الي طالع امريكا شهر 9 سبتمبر يدخل هنا

اسعد الله اوقاتكم بـالود والخير...

انـا دراستي 7-9
ورح اسـافر بـإذن الله يوم 1 - 9 على لوفتهانزا ...

الله يوفقك ويسهل امروك

موفق اخوي

انا ان شالله مسافرة يوم 19 / 9

بعد 12 مساءا

على لوفتهانزا

وقت ماحجزت .. الطيار قللي انها بـ 6000 وحاجه



بالتوفيق للجميع

موفقه

وعقبال الشهادات العليا

بسم الله الرحمن الرحيم

السلام عليكم يامعشر المبتعثين والمبتعثات

يالله ان تحييهم كلن باسمه

انا ولله الحمد ابشركم جاني قبول لدراسه اللغه الانجليزية لمده سنه
وتليتها سنه اخرى في تخصص برنامج الجودة الشاملة Quality Management
وهو قبول مشروط بدرجة الايليس 6.5
الله يقدرني على الدرجه المطلوبه

في ولايه كلفورنيا في جامعه اسمها

California State University, East Bay

والدراسه تبداء في 20/9/2010

والصراحه مدري متى انسب وقت امشي هل قبلها باسبوع او اسبوعين

لان الوقت الذهاب يصادف انه في عاشر يوم من عيد الفطر

فحكايه الوقت مسبب لي قلق شوي تخبرون الواحد وده يتعيد من عياله قبل لايتغرب عنهم

هذي نقطة النقطه الثانية

انا محتار بخط سير الرحلة

لاني الصراحة مدري في اي مدينة بالضبط هذي الجامعه هل هو ايست باي او هايورد
لاني لما اتصفح موقعهم القى في العنوان هايورد انا الصراحه انلحس مخي


على العموم هذا رابط الجامعه فياليت من عند علم يفصفص لي موقعهم وينهم في اي مدينه

California State University, East Bay Continuing Education

عشان اضبط خط رحلة السير ( الرياض / واشنطن ( والجلوس فيها ثلاث ايام عشان امور الملحقية / هنا وش نحط من مدينه عاد انتم ابخص )

النقطه الثالثه وش تنصحون بالسكن لاول شهر هل ادور عائلة بالنت
او السكن حق المعهد مدري الجامعه وعقبها اضبط اموري

النقطة الرابعه انا عيالي ناوي اجيبهم لكن متى مدري
وش الافضل بعد 3شهور او 6شهور او سنه
عشان الواحد ياله يمديه يتعلم شوي لغه لان اللغه ميييح اي بي سي دي وبس
هذا غير لغه المطاعم قف مي وان ميل تشكن برجر بدون بصل
حلها عاد
هع هع هع هع هع هع هع هع هع

اخر نقطة ياليت احصل احد اقدر اتواصل معه في نفس الجامعه من المبتعثين من العرب
تخبرون مجرد استفسارات عن بعض الامور يالله يارب ان تيسر لي هذا الشخص

ختامآ نشكر لكم تجاوبكم مقدمآ
يامهندس عبدالله انت والشله والوعد قدام

<<<< راعي كشتات من الحين

^^^^^^^^^^^^^^^^^^^^^

وعليكم السلام ورحمة الله وبركاته



اخي الكريم

راجعلك بعدين ارد على استفساراتك

يبيلك جلسة انت

بس احجز معي مبدئياً على 14/9 الخطوط القطرية (الرياض - قطر-واشنطن)

ومن واشنطن احجز على سان فرانسيسكو

لأني ابي احد يخاويني دراستي بالمعهد تبدأ إن شاء الله 23/9 كالفورنيا - ديفيز

أنا بعد دراستي تبدأ يوم 23 في سياتل ، بس لقيت تذكرة رخيصه على الخطوط السعودية ب2585 ريال يوم 22 سبتمبر ،
وراسلت المعهد وقلت لهم في مشكلة لو بتأخير 4 أيام لظروف الطيران
قالوا لي عادي ، لأننا نعيد امتحان تحديد المستوى يوم 29

فإن شاء الله لو مشت خطتي مثل ما أبي ، أسافر يوم 22 من الرياض لواشنطن من غير توقف
الإقلاع 7 ونص الصباح إن شاء الله.
وبعدين أجلس يومين في واشنطن دي سي عشان أفتح ملف وأخلص ، خاصه إنو إحتمال يكونوا معطلين يوم 23 بسبب اليوم الوطني السعودي

ويوم 25 السبت الصباح في رحله الساعه 8 على خطوط الأسكا بـ 235$ ،وتاخذ على كل أول 3 شنط 20$ ،
المهم هذي الرحلة من غير توقف ولا ترانزيت ، وإن شاء الله توصل الساعه 10 ونص الصباح زي ما كتبوا .

بالتوفيق للجميع

موفقه اختي الكريمة

انا حصلت تذكرة الخطوط القطرية 3500 تقريباً

ومن رأيي أنك ما تتأخرين لأن الوصول بوقت ابكر من أجل الاستعداد وترتيب امور السكن تاخذ وقت ويبيلها روقااان

على العموم اتمنى لك كل خير وبالتوفيق

رايح يوم 19 سبتمبر

دراستي تبدا 27

بالتوفيق إن شاء الله

على العموم ترى التذاكر تبدأ اسعارها بالنزول في 23-9

يوجد فرق كبير بالاسعار

موفق