April 9th, 2010, 07:53 AM
مساء الخير كيفكم ان شاء الله تمام
الحمد لله وصلت هنا بتاريخ 31 مارش رحلتي راح تكون بنقاط .
* اقلعت من الرياض الساعة 8 الصباح يوم الاربعاء طبعاً كنت سهران ونمت في الرحله ,
اهم شي اول ما تجلس في المقعد تأكد من الشاشة شغالة صوت وصورة < لانه توهق ما اشتغل الصوت , المفترض الواحد ياخذ معه كروسان وبعض الحلوى , واحد كان بالطيارة جايب فصفص .
* فية نقطة مهمة للي ما يحب ينتظر حاول اول ما تهبط الطيارة تنزل اول واحد لانهم ياخذون
الطلاب لصالة لوحدهم . فتكون انت صفيت اول واحد عند الجوزات وتروح للصالة المخصصة للسعودين
اول واحد لان اي شخص يروح للصالة ياخذون جوازه فيكون دورك على حسب اللي سابقك , طبعاً النظام
عندهم بطيئ مرة " السيستم لما يضع معلوماتك وصورة بصمة يدك . وكذلك ممكن يكون موظف واحد او اثنين .
* طبعاً الاسئلة جداً سهلة وكلها راح تكون عارفها . المدينة اللي رايح لها , طولك , عمرك , ميلاد امك ربما ,
يبي ياخذ صورة لك وتحط اصبعك السبابة اليسرى اولاً بجهاز وكذلك السبابة اليمنى .< انا جالست ربع ساعة عندة سواليف 
* طبعاً بعد ما تخلص من الجوزات تروح تاخذ عفشك وتطلع وعند البوابة اذا كنت جاي على الخطوط السعودية راح تحصل
مصري معه لوحة كاتب الملحقية . ياخذك للفندق بما انني وكم شخص اخر ناس رحنا للفندق القريب من المطار .
سعره 86 دولار لليلة الواحد شامل الفطوروتدفع حق يومين واذا جيت تطلع تاخذ الباقي الخروج الساعة 12 الظهر سوها واجلس باللوبي لين موعد رحلتك عادي ترا . طبعاً وزع علينا المصري ملفات وبما انني على حسابي
عبيت الملف وصورت الاورق واهم شي صورة البطاقة الاحوال للرجل والمراة او بطاقة العائلة , بما اني المبتعثين
على الوزراة كانوا كثار صار الاجتماع بالفندق ., خلصت منهم بنفس اليوم اللي جيت فية الصباح جاء ممثل الملحقية وعطاني
الشخص المسؤال عني . كانت رحلتي الخميس الساعة 7 المغرب .
* طبعاً بالنسبة للعفش اللي يشووف نفسة عفشة ثقيل , يوزع عفشة على شنطتين < لان كان معي شنطة واحدة 35 كيلو قالت لى
ممثلة الخطوط اشتر شنطة وحطة رحت شريت بستين دولار . طبعاً لانني نسيت التيكيت اللى يثبت اني كنت برحلة دولية .
اللي اعرفة ان الرحلة الدولية اذا وريتهم البوردينق للرحلة الدولية يتغاضون عن الحمل الزائد , تراهم ناس طيبة مرة
في امكانية تتحاور معاهم ويتغاضون عن حملك .
* طبعاً بما اني سعودي في مطكار واشنطن الوضع عادي جدا بس التفتيش يفتشونك خاص , مع الناس وبالوسط فية غرفة تدخلها
يفتشون تفتيش يدوي , طبعاً لو معك بطاقة طالب كان ما فتشوك ولا شي . بس الجواز الاخظر مشكلة 
* المطار فية مترو يعني للي يبي يحس انه بيضيع فية لازم يجي بدري قبل رحلته . طبعاً جداً سهل مره معك رقم التكيت
حرف والحرف اللي مكتوب تبي تحصلة يا يمين او يسار فية لوحة بالمنتصف مكتوب عليها حروف اتبعها .
* طبعاً الرحلة من واشنطن الي تكساس " دلاس " جلست ثلاث ايام عند صاحبي هناك وطلعت من دلاس الي كاليفورنيا في سان برنادينوا , المدينة هادئة جداً وتحتاج سيارة 
طبعا الوضع هنا جميل وهادئ . طبعاً كنت اسسمع كلام يخليك تخاف سواء يوم موعد الفيزا او المطار فوجدت والله عكس ذلك . الحمد لله وما شاء الله وبدون والله واسطة او معرفة اخذت فيزتي بيومين فقط المقابلة يوم الثلاثاء ووجتني الفيزاء الخميس كان ليلة عيد . فوالله اللي يهول الكلام سواء بفيزا او مطار واشنطن كله بهارات سعودية افتقدها هنا اخطاء وقعت بها :.
* الفيزا والماستر ضرورية جداً هنا ما يستخدمون كاش قليل مرة . اتكلم على اللي رايحين على حسابهم , لان معهدى طالب
3 الاف دولار وتعرفون بطاقاتنا في السعودية ما تسحب اكثر من 5000 ريال اقل من المبلغ المطلوب .
* البهارات ضرورية لاني تندمت يوم الوالدة قالت خذ قلت ما احتاج لانى ما احب الرز , لقيت البهارات تستخدم في اشياء كثيرة غير الرز .
* الايفون راح تحتاج استخدماته كثيراً هنا ستعرف انهم فعلاً يشترون الشي ليستخدموه لا للزينة . طبعاً البعض يقول اشتري من
السعودية افضل . انا اشووف هنا افضل وارخص بكثير اقل من 900 دولار الجهاز .
* ساعة " خراشة " ضرورية للي مثلي نومة ثقيل نسيت اشتريها او اشتري ساعة الفجر على الاقل ..لاني انام الساعة 11 مساء ولا اصحى الا متأخر لي يومين
* لا تتردد ان تاتي بأي شي ترغبة وتتنازل عن الملابس < يبي فصفص من باجة وتمر وكليجا توفي . الملابس هنا افضل
وستجد في كل مكان تخفيضات كثيرة .
* نقطة قبل الختام وجدت شخص سعودي جاب له مكتب قبول وللأسف وقع ضحية كان قبولة بواشنطن وهي معروفة غالية مرة .
$$ الشعب هنا جدا جدا طيب ومبتسم ... سبحان الله هنا تجد تعامل ويحسسونك انك انسان ,,,
للأسف هم اخذوا اخلاق المسلمين
ونحن اخذنا اخلاق الجاهلية .
() مشتاق للوالد والوالدة وجلسه الاهل بعد المغرب ..
خالد يتمنى لكم التوفيق ومزيد من الانجازات على الصعيد العلمي والعملي والاجتماعي .
LinkBack URL
About LinkBacks
April 9th, 2010, 07:53 AM
مساء الخير كيفكم ان شاء الله تمام
المفترض الواحد ياخذ معه كروسان وبعض الحلوى , واحد كان بالطيارة جايب فصفص .
سواء بفيزا او مطار واشنطن كله بهارات سعودية افتقدها هنا