إستهتار الخطوط السعودية بالمسافرين على طائرتها !!

كانت جنبي وحده وانا جايه من الرياض للقصيم وجالس تهاوش عليهم تقول ليه جلستون بالسياحيه وانا مختاره درجه اولى
وحتى كانت دافعه سعر الدرجه الاولى بس ماانتبهت انه حاط بالتذكره انها سياحيه الا يوم طارت الطياره
بكذا مافي شي يثبت انها دافعه السعر
.............................
لكن اللي دافع سعر درجه اولى وبالتذكره مكتوب بالدرجه الاولى لكن يوم ركب ركبوه بالسياحيه لايسكت حتى لو ماجلس اقلها يرجعون فلوسه .. قبل ماينزل من الطياره يكلم اللي بالطياره يختمون له انه ماجلس بالدرجه المطلوبه بحيث يقدر يسترجع المبلغ الزائد

^^^^^^^^^^

المفروض اول ما شافت المقعد سياحي ما جلست فيه ولا خلت الطياره تطير لين يدبرون لها مقعد في الأولى

واحد اعرفه كان هو وعياله في بريطانيا وحجزه طار عليه بقدرة قادر ولعن خيرهم في المطار عطوه تعويض 300 باوند عن كل واحد هم عددهم 5 اشخاص وسكنوه في فندق 5 نجوم لين دبروا له حجز على نفس الدرجه اللي هو حاجز عليها ( اولى )

يعني الخطوط السعوديه اذا ما طالبت في حقك ما راح يكون لك حق عندهم .. ما نقول غير حسبي الله ونعم الوكيل

المشكلة انهم يكتبون : شكرا لاختيارك الخطوط السعودية :/


مالك الا تتابع معهم ولا ترى حقك بيضيييييع

هي مثل الدائرة الحكومية .. تدفع ويذلونك

نعتز بتعاستكم ... وشكرا لشجاعتك في اختيار الخطوط السعــوديـــــــة

احسن شي نروح بالخطوط الاماراتيه

انا والعائله الكريمه رحنا امريكا للسياحه فقط ولكن حجزنا قبل سفرنا ما يقارب 9 شهور ومعروف في الخطوط بعد النظام الجديد بالمقاعد بحروف حتى لو نفس الدرجه يعني في مقاعد يسموها كيو وفي ال وكدا وكل ما تحجز ابدر كل مايكون التذكره ارخص..
المهم وحجزنا قبل ب 9 شهور والوالد كان بيراجع الحجوزات قبل السفر بشهر المصيبه انهم غيرو حجوزاتنا كلها يعني من ارخص التذاكر الا اغلى التذاكر قيمت التذاكر كلها سارت ب 98 الف ريال..وهيا على اساس تكون ب 40 الف... شايفين الفرق المهووووول...

شكرا لاختياركم الخطوط السعوديه

الله يعيييييييييييييييييييييييييييييييين

حسبي الله ونعم الوكيل

كنت محتار احجز على اي خطوط لكن بعد موضوعك
قررت اروح ان شاء الله على القطريه
بس سؤال احد جرب الخطوط القطريه يقولي كيف خدمتهم