وش الفرق بين كشف الدرجات والسجل الأكاديمي .. مهم للجميع

اي بالله انا شفته اليوم بالجريدة


ما ادري ايش قصته

انا عندي كشف درجات للماستر وعندي سجل أكاديمي للبكالوريس كلهم نفس الشيء اللهم هذا مكتوب فوق بالعنواان كشف درجات والثاني مكتوب سجل أكاديمي وكلهم على شكل جدول موضح فيه المواد والدرجااات ؟؟؟؟؟؟؟؟؟

والله شيء يحير وتعقيد ماله داعي .. والجامعة بعد ما عطتنا مثلا سجل أكاديمي وكشف درجات عشان نقوول ان فيه فرق ولا شيء كل اللي عطتنا الوثيقه وكشف الدرجات وطبعا الماستر ما يحتاج شهادة حسن سيرة ما عطونا ومرتبة شرف فقط .

فتكفوون قولوا لنا وش الفرق ووين الفرق بينهم ؟؟؟؟؟

اخوي متواضع هل ترجمت شهادة حسن السيرة والسلوك وانتظام لما قدمت للماستر

اها انا عرفت ايش الفرق ....كشف الدرجات اللي يعطونك اياه نهاية كل ترم يعني درجاتك وغير موضح فيه انك متخرج اما السجل الاكاديمي هي نفس الدرجات ونفس الجداول لكن مكتوب عليها انك خريج ....والله اعلم
طبعا انا لما كنت في الجامعه كانو نهاية كل ترم اقدر استلم كشف درجاتي للترم نفسه (مثلا اول ترم في الجامعه درست انجليزي هذا من المواد العامه واخذت فيه درجة معينه ونحطت في كشف الدرجات بس لما اجي الى السجل الاكاديميي تكون الماده غير موجوده فيه لانها مضروبه ب صفرساعه) هذه هي الفروق اللي عندي بين كشف الدرجات والسجل الاكاديمي .....
1- المواد اللي تكون مضروبه ب صفر ساعه مايحطوها في السجل الاكاديمي
2- الالسجل الاكاديمي لازم يكون للمتخرجين يعني مكتوب فيه (transcripy for graduated)
والله اعلم .....يعني لاحد يجي يقول لاتفتي من عندك هذه الفروق اللي عندي بين السجل الاكاديمي وكشوف الدرجات

اها .., يعني اللي يبغونها السجل الاكاديمي اللي هو كشف الدرجات النهائي بعد التخرج مضروب بالساعات وكل شيء

اما كشف الدرجات اللي لكل ترم مايبغوه ؟

أنا أخذت الماستر من جامعة سعودية .. بس نصيحة ترجمها ما راح تخسر شيء ترجم كل الوثائق اللي انت بتقدمها

طيب كشف الدرجات اللي موجود معاي هو مبين فيه الوحدات المسجلة والوحدات المكتسبة وكل وحده مضروبه * 3 يعني ما فيه شيء ءمضروب في صفر , وهي كشف الدرجات النهائية , لكن وش هالتعقيد لازم يكتب فيها transcripy for graduated من وين بنجيب واذا رحنا للجامعه وقالت هذا اللي عندنا ما نعطيك غيره وش نسووي ؟؟؟؟
جزاك الله خير ماقصرتي اختي , لكن بالفعل نبي أجد يأكد هالشيء او يشوف لنا حل ؟ أو يوضح لنا اللبس

بالفعل انا نفسك الكلية ماعطتني إلا فورم واحد , وش الحل ؟ المشكلة اني بعيد عن الجامعه يعني بسافر عشان هالشي وعادي اسافر واروح للجامعه بس اخاف وآخر شيء يقولون لي ما عندنا إلا اللي عطيناك بعدين اتوهق بين الجامعه وبين الوزارة وشروطها ...!!!!!