البنات الي ابهاتهم ناشبة لهم في قصة الابتعاث

سلام .. ندخل في المفيد
الزبدة كل الي ابوها والا احد من اهلهااا ناشبن لهاا في حكاية الابتعاث وسفر لا ومستحييييييييل ... الخ

وربي عليكم بالدعااء سبحان الله ... انا الموضوع عندي كان حلم بعيد فجاءة صار قدامي بسبب الدعاء الحمد لله

ابوي كان رافض تمااااااااااااااامااا فكرة السفر وانا كنت مصرة اني اسافر واحقق حلمي . وموافقته كانت شي مستحيلة

طبعا اول خطوة اني اروح اسوي الجواز .. بالقوووووووووه وبالمصارعه وبالزن وبدموع التماسيح وافق وقام سوا لي الجواز وطوول ماهو في السيارة ماعلى لسانه الا كلمة وحده ( انا بسوي لك الجواز بس سفر لااااااااا مستحيييييل انسييييي)

ورحنا وسوينا الجواز ... الحين جا الترشيح المبدئي وطلع اسمي وحددو لي موعد اروح اقابلهم طبعا انا قلت بجهز اوراقي واروح معا اخوي اسوي التدقيق ... بس كان في ورقه للمحرم كان ابوي لازم يوقعها . طبعا اخواتي جلسو يزنون على راسي اني انا اوقعهاا ولامن شاف ولا من دري ... بس حسيت اني قاعده اغش ابووي مادري مارتحت وحلفت اني ماروح الين ماهو يوافق ويوقعها واذا مارضي خلاص يعني ربي ماكتب لي البعثه .... الحين موعدي الساعه 11 الليل وانا من الصبح قاعده عند رجوله اترجااه وابكي وانواااااااااااع الدرامااا وماحرك سااكن ... جا الساعه 9 الليل دخلت علي امي الغرفه لقيتني جالسه على اللاب قالت مانتي برايحه قلت لا ابوي مارضى يوقع لي الورقه قالت جيبيهااا .... راحت في خلال نص ساعه والا هي معها الورقه موقعه .. الحممممممد لله قدرت تقنعه مبدئيا

رحت ودققت وخلصنا الحمد لله .... طبعا الفتره مابين التدقيق والقبول النهائي .. جلسنا معا ابوي انواع الاقناااااااع وفتحت له المنتديات تبع الابتعاث وفتحت له موقع الوزاره وتطمن نوعا مااا ... وكان عندي تعديل بالشهاده كان يجيني كل يوم يقلي ها تبغين نروح نعدلها كان يجيني كل يوووووووووووم يقلي ماتبين تروحين تاخذين توصيات
الين ماجاااااااااااا موعد القبول النهااااااااااااااائي
جاني هو بنفسه يقلي مبروووك يابنتي انقبلتي شوفي واش ناقصك اوراق لك ولاخوووك خلينا نكملها ... طبعا انا مادري انا بحلم والا بعلللللللللللللللللللم احس ان هذيك اللحظه ماستوعبتهااا وحتى مارديت عليه من الصدمه

وهذااااااااااااااا كله واش سببه ... الدعاء ... وربي اني كل يوم ادعي ياااربي لو في البعثه خير انك تيسرها لي ولو فيها شر انك تصرفها عني ... ومايئست وخليت املي بربي قوووي ... بسبب الدعاء شي كان مستحيل صار حقيقه الحممممممد لله

وانا ذا كله كتبته عشان ازرع امل في قلب كل بنت ابوهااا قاعد لهااا في قصه البعثه ... ترا هم مو قصدهم انهم يوقفون في طريقنا وفي طريق مستقبلنا بس هذي ردة فعل كل اب خايف على بنته ... بس الاباء يتفاوتون في درجة الخووف وفي الي يتفهم وفي الي لا

البنات الي ابهاتهم رافضين باقي لنا مشوار على مانساافر ادعووووووووووووو كثير دخلو واسطات في الموضوع امهاتكم اخواتكم اخوانكم عمانكم اي احد ممكن ياثر عليه .. ولا اوصيكم في الدرامااا كثروو من الدموووع وتكفى ياااابوي لاتوقف في طريق مستقبلي ومن الاسطوانه ذي .......... وربي يسهلها عليكم ويفتح لكم من حيث مافتح لي ياااارب