ابي حل تكفون زوجي اواخوي والله محتاره

والله ماادري وش اقولك

بس تخيلي ان زوجك يطلع بعثه مع اخته ويخليك بترضين؟!!

فكري يالغلا زين والله يوفقك ~

المساله ليست مبدا وانه الزوج احق او الاخ احق

المساله انتي اكيد ماراح تستقرين وتنتبهي لدراستك الا مع زوجك

البعثه لك انتي

وانا عندي لك حلين مالهم ثالث

الاول ويمكن يكون صعب شوي وحسب الامكانيه

انه زوجك في البدايه يروح معاك وتحاولين انك تمددي البعثه اذا انتي ماستر تمدديها دكتوراة

وزوجك يحاول قدر الامكان ان يخلص دراسته قبلك

في الفتره هي يرجع زوجك للسعوديه وتغيرين المحرم بحيث يجي اخوك مكانه وذلك بعد 4 سنوات تقريبا

وخلال هذه ال 4 سنوات يحاول ياخذ البكالوريوس في السعوديه ويبتعث للماجستير بعد 4 سنوات

الحل هذا فيه بعد نظر وقد لا يكون مرضي لابوك واخوك


الحل الثاني وهو برايي الانسب حسب ضروف والدك الماديه

انه يروح اخوكي معكم على حسابه الخاص وراح تكون التكلفه اقل بكثير من انه يروح لوحده

لانه يسكن معاكم وياكل معاكم فقط عليه رسوم الدراسه حتى ينظم للبعثة

وانتي اذا تبغين تقنعين ابوك

قولي يابابا البعثه هذي يا مع زوجي ولا ما ابغاها وش تبي تنفعني اذا رجعت بعد 4 سنوات او اكثر ولقيت زوجي متزوج علي

وخلي عذرك انك خايفه انه يتزوج عليك ( الله لا يجيب ذاك اليوم ما ودي اتفاءل عليك بس هذي جبتها حجه وعذر تواجهين فيه ابوكي)

والله يخلي لك ابوك وزوجك واخوك ولا يفرق بينكم يارب

الكلام هنا كثير .. بس ان شاء الله يفيد الأخت وغيرها مع كثرة الاقتراحات من الأعضاء الكرام .. بس كنت أتمنى تفصيل أكثر من الأخت


- أنا برأيي إذا الزوج رجال بمعنى الكلمة ويستاهل الزواج منك .. فهي فرصة جيدة
وبعدها تحاولي مع أبوك .. وتطرحي له الخيارات ... مثلا أخوك يجي معكم انت وزوجك وبعدين ينضم للابتعاث.
وما راح يكون فيه تكلفة كبيرة في أول الفترة.

- إذا الزوج انسان عادي جدا ولا فيه "زود"
فأنا أقول الإحسان لأخوك وطاعة لأبوك انه يكمل الدراسة معك ويكون مرافق، والزوج إن شاء الله يجي لاحقا.

- طيب إذا والله أخوي غير جاد في الدراسة .. وممكن يحول البعثة هناك إلى سياحة وروحات وجيات
فهو طيّر عليك الزوج أولا .. ويمكن يتعبك هناك .. خصوصا أن المرأة تحتاج من يساندها هناك ويخفف عليها المتاعب والصعوبات ويقف بجانبها دائما.


موفقين

اعطيكي اسهل حل انك ماتكسري قلب اخوكي ولا زوجك
بعد القبول ان شاء الله خدي زوجك كمحرم وسافري واستقري هناك بعد شهر او شهرين اخوكي يجي بحسابه ويدرس لمدة سنه وبعدها ينضم للبعثة ان شاء الله وتقدري تعكسيهم يعني تروحي مع اخوكي وزوجك يجيكم بعد شهر ......

معاه بكلامه
وصلي صلاة الاستخاره
و ياررب تتسهل امورك
طمننينا عنك

يا أختي أتوقع إن الإخوة والاخوات أفادوكي قبلي..
بس حبيت أعطيكي رأيي..
إنتي متزوجة .. يعني صارت لك أسرة مستقلة..وقرارات هذي الأسرة إنتي تاخذيها مع زوجك فقط..
وشرط الوالد الله يحفظه ليكي إنك تاخذي أخوكي شرط مبالغ فيه جدا...وأتوقع إن الوالد الله يهديه قدم مصلحة ابنه على بنته..
إنتي مستهينة بمدة البعثة.؟من 4 - خمس سنوات ويمكن أكثر .. وإذا رحتي من غير زوجك كإنك "فككتي أسرة" لمدة 4 - 5 سنوات ..

يا أختي الدراسة حلوة والبعثة أحلى .. لكن مو على حساب استقراري أنا وزوجي ، الإنسان اللي صار المسئول الأول والأخير عن حياتي..
بقية العائلة على العين والراس.. لكن ليه زوجوني طالما بيشرطو علي إني أترك زوجي إذا لأخوي مصلحة؟ وفيها احتمال يكمل واحتمال ما يقدر يلتحق بالبعثة..

حتى فكرة إنك تاخذي اخوكي معاكي انا ما أؤيدها أبدا أبدا.. الغربة لحالها صعبة.. أضيفي إن الزواج له تحدياته ..
فوجود طرف ثالث بينكم راح يصعب عليكي إنتي وزوجك اتخاذ القرارات ،و التفاهم والتواصل.. بالإضافة إنكم راح تتحملو مسئولية أكبر منكم..

والأهم الأهم الأهـــــــــــــــــــــــم:
قكري بمشاعر زوجك ..
إذا قلتي له بتركك عشان أبغى آآخذ اخويا البعثة..أتوقع راح ينجرح حتى لو ما بين لك.. وراح يفقد الامان معاكي.. لإنه بيحس إنك منقادة بقراراتك.. ولست سيدة قراراتك..

يا أختي استخيري أولا.. وقدمي مصلحة أسرتك "الصغيرة" ثانيا..أهم شي استقرارك.. وراحتك النفسية مع مين يكون..
الله يوفقك في اللي تختاريه.. والله يسهل لك أمورك..

زوجكـ وحاولي تاخذي الحاق لاخوك من هناك

اعرف ناس جاهم الالحاق ب 3 اسابيع

بعدين التكاليف بتكون اقل لما يجي معكم بيكون بس عليه التذكره والمعهد
تحملوه شوي بالغربه لما ياخذ الحاق

طمنيني باقي بالي مشغول عليك

شكرا لإهتمامكم وردكم على سؤالي وإن شاء الله ييسرها ربي

اعتقد انو فعلا مافي غير هالحل اروح مع واحد منهم والثاني يجي على حسابه لين مايتم إلحاقه
يارب نور بصيرتي وبصري على حل مشكلتي
يااااااااااااارب
الله لا يخليني منكم يا احن اعضاء بالدنيا دعواتكم لي