تجمع طلاب ماستر القانون LLM

ارسلي ايميلك وابشر، بس اذا تبي قبول مشروط الملف الي مسويته مافيه قبول مشروط ، اذا قبول مشروط قصدي بالجامعات الي ذكرتها قبل ديفيس يكاليفورنيا و umk بميزوري

السلام عليكم ورحمة اللة وبركاتة،،،

تحية طيبة للجميع اريد قبول جامعة ماجستير والتخصص LAW قانون مدني LLM ياليت تزودوني بمعلومات عن الجامعات الاي تخصصي موجود فيها.

تحياتي للجميع،،،،

مس خلصتي لغه؟ ومدني وش قصدك بالضبط؟ احوال شخصيه ؟ اسره؟ لأن هنا تتخصصين بتخصصات محدده

السلام عليكم ورحمة اللة

التخصص قانون LAW خلصت لغة وابي قبول على الفوال اللة يجزاكم خير في اي جامعة.

تحياتي للجميع ،،،،

أي ياقليبي بس قصدي بسؤالي وش التخصص الي تبينه تحديدا ، لانك قلتي مدني ، وفيه مدني بس ولو بتدرسين هنا بامريكا مدني (احوال شخصيه، اسره..الخ) ماراح تستفيدين من شهادتك بالسعوديه لان المدني شرعي مو وضعي ، بينما التجاري والدولي وهالطقه تخضع لنظام مختلف ، وهي الي بتستفيدين من شهادتها ، وفيه ملف انا حاطته بالمنتدىت فيه تقريبا كل الجامعات الموصى فيها من الوزاره ، ممكن يساعدك بالبحث لو اطلعتي عليه

انا معيدة من جامعة الملك سعود واجباري ادرس قانون مدني على نفس تخصصي.

طيب حبيبتي فيه : عقود أو ملكيه فكريه ، برضو تدرج ضمن المدني ، او ملزمينك باسره؟؟

جامعة الملك سعود طالبة مني اي شي يتبع للقانون المدني.

الاخت JAY
دورت في المشاركات على الجامعات الي تعطي قبول مشروط... ما لقيت الي تقصدينه ...اغلب الاخوان منزلين قوائم للجمعات المتميزه،افضل 100 ،، افضل 20 ,وانا معدلي منخفض وابحث عن جامعة متواضعة.

سؤال مهم:
هل تعتبر الخبره لاكثر من سنتين اهم من المعدل؟

هلا بمحامينا ، الجامعتين الي تعطي قبول مشروط هي : UMK بميزوري ، و ديفيس بكاليفورنيا ، الأولى أسهل جدا جدا بالحصول على القبول ولكن أعتقد للاسف انها مغلقه حاليا لتكدسها ، وراح تضبط بس مع الي بيدرس على حسابه ، وبالنسبه للخبره الجامعات المتواضعه مايلقون لها بال كثير ، وحتى المعدل ، والاغلب يقولون أهم شي يشترطون مايكون أقل من مقبول! ، الجامعات المتواضعه دائما هدفها ربحي ، تتغاضى فيه عن اشياء مثل المعدل ، وهذا اكثر شي احبه بامريكا ، انها تعطي فرص للي تعثروا بالبدايات ، لذلك ياطويل العمر لو بتطلع على الملف ، وتدقق على الجامعات الي مطلوب فيها درجة الايلز من 6 ونازل ، هذي راح يتغاضون عن المعدل وان كان منخفض ، ولو احتجت مساعده تتعلق بالملف ياليت تعطيني خبر