مشورتكم أعزائي ..بأخذ شغالتي معي...

من رأيي إذا الشغاله لسه جديده صعب تاخذينها معاك , إما ان كنتوا تعرفونها من سنين ممكن يكون أسهل شوي !
مالهم أمان أبدا ً ..
و الله يعينك وييسر لك أمورك يارب , أتمنى لك التوفيق ..

نوف كلامك مرررررررررررة يضحك انتي مكاوية ههههههههههههههههههههههههههههههههه
وبالنسبة لموضوع الشغالة راح تتعبي شويا بس يمديكي تقسمي وقتك وخلي كمان زوجك يتلحل ويساعدك هناك لازم كل واحد يعتمد على نفسه وانشالله بالتوفيق بس فيه في موضوعك كلمة عجبتني هههههههههههه مين هي السافلة ارجعي للموضوع
والله موضوع كوميدي
تحياتي

هل من المعقول بتخلين عيالك يتربون على أيدي شغالة !! شغاااالة ؟! تربي عيالك

اجل مين بيصير اسمه ماما الحين ؟

اختي الكريمة انتبهي على ابنائك وبنفس الوقت على دراستك مافي شيء بدون حل لما توصلي هناك بتلقين الف حل وحل عشان تركزين ع دراستك ولا تاخذين شغالتك نصيييحة

خخخخخخخخخخخخخ لأ مني مكاويه بس تربيه جداويه

حتى أهلي اتبروا مني عشان لهجتي

الشغالة يمكن تكون مشكلة لو اخذتيها ويمكن ما تكون :
مثلا : في امريكا النظام يقول انك ما تقدري تخليها تشتغل طوال السبوع يعني جمعة وسبت لازم اجازة , لو خليتها في البيت وما تطلع يمكن الجيران هم اللي يشتكوا عليك ويقولوا حابستنها او معذبتنها , وما تقدري تخليها طول اليوم تشتغل يعني تقدري تقولين تحديد موعد دوام .

واحيانا الشغالة تمشي الحال اذا كانت عندكم علاقة معاها من قبل وهي قابلة تعيش معاكم خارج السعودية بس فيها مغامرة قوية شوي

شفتي .... الطيبة الزائدة ما تنفع معاهم ابدا ....ما ينعطو وجه ابدا ....

وايوة تغار منك وتقارن نفسها بيكي ... حتى شغالة اختي كانت لما تروح السوق تاخذها معاها وتعالي شوفي تصير تبغى تشتري زيها وتجلس تراقب وتعد كم اشترت اختي لنفسها ...

وكانوا كمان يسافروا لجدة ويتمشوا واختي تترك اولادها معاها وتروح تتمشى هي وزوجها ... وعاد تسوي مشاكل وتغار وتسوي نفسها مريضة .... وتنكد السفر عليهم ...



وحتى في بعضهم الله المستعان ياذوا الاطفال ويتحرشو فيهم ... لا قلب ولا ضمير .. طبعا واحدة جاية من بلد فري وكل شيء عندها حلال وحرية شخصية .... وحتى اذا مسلمين اسلام الله العالم بيه ... ايش تتوقعي منها ....


وقد ما تسوي فيهم خير تقولي يثمر ... ما يتمر فيهم يا لطيف .... اكالين نكارين ... طبعا لكل قاعدة شواذ فيهم الطيب ...

وعلى طاري يكون لها يوم اجازة تخرج فيه على كيفها وممكن تجيب لك مرض ومصايب ههههههه

اذا هنا وهم لما يشوفوا رجال ولا بس يكلمهم تشوفوا كيف تروح فيها تصير في عالم اخر ...

الفم تقولي بيغى يتشق ويوصل لاذانها من الفرحة والابتسامة ... وتتكلم معهم وتتمسخر وتضحك وتصير طيبة واليفة معاهم يموتو على حاجة اسمها رجال

وغير هم انفسهم مع بعض حاجة الله لا يوريك .... الحمد لله على تربيتنا وبيئتنا اللي تربينا على احسن الاشياء وافضلها ... طبعا سلامة الطيبات منهم

خخخخخخخخخخخخ اكلتهم اكل .. بس مو من بلاش والله



وفي حاجة مهمة نسيت اقولك عنها ........... حتى لما توديهم عند حاضنة ... اقرائي عليهم الاذكار ..حصنيهم والله الحافظ من عنده

أختي انا كنت ادرس لغة بأمريكا مع اهلي اخواني الصغار موضوعهم كان مررة بسيط

الصبح داي كير وتمرين عليهم بعد الجامعة ماتخلص بيجوون البيت هلكانين اكليهم نوميهم و ارتاحي انتي بعدين لما يقومون لعبيهم اقعدي معاهم شوي وبعدين انشغلي بدراستك على كيفك على آخر الليل يعني
هو صحيح ان بتتعبين ولكن افضل من ان يربيهم شخص غيرك انتي امهم مو الشغالات اختي وغيره بتحسين بوناسة انك ماسكة كل شيء بيدينك وكله تحت سيطرتك

ع العموم الله يوفقك خيتوو

بصراحه الوضع يخوف اخذي لك شغاله من هناك اضمن
لانه بعد بيكون مره صعب عليك دراسه واطفال

خليك على نظام الشغالات اللي يجون كم ساعه باليوم
ترتب البيت وتطبخ و تهتم بالاطفال وبعدين تروح

الشغالات مشاكلهم كثيره مو بس مثل قصة حميدان التركي
الحين حنا في السعوديه وماتقدرين تلحقين مشاكلهم كيف هناك
في بلد مفتوح بياخذون راحتهم ..

الا اذا انتي تحطين عقود وشورط مع شغالتك قبل ماتروحين
لازم تكونين ظامنتها والله يوفقك يارب

افضل شغاله من هناك افضلك بكثييير لا تسويلك مشاكل

...

وتعليق على بعض الردود : اشبهها اللهجه المكاويه ^_^ ست اللهجات