استفسار بخصوص المرافق ( زوج )

up

up

up

oooooooo

وعليكم السلام ورحمة الله وبركاته

المرافق بالعادة تعطيه السفاره فيزا F2
وفيزا F2 تسمح له بدراسة اللغة لكن ما تنفع للدراسة بالجامعات

لكن اذا كان المرافق يريد اكمال الدراسة فإنه يجب ان تكون فيزته F1
في هذه الحالة فيه عندك طريقتين:

الحل الأولى: انه يطلع بفيزا F2 ويدرس لغة وبعد ما ينهي اللغة يجيب قبول جامعي نهائي غير مشروط ( UNCONDITIONAL ACCEPTANCE )
بعدين يرجع للسعودية ( لابد من العودة للوطن ) ويقابل السفارة ويحول فيزته الى F1 ويعود لاكمال دراسته بشكل طبيعي..

الحل الثاني:
لما تجيب لك الوزارة قبول لمعهد فإنه هو يراسل نفس المعهد او المعهد اللي يبي يدرس فيه ويجيب قبول له وبهذ القبول يحصل على فيزا F1

انا أفضل الحل الثاني هو الافضل عشان تكون اموره مضبوطه من البداية وانا ايضا مرافق وناوي اعمل نفس الحل الثاني..
لكن الحل الثاني له تفاصيل وترتيبات سأذكرها لك بالترتيب..

أولا: ينتظر الى ان تعطيك الوزارة قبول معهد..
(( الخطوات التالية يفضل انه يستعجل فيهم عشان ما يداهمه الوقت ))
ثانيا: يضع في حسابه مبلغ بحدود 60 الف او 70 الف او يستخدم حساب ابوه او اخوه او قريب له عنده هذا المبلغ
(( اذا الحساب لشخص اخر غيره يجب انه ياخذ ورقه يتعهد صاحب الحساب انه يتكفل بتكاليف الدراسه ))
طبعا ما راح يخسر ولا يصرف اي ريال للمعهد
فقط المبلغ عشان يجيب قبول
ثالثا: يعمل كشف حساب لستة شهور..
رابعا: يطلب من البنك شهادة بنكية ولا يطلب ضمان بنكي لأن الضمان البنكي يحجز المبلغ اما الشهادة البنكية بإمكانك سحب المبلغ بعد يومين..
خامسا: يراسل نفس معهدك او المعهد اللي يبي يدرس فيه لاحضار قبول له
اما يراسل المعهد بنفسه او من خلال مكتب اهم شي يحضر قبول و I-20
سادسا: لما يحصل على قبول المعهد تنهون اجراءات السفاره من تسديد رسوم والسيفس و و و الخ من اجراءات تخص السفاره وتحددون موعد موحّد لكم لاجراء المقابله في السفارة..
سابعا: يجيب معه للسفارة الاوراق السابقة I-20 و اوراق الموعد بالاضافة لكشف الحساب والشهادة البنكية وباقي الاوراق اللي تطلبها السفارة..

بكذا راح باذن الله يحصل على فيزا F1
ولما تسافرون ان شاء الله ياخذ الضمان المالي من الملحقية ويروح للمعهد اللي جاب منه قبول ويستبدل الشهادة البنكية السابقة ويعطيهم الضمان المالي
ليبدأ الدراسة على حساب الوزارة
وكذا باذن الله لما يجيب قبول من جامعة بعد اللغة ينضم للبعثة ويبدأ دراسته دون الحاجة للعودة للسعودية لتغيير نوع الفيزا

اتمنى اني افدتك ولو كان فيه استفسار او شي غير واضح تفضلي واذا كان فيه نقص او خطأ فهو وراد
كمان هناك مواضيع تخص استفسارك في قسم القبول والتسجيل..


تحياتي..أبو نوره

وابغى اتاكد : عن ..

1- (( اذا الحساب لشخص اخر غيره يجب انه ياخذ ورقه يتعهد صاحب الحساب انه يتكفل بتكاليف الدراسه ))

من وين الورقة تكون ؟ يعني كتابة بخط يده والا لازم يروحوا البنك

الورقة تجهزونها انتم البنك ما له علاقة ويفضل تكون مكتوبة بالكمبيوتر ولا تنسي انها تكون مكتوبة بالانجليزي
ومكاتب القبول عندهم نموذج جاهز فقط يوقع عليه صاحب الحساب لو قدرتوا تاخذوه من مكتب او اكتبوه انتم

**تنبيه:: المبلغ لا بد ان يكون موجود بالحساب قبل شهر كحد ادنى
يعني ما ينفع يودع المبلغ اليوم وبعد اسبوع يعمل كشف حساب وشهادة بنكية..
لا بد انه يضع المبلغ وينتظر شهر كحد ادنى ولو زاد افضل ثم يعمل كشف حساب وشهادة بنكية..


مشكوره على دعواتك جزاك الله كل خير ووفقكم الى ما يحبه ويرضاه وجعل لكم الخيره دائما..


تحياتي،،،أبو نوره

هلا والله ابو نـــــورة
يعطيك العاااافية على التوضيح وماقصرت الحقيقة
رد شافي وافي الله يوفقك ويسعدك يارب
بس عندي إستفسار بسيط الحقيقة
فية واحد من الشباب اعطاني رقم مكتب وقلي هذا المكتب قلي هذا المكتب يعطيك قبول من المعهد الي تبي وكمان يصدر لك شهادة بنكيه
القبول بــ 1000 ريال تقريباً والشهادة البنكيه بقيمة 300 ريال
تتوقع الكلام هذا صحيح
مع العلم اني انا إلى الحين ما أتصلت بالمكتب ولا استفسرت منه منتظر نتآئج القبول

هلا فيك يالغالي
عافاك ربي وما سوينا شي عزيزي

المعهد عشان يجيب قبول معهد لا بد انه يوفر شهادة بنكية لأن المعهد يطلب الشهادة البنكية عشان كذا يعطيك الشهادة البنكية

لكن اللي ما ادري عنه وهو المهم هو هل يعطيك الشهادة البنكية وكشف حساب لكي تقدمها على السفارة؟؟
هذا هو المهم قضية المعهد مو مشكلة المشكلة عند السفارة لأن هي تتخذ القرار بخصوص الفيزا

انا ما اعتقد لكن
يا ليت لو تكلم المكتب وتستفسر هل يوفر لك شهادة بنكية وكشف حساب للتقديم على السفارة ؟؟
حتى كمان تفيدنا او تعطيني رقم استفسر منه
وتكون المعلومات وافية

آسف على الاطالة عزيزي وتقبل تحياتي..


أبو نوره...