كيف أسافر الى المانيا بالجواز الامريكي ؟؟

^^^

السؤال هو هل ستدرسين بألمانيا كطالبة سعودية أو طالبة أمريكية!
وإذا أنتي بتكوني دارسه على حسابك الخاص.. هل فتحتي ملف بالوزارة!
وهل ستتعاملين هناك مع الملحقية الثقافية السعودية بألمانيا أم لا....
-------
على حد علمي إن الجواز السعودي يختم عليه خروج في مطار المغادرة السعودي!
وبصراحة لا أعلم شيء عن طريقة التعامل بالمطارات السعودية لمن يحمل جواز أمريكي!!

شكرأ أخوي على الرد ... لكن أنا حا أدرس كطالبة أمريكية وما فتحت ملف بالوزارة .. فقط حا أدرس على حسابي الخاص

الامور بسيطة بإذن الله ,
لما تختمين خروج من السعودية .. تختمين خروج على الجواز السعودي .. والموظف راح يسألك عن الفيزا فانتي قولي له معي جواز امريكي وراح يطلبه منك فقط لمطابقة المعلومات ولا راح يختم عليه وراح يرد لك الجوازين .. كل اللي عليك انك تاخذين الجواز السعودي وتحطيه بالشنطه وتنسينه .. وبقية تعاملك مع باقي المطارات تكون بالامريكي .. ولاراح يسألونك عن ختم الخروج .. ولكن اذا المانيا سألوك عن ختم الخروج قولي لهم انك معك Dual citizenship وممكن يطلبون الجواز الثاني فقط للمطابقة .. وبرضوه راح يختمون دخول على الجواز الامريكي ويردون لك الجوازين.. لان المهم عندهم فقط انك مسافرة بطريقة نظامية .. فقط لا غير ..
واذا رجعتي للسعودية بالسلامة ان شاء الله , تعملين نفس الطريقة بشكل معكوس .. يعني تمشين من المانيا وبقية المطارات بالجواز الامريكي .. ولما توصلين للجوازات السعودية برضوه تعطينهم الجواز السعودي يختمون عليه دخول ! وبرضوه راح يسألك عن ما اذا كان معك جواز ثاني بسبب ان مافيه اختام دخول لاي دوله سوى ختم خروج من السعودية .. ونفس الشي تعطينه الجواز الامريكي للمطابقة يختم دخول على الجواز السعودي ويرجع لك الجوازين ...

انا مثل وضعك واسافر بالجوازين , وهذي الطريقة اللي امشي عليها ولازلت ماشي عليها ولا غيرتها .. اللهم اني صرت في المطار السعودي اختصر الوقت واعطيه الجوازين مع التذكرة من اول مره علشان لايسأل ويطلب وتطول مدة الانتظار ! ..

فالمسألة بسيطة ولا تحتاج الى تعقيدات ..

اما بالنسبة للحجوزات وغيرها من التعاملات .. تتعاملين بالجواز الامريكي مع باقي الدول .. واما السعودي تتعاملين فقط فيه بالامور اللي داخل السعودية .. فمثلاً جيتي تحجزين من المانيا الى السعودية .. تحجزين بالجواز السعودي .. واذا جيتي تحجزين من السعودية الى اي دولة ثانية .. تحجزين بالامريكي ! وهكذا !


اما بالنسبة للنقاط اللي ذكرها اخي الكهل الطموح :
هل ستدرسين بألمانيا كطالبة سعودية او طالبة امريكية ؟
الجواب : تدرسين كطالبة مزدوجة الجنسية , بمعنى .. في الجامعة تعتبرين أمريكية .. اما في الملحقية الثقافية في المانيا تعتبرين سعودية !

واما الملحقية الثقافية السعودية في المانيا .. راح تتعامل معك كسعودية طالما انك تحملين الجواز السعودي .. اللهم وقت التقديم راح ترفقين لهم صورة من الجواز الامريكي مع الجواز السعودي .. وراح يتعاملون مع الجواز الامريكي مثله مثل الفيزا يعني مافيه فرق بينك وبين بقية الطلبة السعوديين .. !

اذا فيه اي سؤال اخر بهالخصوص اطرحية وان شاء الله اقدر افيدك فيه !

^^^

ما شاء الله..كفيت ووفيت أخي محمد فهد!
تشكر على الإفـادات المفيدة وعلى كل جهد!!

ماشاء الله تبارك الله .. شكرا جزاك الله الف الف الف خير كفيت ووفيت والله يعطيك الين يرضيك تسلم على الرد