انني متوهق ياجماعة الربع ((موظف قطاع خاص !!))

استمارة قرار الابتعاث هذي متى ارسلوها ومتى طلبوا توقيعها؟

حبيبي هذي اخر شي اذا خلصت كل اوراقك وجيت ترسلها لهم بالبريد الممتاز على قولتهم هي مع المتطلبات تلقاه بموقع الوزاره لما تدخل على حسابك

افااااااا مافيه ناس من واقع تجربه يعني

انت مو موظف حكومي فخليك على الاجازه بدون راتب والله يوفقك يارب.......لا تستقيل ابدا

هذا الي شكله يبي يصير ان شاء الله

اخووي انا انقبلت مرافق وامور المرافق جدا متيسره في الانضمام للبعثه وانا متزوج وعلي قرض كمان يعني هذي المصيبه الاولي والمصيبه الثانيه عمري تقريبا ٢٦ وقدامي ٥ سنوات دراسه يعني برجع عمري ٣١ لو اني ادفر دافور وبدون اي تاخير يعني هذا بيعيق توظيفي وانا في قطاع خاص اطول مده ٣ شهور بدون راتب يعني مجازفه فقررت ابطل البعثه كلها ولكن انت نصيحتي لك فكر من جميع النواحي قبل ماتقدم علي اي خطوه ولو تبغي طريقه ممتازه قلم وورقه وسجل كل صغيره وكبيره قبل تبدا في اي خطوه لان الشي الي بتسويه مفترق طرق في حياتك والله اعرف ناس بالماجستير ولا لقيو وظايف خريجين استراليا واالله ماكسلك ولكن لاتقدم علي خطوه ممكن تدمر حياتك وممكن ترفعك فووق كمان الا وانت حاط البديل لاسوا الاحتمالات واستخير واطلب الله يدلك علي الطريق الصحيح والله منقهر اني بترك البعثه ولكن ممكن انها خيرة الله والله يوفقك وييسر لك والافضل لو الدوام يبتعثك اضمن لك الوظيفه
المعذره اذا فيه اخطاء املاييه لاني ارد عليك من الجوال
الله يوفقك ويحقق لك مرادك

ياحبي لك ياشيخ والله احس النصيحه من قلب جزاك الله الف خير

قل امين الله يجعلك تحقق كل الي تتمناه ويسهلك امرك بكل شي يارب

لكن انا الصراحه شكلي بطلع وحتى لو رجعون برجع ووظيفتي موجوده ولا اني اروح هناك واتوهق وارجع لاوظيفه ولا شهاده وترجع ايام التفحيط