محرم،مرافق رايح لأمريكا وناوي تكمل دراستك ؟؟

آسف جدا على التأخير لظروفي..

طبعا أخوي أنا ماعرف شكل الضمان المالي حقك..
لكن اذا مثل ما تقول اسم زوجتك موجود فيه وباين بالضمان انها تكون معك فان الضمان المالي بشملكم كلكم إن شاء الله..

تحياتي،،،

الأفضل إلى من يهمه الأمر..
حتى اذا طلبه المعهد تقدر تستعمله للمعهد والسفارة..

تحياتي،،،

يوم المقابلة جيب جميع اوراقك الموجودة بما فيها الشهادة البنكية ( إذا احتجتها )
لأن بعض المرافقين طلبوا منهم شهادة بنكية وبعضهم لم يطلبوا منهم لذلك جيب الشهادة البنكية احتياطا عشان ما تكون اوراقك ناقة
واذا ما معك قبول ما فيه مشكلة

اما بالنسبة فكيف تتأكد ان فيزتك F1 فيا طويل العمر انت راح تعبي نموذج DS-160 وفيه راح تحط انك تريد فيزا دراسية
وايضا لما تاخذ موعد للسفارة يجب انك تحدد نوع الفيزا F1 أو F2
وأيضا بالمقابلة راح يسألك ويقول لك وش نوع فيزتك وانت تقول له انك تريد فيزا F1 ..

وان شاء الله تتيسر الأمور..

تحياتي،،،

أهلا وسهلا فيك..

بالنسبة للوالد اذا أراد الدراسة فماله الا فيزا F1..
ويجيب متطلبات الحصول عليها..
( بعض المرافقين الراغبين بفيزا F1 أثناء المقابلة في السفارة لم يطلبوا منهم شهادة بنكية والبعض الآخر طلبوا منهم شهادة بنكية لذلك حبيت أنوّه )

بالتوفيق،،،

حياك الله أخوي عبدالله
يسعدني ويشرفني تواجدك وتهمني جدا افادتكم بما اعلم إن شاء الله..

بالنسبة للاسم مافيه شيء ان شاء الله وهذا ماهو خطأ لأن اهم شي ما يكون اختلاف بالحروف
باذن الله ما راح يشكل عائق ابد


طبعا الطالب لازم يوقع لكن السفارة فقط تعطيها نسخة من الاي تونتي ليس الأصل
واذا طلبوا التوقيع وقع..
الأمر ان شاء الله بسيط..

تحياتي لك وامنياتي لك بالتوفيق

اهلا فيك..
اذا بتغيرين القبول لا تعملين مقابلة بالقبول القديم
اعملي مقابلة بدون قبول ومجرد وصول الآي تونتي ارسليه لهم

اذا ترغبين بتغيير المعهد بعد صدور الفيزا فهذا راح يعقد وضعك فخليك بالسليم احسن
روحي لموعد السفارة بدون اي تونتي وانتظري لين يجي الجديد وارسليه للسفارة


تحياتي،،،

الله يعافيك يا هلا..

أولا بالنسبة لأخوك فهو ناوي يكمل دراسته لذلك يعمل اجراءات فيزا F1..
بالنسبة لزوجته وابنه اذا كان بياخذهم معه مباشرة فالفيزا المناسبة لهم F2..
وأمرها سهل حيث انه يجيب قبول يسمى (DEPENDENT) من نفس معهده من أجل ان يحصلوا على فيزا F2
وميزة فيزا F2 أولا بالنسبة لزوجته وابنه راح تكون مدة فيزتهم مثل مدة فيزا الزوج يعني ما راح يجددونها كل فترة مثل الفيزا السياحية..
ثانيا ان التحويل من فيزا F2 إلى F1 أسهل من التحويل من سياحية الى دراسية..
ثالثا لو احتاج الابن الدراسة بعد تقدم السنين تكون اجرءاته اسهل..
ايضا فيزا F2 ما تجبر صاحبها على الدراسة ولا فيه مشاكل عليه لو ما حب يدرس..
وبالنسبة لضم زوجته وابنه ودراستهم على حساب الملحقية فإنه اذا تم ضم أخوك الى البعثة يباشر اجراءات ضمهم كمرافقين ويتم الصرف عليهم..

ان شاء الله تكون وحت الفكرة..


تحياتي،،،

حياك الله

بالنسبة لقبول زوجك فلك الحرية اما انك تتواصلين مع المعهد وتدفعين رسوم القبول وترسلين لهم الأوراق المطلوبة ومن ضمنها الشهادة البنكية.. أو انك تروحون لمكتب ثاني يجيب القبول لكم وياخذ اتعابه ومادري كم بياخذ..
او انكم ترسلون اوراق زوجك لتجسير يجيب لكم القبول لكن بيتأخر عليكم نتيجة الضغط عليه لكنه يجيب القبول مجاني
وبالنسبة لبنتكم الله يخليها اطلبوا من المعهد او المكتب يعطيكم قبول مع قبول زوجك يسمى ( DEPENDENT ) عشان تاخذ فيزا F2
فيصير كذا عندك قبول المبتعثة ( فيزا F1 ) + قبول الزوج ( فيزا F1 ) + قبول DEPENDENT لبنتكم ( فيزا F2 )
وما تحتاج البنت لشهادة بنكية لأن قبولها DEPENDENT فقط الشهادة البنكية لقبول الزوج..

