خطوآت الإبتعاث

اخوي ماني متأكده بس في ورقه تنوب عن الوثيقه اعتقد اسمها (مشهد للتخرج ))
اتذكر في ناس قدمو فيها الترم اللي فات بس للأمانه ماني عارفه وش وضعها بالضبط او دواعي الاستخدام
فما لك الا تضعه في استفسار في موضوع مستقل .. او انك تروح للوزاره هم اصدق ناس بيردو عليك
موفق اخوي واعتذر والله اني ما قدرت اخدمك بموضوعك ..

السلآم عليكم !..

أنـآ أفكر أدرس بالسويد ..وعندي اللغه الإنجليزيه ممتآزه ..

لآزم أدرس بـ معهد هنآك لـ اللغه .. ولآ أقدر أعدي هـآ السنه ؟.. بالتوفل .. أو الآيلتس..

ولو بأختبر .. أقدر أختبر بالسعوديه .. وأقدم بالشهآده ..

ولآ لآزم يكون إختبآري بـ نفس الدوله

والشهآده عندي باللغه العربيه والإنجليزيه !! لآزم أترجمهآ ؟ ولآ هي كذآ مترجمه ؟ ولآزم أرجع أختم من الوزآره عليهآ ؟[علمآ بـ إنهآ مختمه من إدآره التعليم]

شهآده حسن السيره والسلوك .. مو مترجمه .. لآزم أترجمهآ وأختمهآ ؟!

وعليكم السلام ...
اخوي اللي اعرفه ان السويد - المجر والمانيا - تدرس بلغة البلد مو بالانقليزي ..
فتأكد من هالنقطه ... وافتكر في الملتقيات الموسى قال .. احنا نرسلكم لدول مختلفه نبوكم تتعلمون
لغتهم .. وتعرفون ثقافتهم .. اللي يجي من الصين يعرف يتكلم صيني ... الى اخر كلامه ..
فنأكد ...

الشهاده .. ما تحتاج ترجمه .. لانها كذا مترجمه ...
ولا ترجع تختم عليها .. بس على النسخ .. وتكون من الجامعه او المدرسه ...(( على حسب المرحله التعليميه
اللي انت واصل لها ))

شهاده حسن السيره .. احتياط ترجمها ... (( لكن بالنسبه لي لم اخذها ولم اترجمها .. ))

بالتوفيق

شكرا لطرحك الرائع ..

وتسلم يمينك ..

ولا أقول إلا اللهم أستجب دعاءها ..

الله يوفقك ويسعدك
والله اني محتاج لواحد مثلك
افهمها BADR-07-BBأت H
والله اني مضيع ومحتار وبعضهم يزود من عنده عدد السنوات مع العلم اني خريج ثانوي

مشكوره وجزاكي الله كل خير ...عندي استفسار ينفع اختي تروح نيابه عني يوم التدقيق لاني في بلد بعيد عن كل المناطق الموجود فيها مراكز التدقيق ..

السلام عليكم

الله يعطيك العافيه اختي اخصائيه على المجهود

عندي كم سؤال

هل الوزاره تختار لي الجامعه ؟ واذا كان نعم .. لو معي قبول من جامعه معتمده انا جايبه يصير عادي مافيه اي اشكاله ؟

سؤالي الثاني نفس اللي فوق لكن بدال جامعه معهد لغه

والله يوفقك دنيا وآخره يارب

وش ذا وربي دخت

يعني الحين ما اقدم على جامعات الرياض ولا لا

وقبول البعثات النهائي يكون بعد بدايت دوام الجامعات الحكوميه

وبعدين اخاف ما انقبل في جامعات الحكوميه وهنا اتورط لا بعثه ولا جامعه

وبعدين عادي اديهم نصخه من شهاده الثنويه ومختومه من المدريه وكل شي بس علشان اذا انقبل فالجامعه الرياض يمديني ارسلهم

وربي شوي وابكي ماعاد في وقت انا نفسي ادرس بكلوريوس فكندا واخترت الجامعه وكل شي بس كيف الطريقه التسجيل حقت السبت من النت ولا لازم اروحلوم بالغدير

ياااااااااااااليت تسعدوني لان بجد حست

وكمانه اختي الاء فالصفحه الخامسه تقول

الوثائق المطلوبة:
1-صورة من شهادة الثانوية العامة (العلوم الطبيعية) وفي حال كانت الشهادة صادر من خارج المملكة يجب إرفاق صورة من قرار معادلتها.
2-صورة من اختبار القدرات + اختبار التحصيلي.
3-صورة من شهادة حسن السيرة والسلوك.
4-صورة من بطاقة الهوية الوطنية أو صورة من دفتر العائلة.
5-صورة من جواز السفر ساري المفعول.
6- تعبئة الاستمارة الخاصة بطلب الابتعاث من موقع الوزارة وطباعتها.
يكون التقديم حضوريا في مقر الوزارة لشؤون البعثات في حي الغدير ، علماً بأن استلام الطلبات يبدا من تاريخ 28/7/1431هـ الموافق 10/7/2010م حتى نهاية دوام يوم الاربعاء الموافق 9/8/1431هـ الموافق 21/7/2010م.


كيف اجيب شرط رقم 2 كيف اصورها هاذي

كيف نروح الغدير وهي لسى ما بدى التسجيل؟

ياليت تفهمووني بليييز لان جد جد مخي صدع

^^

تسجيل يوم السبت الكتروني يعني عالنت

وبالنسبه لرقم 2 تروحين لموقع قياس بعدين الاستعلام عن الدرجات وتروحي للقدرات وتسوي طباعه ونفس الشي مع التحصيلي


هذا اللي اعرفه