اليوم بدأت وظيفتي الجديدة وأريد تأخير البعثة

نصيحتي لك كأخ الوظيفة ماشاء الله ممتازة وش لك وش للغربة والمرمطة وترى الدنيا فرص
واحتمال تطلع برى وبعد كم سنة ترجع وماتحصل هالراتب لأن عدد المبتعثين يزيد كل سنة
وفي الاخير الرأي لك وعليك بالاستخارة واتمنى لك التوفيق..

اشكركم وفالكم التوفيق دنيا وآخره

هو مشاء الله راتبك حلو بس شوف نفسك بعد عشر سنين او 15 سنه
ويكون بعد معاك ماجستير كان احلى
بالتوفيق ان شاء الله

الله يكتب لك اللي فية الخير

يا خوي لاتشاور الوظيفة ولا أحلى ,

انا مع من يقول لك الوظيفه افضل بكثيييييير

تتوظف الحين
وتقدر تجمع لك كم قرش وتكمل درآستك وقت مآحبيت

الوظيفة تطير
لكن البعثة والعلم لا ...

مشاء الله انتم يااهل الهندسة تعبتم في البكالوريس والشهادة قوية ومشكلتكم درستو افضل التخصصات المطلوبة وظيفيا الي البكالوريس فيها يغني عن الماستر
واعتقد لو تاخذ الماجستير وتكون محاضر راتبك يكون اقل من الوظيفة الي انت فيها ولو حاب تكون في شركة الخبرة هنا اهم من
شهادة الماجستير
وطبعا انت اخترت تأجيل الدراسة سنة واختيارك موفق لانك محتاج لنصائح ومشورة اهل الاختصاص من زملائك في العمل
او مديرك وهم الي يعرفو وش مستقبل شهادة الماجستير وهل راح تضيف لك الكثير وحاول تتواصل مع هيئة المهندسين السعودية
ومن وجهة نظري ان المهنة مايحتاج لها تنظير ودراسات عليا

السلام عليكم

اخوي اولا الله يسهل لك امرك ويختار لك الخيرة .. وما شاء الله كل واحد منا اجتهد واعطاك رأيه وانا بنظري الراي الاول والاخير بعد الله يعتمد عليك انته اعرف بظروفك وبدراستك والعمل الي انته تشتغل فيه هل هي شركة عريقة او توها جديدة ومن هذا الكلام .. صح ان تخصصك زين وراتبك ما شاء الله حلو ومع الزيادات راح يعلى والله يزيدك من فضله .. لكن حط نفسك امام عدة اسئلة

الماستر بتخصصك تتوقع انه راح يتيح لك فرص وظيفية اكثر او انه خيراتك راح تكون نفسها تقريبا الي بالبكلوريوس مع اني مع اعتقد هالشي .. اضف عليها انك تشتغل بشركة يعني باي وقت يقولون لك صفي حقوقك وتوكل على الله ودايما نسمع بقصص مشابهة

برأيي استخير الله وشوف نفسك ايش حابة واعقلها وأتكل

انت تسأل عن التأجيل ولم تطلب آرائنا ولكن بما اني ما عندي علم بسياسة التأجيل عند الوزاره راح اعطيك اقتراح مني يمكن يعجبك

انسى موضوع البعثه على الاقل خلال مدة عقدك اذا ارتحت في وظيفتك كان بها واكيد راح تبدع وتطور نفسك وتزيد راتبك ويمكن تتثبت فيها وترتاح من هم كبيييير وتحقق اللي يتمناه الكثير حتى من خريجي البعثات وهو الاستقرار الوظيفي
لو ما ارتحت بالوظيفه ومازال موضوع البعثه مسيطر عليك جمع مبلغ خلال الفتره الجايه من راتبك واطلع فيه بعثه على حسابك في البدايه واكيد راح يضمونك للبعثه بدون شروط او قيود