والامور سهله لكن يبي لها روقان ولا تحوسون حالكم

الله يوفقكم ويسهل اموركم
تحياتي

يا هلا بك اخوي
طبعا مراسلة المعهد تكون اسرع في احضار القبول سواء كان مراسلة شخصية او طلبت من مكتب اخر غير تجسير لاحضار القبول..
تجسير الميزة اللي فيه انه يجيب لك قبولك مجانا لكنه بيتأخر عشان الضغط..

لكن اذا تبي تراسل المعهد بنفسك يجب انك اولا تدخل موقع المعهد وتعبي استمارة الالتحاق وتختار البرنامج اللي بتدرسة وتعطيهم تاريخ بدء الدراسة
ثم ترسل لهم بالايميل الشهادة البنكية وصور الجوازات
ثم تسدد رسوم التسجيل وهو يختلف من معهد لآخر
والتسديد حسب ما يطلبه المعهد اما بطاقات اعتماد كردت كارد أو شيك مصدق..
ثم تنتظر فترة ليست بطويلة ثم ان شاء الله يرسلون قبولك على عنوانك اللي اعطيتهم
مع ملاحظة اجازتهم الرسمية في الوقت الحالي ومعرفة متى بداية دوامهم..

تحياتي لك وبالتوفيق ان شاء الله،،،

وعليكم السلام ورحة الله وبركاته
حياك الله

بالنسبة للشهادة البنكية فهي مطلوبة لجهتين: أولا. المعهد لاحضار قبول للمرافق. وثانيا. للسفارة من أجل الحصول على فيزا F1 للمرافق..
فبعد حصول المرافق على قبول معهد واصدار فيزا F1 له فإن الشهادة البنكية ليس لها حاجه ابدا..

وبالنسبة للفرق بين الشهادة البنكية وكشف الحساب: فإن الشهادة البنكية عبارة عن ورقة واحدة مكتوبة باللغة الإنجليزية وفيها اسم صاحب الحساب والمبلغ الموجود بالحساب..
اما كشف الحساب فهو يشمل جميع العمليات التي تم اجراءها على الحساب من سحب وايداع بكافة انواعها ويكون عبارة عن مجموعة من الأوراق.

والشهادة البنكية لا يستغرق الحصول عليها اكثر من 10 دقائق وبعض البنوك تأخذ مبلغ 50 ريال رسوم اصدار شهادة بنكية..

المرافق عشان ياخذ فيزا F1 يحتاج إلى:
1/ قبول خاص فيه I-20.. واذا ما جاء عادي روح المقابلة واول ما يجي القبول ارسلوه للسفارة..
2/ تعبئة نموذج DS-160 لكل شخص نموذج منفصل..
3/ شهادة بنكية.
4/ كشف حساب.
( بالنسبة للشهادة البنكية وكشف الحساب فإن بعض المرافقين لما راحوا للسفارة ما طلبوها منهم واكتفوا كون انهم مرافقين للمبتعث وبعض المرافقين طلبت منهم السفارة شهادة بنكية ) فقط حبيت انبه
5/ اذا كان المبلغ في حساب شخص آخر غير المرافق فإنه يمكنك الاستغناء عن التعهد وذلك بالشهادة البنكية من نفس البنك يحطون اسم صاحب الحساب واسم الشخص الآخر ( المرافق ) بطلب من صاحب الحساب وبكذا يكون صاحب الحساب كأنه كتب تعهد وطبعا البنوك عارفين هالاجراء.
6/ تسديد رسوم الفيزا في بنك سامبا لكل شخص واحضار الايصالات معكم للمقابلة مع المحافظة على صور منها..
7/ تسديد رسوم السيفيس للمبتعث والمرافق واحضار الايصالات للمقابلة مع المحافظة على صور منها..
8/ صور شخصية لكل شخص..
9/ ولا يمنع انك تأتي بكل ما تعتقد انهم يطلبونه مثل صورة من الوثيقة وتعريف من العمل للموظفين الجوازات القديمة وغيرها..
10/ تحديد موعد للسفارة ثم احضار جميع الأوراق..


ان شاء الله ما اكون نسيت شي

على العموم لأي استفسار يا هلا فيكم..

تحياتي لكم وأكرر أسفي للجميع على تأخيري لظروفي الخاصة..
بالتوفيق،،،