محرم،مرافق رايح لأمريكا وناوي تكمل دراستك ؟؟

ابو نوره بعد التحيه...

ان شاء الله لما تطلع الفيزا ونطلع قرار الابتعاث وياخذه زوجي الى مكان وظيفته هل راح يؤثر عليه نوع الفيزا اذا كانت f1 او f2

او بمعنى اخر هل اذا كانت f1 ماراح يكون او يبين انه مرافق

ارجو نصيحتك

شكرا لك

شكرا ابو نوره
طيب لما اقوله المبلغ من الوالد طيب هو مايشتغل الان متسبب
ينفع اقوله اخوي الكبير
مادري متوتره شوي من هالناحيه ياريت تفيدني ورحم الله والديك وسهل امرك

اهلا وسهلا

اذا كان قصدك عشان الاجازة من الوظيفة فانهم مالهم علاقة بالفيزا كل واحد مرافق لمبتعثة عليه انه يجيب من الوزارة افادة مرافق
اغلبنا اخذ الافاده يوم الملتقى واللي ما اخذها فانه اما يراسل الوزارة او لما يروح يصدر قرار الابتعاث يطلب افادة مرافق منهم
ولما يحصلها موقعه ومختومه من الوزارة يقدمها لجهة عمله وبناء عليها يعطى اجازة استثنائية
يعني نوع الفيزا ما لها علاقة ولا تهمهم.. اصلا ما راح يحصل احد عنده معلومات عن الفيزا الأمريكية وانواعها الا اللي جرب

انا فهمت سؤالك كذا فاذا كان مقصدك ثاني وضحي لي مشكوره

تحياتي,,,

العفوو اختي

اصلا ما راح يسألونه وحتى لو سألوه عادي جدا لا تتوترون ولا شي
هم بس بهالاسئلة يبون ياخذون ويعطون مو مقصدهم التعجيز والتفتيش و و و
قولي من الوالد او من اخوك ولا راح يقولك من وين لهم !! مو شغلته وفرضا لو قال عادي قولي اي شي عنده مؤسسه او رجل اعمال او اي شي ومع انه ما حيسأل

اختي اهم شي انكم بالمقابلة تكونون واثقين وتبعدون عن التوتر لأنه ما ينفعكم
وترا المقابلة جدااااااا بسيطه وسهله وما فبها اي تعقيد خصوصا الرياض ( بما ان مقابلتي هناك ) فكانت كأي مقابله بل اسهل مقابله اجريتها
توكلوا على الله ثم الثقه ثم الثقه

تحياتي وبالتوفيق,,,

نعم هذا قصدي ابو نوره

جهة عمل زوجي يبون قرار الابتعاث مباشره وانا اللي جاء في بالي وانا اشتغل على فيزة زوجي وقبوله من المعهد خفت انو فيزة الطالب تأثر بحكم انها مش فيزة مرافق

حقيقه انا ماعندي خلفيه عن طبيعة قرار الابتعاث هل راح يذكر الزوج المرافق وايضا نوع الفيزاا


شكرا لك

قرار الابتعاث هذا للمبتعثة اما عشان العمل فعند الوزارة شيء اسمة افادة للمرافق الى جهة عمله
ويكون عبارة عن خطاب مكتوب فيه اسم الطالبه وسجلها المدني واسم المرافق وسجله المدني وبهذا الخطاب يقدم على جهة عمله طلب الاجازة
يعني اذا موعد دراستكم ما يطول الأفضل تراسلون الوزارة وتطلبون منهم افادة للمرافق لجهة عمله وترسلون صورة من كرت العائلة وصورة من البطاقة ( للمرافق ) وراح يعملون لكم خطاب افاده وياخذه زوجك ويقدمه لجهة عمله

وانا ايضا ماعندي خلفية عن قرار الابتعاث هل يكتبون فيه اسم المرافق او لا.. لكن الافادة اضمن خصوصا اذا كان تاريخ دراستكم ما تطول عشان يبدأ اجراءات الاجازة ولا تتأخر عليه

موفقين

ابو نوره ...


اللحين انا اضفت زوجي معاي في الموعد وباذن الله راح يطلع علىf1

انت تقول اذا سالوه في المقابله يقول طالع على حسابي وما يقول مرافق
طيب هو مضاف معاي في الابلكيشين وانت تقول لي اكتبي المتكفل بدراسته البرنامج ماتحس راح يكون فيه تناقض في اجابته

وايش الافضل اخلي المتكفل نفه البرنامج ولا اغير واختار زوجي


من جد ازعجتك بس احس ان الامور تكابلت علي من كل جهه


جزاك الله خير ويسر لك ما تتمنى

هههههههههههههه

شكل الأمور تشابكت وتخالطت معك

اللي بالأبلكيشن السؤال يقول من المتكفل بالرحله ( يعني السفر ) وهو فعلا الوزارة المتكفله
وانا ياختي عملت نفس اللي عملتوا وهذي فيزتي بجنبي
الموضوع بسيط وماهو بالتدقيق والتمحيص اللي تفكرونه
ومجرد ما ياخذ القبولات ويشوفون بطاقة حضور الملتقى بالأغلب يعرفون كل شي

خلي اوراقك كما هي وتوكلي على الله وكل امورك زينه ان شاء الله
بالمناسبة بأي سفارة مقابلتكم ومتى موعدكم ؟؟

موفقين ان شاء الله

يعني يقول انه طالع على حسابه في حال اذا سالوه من اللي متكفل في دراستك

القضيه يا ابو نوره انا اللي مجهزه ومعبيه كل حاجه من التقديم ع الوزاره الى الان وخايفه يصير خطأ اكون وقتها المسؤله!!

الموعد الاسبوع القادم باذن الله في سفارة الرياض ومن جد شايله هم

ع فكره وصلت قبولات المرافقين الاولاد وتاخر موعد دراستنا وانا معبيه في الابلكيشين التاريخ القديم وطبعا ارسلته هنا ما اقدر اغير صح!!

شكرا لك

اذا سألوه يقول لهم انه بيدرس على حسابه مبدئيا لحين انضمامه للبعثة
بالنسبة لنماذج الأولاد ما عندك مشكلة ان شاء الله لأنهم بياخذوا بالقبول اللي تجيبيه لهم
انتي ما تقدري تعدلين على النماذج لأنك أرسلتيها لكن اذا فيك شده تعبين نماذج جديده وتروحين للموعد وتعملين تعديل للبيانات وتعدلين ارقام الأبلكيشن لكل واحد
لكن لو تركتيهم ترا عادي لأنهم بيعدلونها هم على حسب القبول
وسفارة الرياض مثل ما قلت لك مررره كويسين ومقابلتهم مريحه جدا ولا فيه اي تعقيد ابدا

الله يعينك انك تكونين المسئوله عن كل شيء فعلا يحطك تحت الضغط
لكن ترا الموضوع بسيط ولا تنزعجي ولا تهتمي كثير

تحياتي