هل المحرم ضروري بالمرحلة السادسة ؟

انا برضو انضم لكم مستوفية للشروط الحمدلله وكل شي لكن للاسف محرم ماعندي وصعبة اروح لوحدي لازم احد معاي

الله يوفقنا يارب

طيب وآللي عندها محرم بس المشكله مو معها بنفس البلد !!

يعني محرمي راح يكون بكندا أو آمريكآ

وانا ابي طب والطب مآفيه لا بكندا ولا أمريكآ

فـ سجلت بإيطآليا !

آلله يعـآفيييييييكم آللي تقدر تفيدني بشي

يعني آقدر آنقل لكندا أو آمريكآ

آو هم ينقلون عندي ولا كييف

لأن المحرم هو زوج آختي وآختي معه لأنها تبي تحضر رسآله مآجستير ودكتورآه

يعني مآيسوون لي شوشرة اذا دروآ آن محرمي مو معي بنفس البلد

آللللللللللله يخليكم ردوووووووووووووووووووووووووو

سهام الحب أما سالفة المحرم ذي لا تعليق
ولله أنا قدمت وجاني قبول مبدئي وتاركة المحرم للأخير
طيب الحين الملحقية ليش ماتؤمن سكن خاص لطالبات السعوديات
لي بدون محرم يعني أذا هم الهادرجة خايفين علينا .أما سالفة يطلع ويرجع بعدين
طيب فية بنات ماعندهم محرم (مقطوعة من شجرة )وش بتسوي لازم مرعاة الظرف
للجمع ولا تلغى البعثة لطالبات من الأساس مو كل سنة ينعاد نفس الموضوع ولا وش رايك سهام

ياذا المحرم اللي جاب لنا المراره
انا حاليا ماكلمت اهلي بالموضوع وكل ماجيت افتح الموضوع معهم اذن من طين واذن من عجين
الله يخلف بس. افكر والله بجديه ادق لي على خطابات يشوفون لي احد يبي وحده رايحه بعثه
هو اخرتها كذا او كذا بتزوج واحد والله اعلم بحاله :/
ويمكن بكرا يتقدم لي ناس بس يطمعون بوضيفتي او شي يعني الزواج اغلبه مصالح بالاخير
الله يعين

أنا صراحه المجتمع الي عايش فيه ولله الحمد محد يحتاج للمرأه تساعده

وعلى فكره بالعكس و الله حرام الواحد يطمع بفلوس مرته بالعكس

الرجل عليه حق النفقه والصرف ألا أذا كان الدعم والمساعده من المراء

هذا سبب للمحبه و الأنساجم فيما بينهم

أما تعممين الكلام ما أييدك أبد

وعلى ىسالفت المحرم

أنا المفروض حتى الشباب يحطونلهم وحده تروح معه (( محرمه))

و الله الشباب دايخه هناك تشوف من الزين و لا تذوق كلن يبي العصمه لنفسه

فألله يعين يارب كل من طلب العلم

اللي اعرفه ان زوج اختك مايعتبر محرم لك !!!

(مقطوعه من شجره)
هذا اللي انا اتكلم عنه وكل واحد يستغبي من جهه
وهذا اللي غاثني من اللي يجيك يتفلسف ويحلل ويحرم
كل انسان له ظروفه ومو كل امراه تقدر تجيب محرم ماهو شيء نشتريه من البقالة
انا اعرف شرع ربي واعرف ان الاسلام ماحرمني من اي حق من حقوقي لكن هالدنيا مقلوبه والله يعين بس على هالعقول
المشكلة فيه فتاوي تحلل السفر بدون محرم للدراسة لكن لانها بمصلحة المرأه ماحد مستعد يقراها او يطبقها
هذا غير انك اذا سافرتي وجلستي ثلاث اربع سنين للدراسه هذا مايعتبر سفر لانك راح تستقرين في بلد الدراسة سنوات في بيت مثل بيتك اللي هنا بالسعودية !
تختلف العادات لكن حتى هنا داخل البلد عاداتنا تختلف كل واحد يعرف ياخذ عاداته معاه اذا يبي سوى معاه محرم او ما معاه


عموما انا ما انقبلت لعلها خيره حتى احرص اني ادبر اموري واطلع على حسابي بدون محرم بعد

المشكله يا غاليه انك ممكن تطيحين بواحد يستغلك لانك محتاجته محرم
اصلا وين الحين تلاقيين اللي مستعد يخدم لوجه الله حتى لو له مصلحه وبيحصل على ابتعاث معاك بعد ماتضمنينه ولا تضمنين ايش يصير معاك بالغربة

الأسلام أعزني والمسلمين ذلوني للاسف هذا حال المراه السعودية بكل مجال
أرجع اقول ما بيدي الا اقول حسبي الله ونعم الوكيل في من وصلنا لهذا الحال

عموما اذا انتي قدها وشخصيتك قويه وقادره على انك تديرين امورك جربي حظك او سوي اعلان بالمنتدى كثير ما انقبلوا ممكن تحققين لهم فرصه ذهبيه بالابتعاث والله يوفقك باللي يستاهلك

ابوك يالهياط
السعودية اكثر من 20 مليون اكثر من نصفهم عاطلين عن العمل وتقول محد يحتاج للمراه تساعده

ليش غالبية الموظفات يصرفون على رجالهم ؟
يمكن انت تعرف ناس كذا وما تدري بعد لان البيوت اسرار
لا واللي مو موظفة تلاقيها يا عانس يا مطلقة يا زوجها متزوج عليها موظفه !