تجمــع كــل مــن يريــد .. GO TO AMERICA

أختي الكريمة هلالية : الوزارة تجيب لك قبول لغة , وقد تساعدك الملحقية في قبول الجامعة , لكن القبول بالإساس عليك .

وفيه نقطه مهمة إن الوزارة تلزمك بإحضار قبول جامعه خلال مده اقصاه سنة ونص لو ما خلصت اللغة وما جبت قبول جامعه تلغى بعثتك .

وهذي ميزة معاهد ايلتس على كثر اللي يسبونها انك بعد المستوى التاسع بتحصل اكثر من 500 جامعه تقبلك في امريكا بعكس بعض معاهد الجامعه الي قد تدرس فيها سنة ونص أقل شيء لغة . وترى اللغة مثل ما قلنا 70% من اللغة عليك وشوف عندك الصيني والكوريين مليانين بهالمعاهد بس الفرق بيننا وبينهم انهم اذا طلعوا يذاكرون ويراجعون وحنا يالسعوديين نرمي ورى ظهرنا ثم نلوم المعهد والمدرسين , واسلئوا المشرفين على الطلاب هناك بتلقون أغلب الطلاب مب راضين عن معهدهم كلهم يبون يغيرون المعهد , كلهم يشوفون ان الممشكلة من المعهد مع جلس مع نفسه بصدق كان عرف ان المشكلة من نفسه . ياخي اذا انت تذاكر وتراجع وين المشكلة . أغلبنا هنا طلاب دراسات عليا وطبعا مروا علينا أساذته انواع واشكال فيهم الزين والشين ومع ذلك اذا انت جاد ومهتم تقتدر تأقلم نفسك مع الوضع . لذلك أيا كان سواء كان معهد خاص او معهد تابع للجامعه الجهد في اللغة كله عليك . حتى لو المعهد مافيه مدرسين تقدر تعلم نفسك بنفسك وتكتسب اللغة بنفسك وتقرأ قواعدها وفيه كتب كثيره تشرح القواعد بطريقة مبسطة كل شخص يفهمها
لأن اشوف بعض الأخوان يقول عادي لو تأخرت باللغة بس اهم شيء اني اطلع صح , لكنه أغفل مسألة ان الوقت مهم لذلك هالشيء لايغيب عن بالكم .

طبعا هذا الكلام الوارد أعلاة هو نتيجه حواري مع أحد الزملاء وهو استاذ بالجامعه ويدرس حاليا بالمعهد التابع لجامعه unc وبيحول لمعهد ايلتس اللي فيه كثير من الناس يسبونه هنا ومن ضمن ما قال لي اني لو بجلس بهذا المعهد ماراح اخلص اللغة الا بعد سنتين وهذا احد اسباب التحويل , وكنا نتكلم عن سب بعض الطلاب للمعاهد , قال لي وفشلني الصراحه أنت طالب دكتوراه يا عبدالله وباحث أكاديمي وقبلنا بهالمجال فلا تأخذ على كلام أي احد , لأن فيه ناس كثير ما تدرس او ماتبذل جهد وتحط العيب في الاستاذ او في المعهد او في الجامعه ومرت علينا عينات كثيرة في أيام الدراسة الجامعيه , والبعض الآخر اختلفت عليه أجواء الدراسة ولا قدر يتأقلم مع الوضع لقله خبرته يمكن يكون طالب ثانوي او شيء وهذا ليس تقليلا من شأنهم ولكن خبرتهم قليله مقارنه بغيرهم فيسب المعهد , مع ان اقوى معهد في العالم لن يعطيك اكثر من 30% وباقي الجهد عليك , لأنك لو تدرس بأسواء معهد قل على الاقل ما تاخذ من 30% الا 15% يبقى الباقي عليك , لكن لو تدرس بأحسن معهد بالدنيا وانت ما تجتهد ماراح تحصل الا 30% وهي نسبة المعهد .
الصراحه أبلشته ابلاش كله من الكلام اللي قريته هنا عن المعهد , والله لا يهينك مبتعثه بعد التعب هذا كله ابي مقابل << اناسن مادي , اذا ماعندك فلوس مو مشكلة تكفي دعوة بس بظهر الغيب .
دمتم بحفظ الله

