محرم،مرافق رايح لأمريكا وناوي تكمل دراستك ؟؟

أشكرك اخي ابو نورة على الرد الشافي

بالنسبة للقبولات والعلم عند الله إنها منفصلة مو مشتركة وهي راح توصل تقريباً نهاية يوم الأحد بإذن الله

والصراحة ارتحت كثير يوم عرفت إن السيفيس له موقع لوحده ومنفصل على كذا راح احجز الموعد واسدد السيفيس لما توصلني القبولات لأني موعد السفارة ما ابيه هالأيام ابيه يكون بعد اسبوعين يكون افضل لي واوسع وقت لأن خايفه القبولات ممكن تحتاج لتختيم من الوزارة وبكذا يكون عندي وقت

الله يسعدك يا ابو نوره

طيب الشهادة البنكيه ايش شروطها اذا ماكانت من نفس حساب زوجي يعني هو راح يجيبها من حساب قريب

هل فيه تفويض او شروط

جزاك الله عنا خير الجزاء

العفووو اختي

ان شاء الله توصل القبولات على ما تحبون

ايوه مثل ما قلتي احجزي موعد بالتاريخ اللي يناسبك ومجرد ما توصل القبولات سددي رسوم السيفيس حتى لو سدتوها قبل المقابلة بساعات ما عندك مشكلة
وايضا السفارة لا تنظر للقبول هل هو مختوم من الوزارة ام لا هي فقط تأخذ القبول اللي جبتيه وياخذوا البيانات منه
لكن الوزارة تطلب ان يكون القبول معتمد من قبلها لذلك لما تجي القبولات اعملي المقابلة وروحي للوزارة واختموها

بالتوفيق ان شاء الله,,,

الله يخليك

بالنسبة للشهادة البنكية اذا يقدر ياخذ المبلغ لو يوم ويودعه بحسابة ويستخرج شهادة بنكية باسمه من حسابة تكون اسهل وافضل
اما اذا كان يريد الشهادة البنكية من حساب شخص اخر فإنه لابد لما يستخرج الشخص الشهادة البنكية ان يذكر اسم زوجك في الشهادة البنكية وانه يتحمل بتكاليف الدراسة له عشان تعتمدها المعاهد لزوجك

والله يوفقكم ويسهل اموركم،،،

تكفون ابي رد سرييع
بخصوص كشف الحساب حق المرافق
عادي يكون بالعربي وحق 4 شهور بس
:
طيب اذا مو عادي ينفع نروح للمقابلة وبعدين نرسل لهم حق 6 شهور >_<

بالنسبة لكشف الحساب اذا طلبوه فكشف حساب لـ3 شهور كفاية
أهم شي الشهادة البنكية وهي اللي تقوم مقام الضمان المالي
يعني شهادة بنكية + كشف حساب لـ3 شهور


بالتوفيق

السلام عليكم

مشكور ابو نوره وماقصرت

بس عندي استفسار تاني انا لما قدمت لزوجي جبت شهاده بنكية لحسابي والمكتب اللي جبلي القبول هو كتب خطاب اني انا اتكفل بالدراسه على حسابي وطبعا انا ماعندي صورة من الخطاب لان البنك فقط اعطاني شهادة بنكيه تذكر رصيدي واسمي انا لكن مكتب القبول عمل خطاب مرفق مع الشهاده البنكيه وعلى دا الاساس جاه القبول لزوجي منفصل عني من المعهد ؟؟

كيف اسوي حاليا ؟؟

تاني شي لما اعبي الابليكشين في سؤال هل يوجد مرافق احط نعم وحتى لو كان زوجي لديه قبول منفصل عني ؟؟

وشكرا مره تانيه

طريقتك صحيحة في جلب القبول يعني في حال ان الشهادة البنكية تم اصدارها يتم كتابة خطاب من المعهد ويتم كما عملتي

الحين اختي القبولات موجودة وكل شي تمام يبقى تعبين نموذج DS-160 لك ولزوجك ولما تعبيه في سؤال المرافقين تعبين بيانات جميع من يسافرون معك زوجك و غيره لو كان فيه
هذا الأبلكيشن ماله علاقة بالقبول هو نموذج يخص بيانات المسافرون لأمريكا ويجب ان تتم تعبئتها بمصداقيه
وفيه سؤال عن نوع الفيزا المطلوبه تختارون فيزا طالب F وتحطون رقم السيفيس لكل واحد

بعد النموذج تحجزين موعد مع السفارة باليوم اللي يناسبك وتضيفين زوجك معك بنفس الموعد واذا كان فيه اطفال تضيفين بياناتهم

ثم قبل الذهاب للموعد لا بد من تسديد رسوم التأشيره من بنك سامبا لكل المشافرين وتاخذين معك الايصالات للموعد وصوري الايصالات وخلي عندك صورة منها لتقديمه للملحقية ويعوضونك عنها ان شاء الله وذلك مبلغ 532 ريال لكل شخص

ثم تسددين رسوم السيفيس للقبولات المنفصله فقط اما قبولات المرافقين أو المشترك لا يتطلب تسديد رسوم لها
وقيمتها 200 دولار لكل قبول اي 750 ريال ايضا تاذخين ايصالات الدفع معك للموعد وتخلين معك صورة من الايصالات لتقديمها ايضا للملحقية ليعوضوكم

بكذا تكونون جاهزين تذهبون لموعدكم ومعكم التالي:
1/ جوازاتكم مع الجوازات القديمه ان وجد
2/ ايصالات بنك سامبا لكل شخص
3/ ورقة تأكيد الموعد
4/ بطاقة الحضور للملتقى او صورة منها او رقم الطلب مكتوب بورقة خارجية
5/ القبولات الأصول مع الصور
6/ ايصالات دفع رسوم السيفيس
7/ الشهادة البنكية اما باسم زوجك أو باسمك مع وجود خطاب التكفل بالمصاريف اللي راسلتوا المعهد فيه
8/ كشف حساب لـ3 شهور من حساب زوجك أو من الحساب اللي اخذتوا منه الشهادة البنكية
9/ اي اوراق تحسون انها مفيده مثل وثائق التخرج او صور منها

وان شاء الله كل شي سهل بالمقابلة وميسر
أي استفسار تفضلي


بالتوفيق ان شاء الله

اممم كل شي ان شاء الله واضح انا حااكلم المكتب اللي جبلي قبول لغه وان شاء الله يعطوني صورة الخطاب اللي ارفقوه مع الشهاده البنكيه للمعهد
لكن في حال مااعطوني هل اكتب انا خطاب تاني ولا كيف؟

من ضمن الاشياء الطلوبه ذكرت
بطاقة الحضور للمتلقى او صورة منها او رقم الطلب

وشكرا كتير ابو نوره على مجهوداتك والله يوفقك ويرزقك بأعلى المراتب

تحياتي

ايش دا؟؟ انا اصلا معيده مبتعثه من الجامعة ومني على بعثات الملك فا شوو البديل عن دا الطلب

العفووو اختي اكثر ما يهمني دعواتكم جزاك الله خير

هههههههههه اسف انا كل فكري انك ضمن برنامج الملك عبدالله لأن بطاقة الملتقى تقوم مقام الضمان المالي

اما بالنسبة لك اختي يلزمك اما ضمان مالي باسمك من الجامعة أو اذا ما كان موجود فشهادة بنكية باسمك
بالنسبة للخطاب مو شرط يكون نفس اللي راح للمعهد لو جديد يمشي


تحياتي وبالتوفيق,,,