ٣ اشخاص ماخلص الا والطيارة توقف محركاتها!!
لمن وصلنا واشنطن واستلمنا عفشنا عربية الولد مكسوره ما استفدنا منها
الشناط الوحده بهذيك القيمه خلاص ناخذ اغراضنا منها وبعدها في المحرقه محد يقدر يستفيد منها
بصراحة انا ما اسب القطريين بالعكس كانوا جدا خلوقين ومتعاونين لكن عتبي انهم اعتمدوا على هالجنسيات لادارة مطاراتهم
اللي لو شافوا الكلب اعزكم الله كان عاملوه افضل منا
ما اقول الا حسبي الله ونعم الوكيل
طيب لمن جينا نطلع من واشنطن على مدينتنا
مثل ماتعرفون اجراءآتهم في التفتيش ومع انهم دخلونا التفتيش الذاتي حتى شناط العفش طلعوها وفتشوها والله حسيتهم محترمينا اكثر من اللي قبل
shiny star April 9th, 2010, 01:51 PM
7 " ^^^^^^^^^^^^^
مالنا إلا الإستخارة والله يقدم لنا الصالح يارب
مرررررررررره كلامك يكئب
أهم شئ سلامتك وسلامة حملك وولدك والله يعوضكم خير يارب
نارالمستحيل April 9th, 2010, 01:58 PM
7 " 
LinkBack URL
About LinkBacks
دراستي بـ 1 جون
وباحجز ان شاء الله ع 18 مايو بس مااعرف ابحث ولا ازين شي
وافضل ياقطريه او اماراتيه ..
بس سمعت ان الاماراتيه تروح لنيويورك ونيويورك معروفه بشده التفتيش
وش الوضع يآجمآعه
تراني من جنبها باللغه وبالحجز والفله هذي
علمونآ وش نزين الان وافيدونا بروابط لاهنتم :$