اخوي متواضع وش قصدك بالوقت ؟؟

عدنا بعد الصلاة :

أقصد بالوقت أختي بارك الله فيك أنه أنت كطالب يجب عليك إنهاء مرحلة اللغة في سنة ويمدد لك الى 18 شهر . وخلال هذه الفترة اللي تدرس فيها يجب عليك انك تحصل قبول جامعه لأنك لو ماجبت قبول جامعه خلال سنة أو سنة ونصف بعد التمديد تلغى بعثتك . هذا مقصدي بالوقت . لأن بعض الطلاب يقول انا بدخل معهد تابع لجامعه ومو مشكلة لو تأخرت باللغة بس اهم شيء اني اطلع صح .

اشكرك اختي مبتعثه ولكن على هذا الموضوع المفيد والله استفدت كثير من الروابط اللي وضعتيها

كل ما يخص مرافقينا الاعزاء

http://www.mbt3th.us/vb/forum129/thread176132.html

ههههههههههههههه اما شاطر بالجغرافيا
ما عليه ع العموم انا باعطيك رابط وفيه تضربين عصفورين بحجر
طبعا هو خاص بموقع معاهد ELS
في الخريطة توضح لك الولايات الأمريكية جميعا
وأيضا من خلال الخريطة يوضح لك مواقع معاهد ELS في جميع الولايات
ELS Language Center – Learn English and Study in the US

اذا فيه استفسار اسدحوووه
طبعا الملحقية في مدينة واشنطن وتحصلين واشنطن يمين يعني شرق وهي صغيره جدا مكتوب عليها D.C

وانا شكلي اقتنع تدريجيا بمعاهد ELS

تحياتي،،،

بالنسبة للمسافة من وسط اوهايو ( كولومبوس ) إلى وسط واشنطن فهي تقريبا وحسب Google Maps
فإنها تبعد حوالي 400 ميل ( 650 كيلو ) أو تزود قليلا مسافة 7 ساعات بالسياره..

أما المسافة من وسط فلوريدا ( اورلاندو ) إلى وسط واشنطن وهي بعيده جدا أيضا حسب Google Maps
فهي تبعد حوالي 900 ميل ( 1450 كيلو ) مسافة 15 ساعة بالسيارة ( كأنك ذاهبة من شمال المملكة إلى جنوبها )


بالتوفيق إن شاء الله،،،

مبتعثه الوووووو..
اهليين ادري اني نشيه بس اصلا انا مررره حبيتك من عقب ماقلتي خذي الشغاله حاسه اننا متفقين بالافكار..
المهم مررره لما سألتك عن ابو نهار قلتي راسليه وطبي عليه .
كيف اراسله لانه اختك بالله ماتعرف حركات المنتديات ابدا اصلا اول مررره اشترك بمنتدى
لانه ابشششرك تم اتخاذ القرار ..
الولايه: فلوريدا
المدينه :على حسب المعهد
عشان كذا محتاجه مشوره ابو نهار..

للتواصل والتراسل مع أحد الأعضاء عليك بالآتي:
الضغط على اسمه في أحد مشاركاته
ستظهر لك قائمة فيها طريقتين للمراسلة:

الأولى: تختارين ارسال رسالة خاصة ( لا يرى الرسالة الا أنتِ وهو والإدارة )
ثم تكتبين عنوان الرسالة ومحتوى الرسالة ثم ترسلينها
وعندما يرد عليك سيتم تنبيهك بأنه يوجد لديك رسالة خاصة

أو الطريقة الثانية: تختارين مشاهدة ملفه الشخصي
وستفتح لك صفحة ملفه الشخصي وفيها صندوق تكتبين فيها رسالة زائر
وتظهر مباشرة يستطيع جميع الأعضاء رؤية الرسالة
وأيضا سيتم تنبيهك بأنه أرسل لك رسالة زوار أو تجدين رده في ملفه الشخصي حيث كل فترة تذهبين إلى ملفه الشخصي وتنظرين هل رد عليك أم لا

وووووووووووو خلاص

تحياتي،،،