سؤؤؤؤؤؤال طالب ثالث ثانوي اسمعوني بليييييز :(

هلا بك
والله يوفقك في ثالث وتتتخرج بمعدل عالي

اولا درجة التحصيلي المطلوبه هذي السنه كانت 75 بس 77 حقت المراحل السابقه

اما عن قصة فترة دراسة الطب فأغلب دول العالم تكون 7 سنوات ((يقولون ولا ني متاكد من هالكلام ان السنه السابعه سنة الامتياز تقدر تاخذها بالسعوديه))

اما اختيارك للدوله من الحين غلط اصلا حنا الى قبل يفتح التسجيل في البرنامج بيوم ما كنا عارفين الدول المتاحه كانت فيه دول موجوده في المرحله الخامسه اتقفلت في مرحلتنا

اما سؤالك عن المرحله الاولى والثانيه في البرنامج ما ادري وش تقصد اذا قصدك ان البرنامج له فترتين تقديم لا فتره وحده بس اما اذا نت تقصد المراحل فاحنا الحين المرحله السادسه يعني انت باذن الله بتطلع على المرحله السابعه

وسؤالك عن وجود نيوزلاندا في مرحله ثم تتقفل ما حد يدري يمكن يفتحونها المرحله القادمه

السؤال الاخير للاسف لا ما تقدر تسجل الا في دوله متاحه
الا اذا تبي تطلع على حسابك الخاص هذا كلام ثاني
وبالتوفيق ..

بالنسبة يا اخي العزيز من ناحية الدول فأنا احس ان هذا الموضوع اكثر شي شاغل بالك ، الدول المتاحة ما احد يدري عنها الا الله عز وجل ثم الوزارة ، لان بعض الاحيان يقفلوا دول علشان التكدس وبعض الاحيان يفتحوا المجال ، زي امريكا السنة هذه غير موجوده للطلاب الطب ، وبريطانيا لم توجد ايضا لجميع التخصصات وهذا يعود لسبب التكدس
وببالنسبة لك يا اخي العزيز لو تحب نصيحتي لك من ناحية الطب فعليك بإختيار ايرلندا لو اتيحيت في المرحلة السابعة ، او كنـــــدا .

حبيبي.
أسأل مجرب.
أفضل طلاب طب...دائما يدرسون في الجامعات الحكوميه السعوديه.
يعني اللي نسبهم خيال هم اللي يدرسون هنا.
أما اللي نسبهم لك عليك يدرسون برا.
ف نصيحه لك إذا كانت نسبك 99 وفوق و التحصيلي فوق 90 والقدرات فوق 85 سجل في جامعة الملك سعود بن عبدالعزيز الصحيه في الحرس الوطني.
KSAU-HS
أفضل طب على مستوى الخليج والعالم العربي.
((مجرب))
الدراسه كالتالي.
سنتين تحضيريه تحسب من عدد السنين.يعني يبقالك 5 سنوات بعدها.
المستوى الأول لغه E بحته....الثاني لغه E مع بعض المواد العامه.
المستوى الثاث.رلغه E مع مواد علميه شوي.الرابع E مع مواد طبيه شوي.
الوظيفه مظمونه في مستشفى الحرس الوطني((اللي يشتغل في الربيعه))
مباني جديده و متطزوره.
يقبلون فيها 80 طالب.
بنات واولاد.
المدرسين كلهم معهم ماجستير لغه.
كنديين و أمريكان و أردنيين. فقط.
لا تفوتك.

انا لسا في الثانوية يعني اسجل السنة الجاية بالبرنامج مو السنة ذي

وشااكر لكم مروركم الغالي ..

بس كنت اقصد بالتسجيل الاختلاف بين المراحل ( واللي فهمت ان كل مرحلة تتغير الدول صح والا ؟ )

اما التفكير بالدول كان على وجه الاطلاع فقط

^^
سعد شاكر لك مرورك الغالي ,, بس مودي بالسعودية موول

ودي اطلع برى اشوف العالم وادرس هناك واكتسب لغة اكثر

مكتب الطيار.
يعطيك رحلات دراسه لمدة 3 أشهر في العطلات الصيفيه.
تمل من شئ إسمه برا.

http://www.mbt3th.us/vb/forum74/thread202149.html
شف الرد الخامس.
الحرس الوطني.

لا اعتقد أن كلامك صحيح........أنا نسبة المدرسة 98% والقياس 86% والتحصيلي 93% وأبي أدرس في الخارج

قبلوني كل الجامعات بس أبي أدرس برا .....مو شرط المتفوقين يدرسون هنا

البعثة اتعلمك المسؤولية
البعثة اتعلمك الصبر
البعثة اتعلمك لغات أخرى هولندا بولندا ألمانيا وووووووووو.........ألخ
البعثة اتعلمك كيف تتعامل مع الجميع بطريقة غير عنصرية حتى ولو كانوا من مختلف الديانات والشعوب والعادات
البعثة اتعلمك كيف تقدر اتوصل فكرة المسلمين والاسلام في عقول الأجانب وتعطي انطباع جميل عن المسلمين
البعثة اتعلمك الاقتصادية مع مصروفك
البعثة اتعلمك التعاون مع زملائك في الغربة
البعثة اتعلمك كيف تتطبخ !