استفسار يوجد كسر بفخذي ومثبت بمعدن من حديد.. هل أواجه مشكلة في صالة التفتيش بالمطارات ؟

الحل ياطويل العمر المستشفى اللي سوا لك العمليه
يعطونك تقرير عن الحاله وبس ريح بالك
حتى لو رحت المطار راح يفتشونك ويتأكدون انك
مامعك شئ.

عاد مادري عن الاعضاء اللي عنده خلفيه يفيد اخونا

اخوي غريبة والله
انا عندي نفس المشكلة في الفخذ والعملية سويتها قبل خمس سنوات 16 مسمار والى الان موجود ولكن الاجهزة في المطارات ماتطلع صوت ابد اذا مريت من عندهم
عموماً من غلطات حياتي اني مافكيت المسامير وحاولت افكها الشهرين الي راحت لكن الدكتور قالي لا معد نقدر لان العظم بنى فوق الشريحة والمسامير وممكن يسبب لك كسر ثاني ... حاولت لكن رفض لانه في البرد تسبب لي مشاكل وتصلب
عموماً وانا خوك لو انا منك روح راجع مستشفى وحاول تفكها ترى افضل لك بكثير
اذا قالوا لا
قل عطوني تقرير طبي رسمي يفيد بوجود هالبلوة في فخذي زي ماتفضل الاخ الي فوق
وعسى الله يوفقك

شآآكر توواجدك أخي الكريم تقرير راح يطلع السبت باللغة الانجليزية وحبيت اتاكد من الاعضاء اذا صارت لهم تجارب نفس حالتي

الله يعينـــكــم ويشفي كل مضرور ..

شيل معك تقرير او اشعه تبين صورة الفخذ
و ان شاء الله امورك تساهيل

اولا,,خذ معاك اشعه للفخذ المكسور توضح القطع المعدنيه
ثانيا,, خذ معاك تقرير مفصل عن حالتك الطبيه بالانجليزي
ثالثا,,لاتفكر انك مابتتفتش لابيفتشونك وبيشوفون العمليه والاشعه والتقارير وهذا من حقهم
وبعدها بيقولون لك اهلا بك في الولايات المتحده الامريكيه,,يعني لاتشيل هم ولاتخاف
كلها اجراءات روتينيه وتعدي,,,,الله يوفقك ويشفيك

ما ادري والله عن نوع المعدن الي فيك بس انا ابوي مسوي عمليه في الركب ومركب مفاصل بلاتينيوم ولا تطلع صوت لا في مطار الرياض ولا في مطار ماليزيا ولا في مطار سيغافور ولا في مطار دبي ابدااا مع ان الدكتور الي سواله العمليه قاله اذا تبي تقرير طبي اكتبلك بس الحمد لله ماحتجناها والعمليه من خمس سنوات

الله يشفيك يارب
ومايشددون عليك بالتفتيش ياااااااارب

سلامات وماتشوف شر

أخوي طرقي أمريكا يمكن أنت بنيتك الجسمية قوية ومتينة أنا بنيتي ضعيفة
معاك حق أنها ماتطلع صوت بس أنا طلع معاااي صوت لان في أحد المسامير طالع لي بالغلط حتى يوم جيت الدكتور وقلت له أبي تقرير ماأقتنع قال ماتطلع صوت هي داخل جسمك وبالعله خذيت منه تقرير
فعلا أنا مثلك من أعضم الاخطاء التي فعلتها أني ماشلتة بعد تخرجي العاااام المنصرم كان معي 4 شهور تكفيني للمشي والرياضة