تغيير موعد الدراسة... بليز المساعدة<<<منعطف خطير محتاج خبرتك :)

November 23rd, 2010, 11:55 PM

بسم الله الرحمن الرحيم
والصلاة والسلام على سيد البلغاء والمتكلمين نبينا وحبيبنا محمد وآل بيته الطيبين الطاهرين وصحبه المنتجبين أجمعين

شباب/بنات
اليوم رحت لمكتب تجسير الفكر فرع الخبر لستلام قبولي وأنا الابتسامة بتشق بوزي من الفرحة
الحمد لله على الولاية مع إن ماعرف عنها شي (بنسلفانيا)
الجامعة هي wilkes university
وللمعلومية أنا طالب بكلريوس

ومع إن كان ودي في ولاية ثانية لكن مو مشكلة عندي أروح هالجامعة لأن مابي أبهدل نفسي مع المكتب في التحويل لولاية غير
المشكلة هي في موعد الدراسة هو 16 may 2011
يعني بعد 5 شهور و3 أسابيع تقريباً
بصراحة too much

هم كاتبين لنا إيميل إذا كنا نبي نغير تاريخ بدء الدراسة نرسل لهم طلب ونكتب فيه التاريخ الي نبيه
وكاتبين جوال للاستفسار
أنا كلمت على رقم الجوال ورد عليي رجال وسألته عن المدة الي يحتاجوها عشان تغيير الموعد
هو قال خلال 15 يوم يكون القبول الجديد عندي

أنا للحين ماسويت طلب لأن أخاف ان أصدق كلامه وبعدها مايوصلني الآي توني الجديد إلا بعد شهر ونص أو شهرين ويروحوا عليي مواعيد الفيزا أو ان مالاقي إلا موعد للفيزا قريب من موعد الدراسة ولين ماتطلع الفيزا وبعدها أطلب قرار ابتعاث وأنتظر لين ماينطبع وأستلمه وآخد أمر اركاب وأقطع التذكرة مممممممممم مادري أخاف يبدي موعد الدراسة ومايمديني أخلص كل هذا وأرد من جديد أطلب تأجيل الموعد

أنا عندي استفسارين
(قبل ما أقولهم توني مكلم واحد قال لي إن أنا بعد اصدار الفيزا وحضور الملتقيات أقدر أسافر قبل اصدار قرار الابتعاث يعني اقدر أكمل اجرائاتي من هناك وهالشي ريحني شوي بس ياليت أهل الخبرة يأدوا لي هالشي)

الاستفسار الأول: أنا أدري ان تغيير موعد الدراسة مايحتاج لأكثر من سبوع+فترة وصول الآي توني الجديد من هناك للخبر لكن هل مكتب تجسير الفكر ممكن فعلاً يخلص لي أموري بسرعة أو ممكن يعطلوني سنة لين مايعطوني تغيير الموعد؟؟؟<<أتمنة الاجابة من ناس مجربين أو من إلي يعرفوا ناس مجربين..
الاستفسار الثاني: بعد ما أطلع الفيزا واطلب طلب اصدار قرار ابتعاث كم يحتاجوا من وقت عشان يطبعوا لي القرار؟؟ وهل فعلاً لم ينطبع أقدر أستلمه وآخد أمر اركاب وأقطع التذكرة في نفس اليوم؟؟؟<<<أتمنة إلي بجاوب يكون متأكد 100% من كلامه

أشكر كل الأعضاء الي تمنوا يساعدوني حتى لو ماقدروا يكفي انهم تمنوا هالشي او حاولوا
وشكر خاص طبعاً للي بيقدروا وجزا الله الكل ألف خير

بالتوفيق للجميع
والسلام عليكم ورحمت الله وبركاته

• نشر عبر تويتر
• نشر عبر فيسبوك
• نشر عبر جوجل